1 SAMUEL 6:17 - Boy Lonana

¹⁷ Gola ni foto tuguɗii ɦulu ma mini u lorra, ma suu Filistinna ɦam maŋ Yawe vadl kay a taɓ dukusi u namba. Suu Asdodna ɦal dew, suu Gazana ɦal dew, suu Askalonna ɦal dew, suu Gatna ɦal dew, suu Ekronna ɦal dew.

1 SAMUEL 6:17 ပူးပေါင်းရင်းမြစ်များ

2 SAMUEL 1:20

Ɓakagi boy namma ki hu Gatɗi, jokogi boy namma ha ki hu voɗta Askalondaɗi, ka a gorɓii suu vi suu Filistinna li furiraɗi, ka a gorɓii suu hurusi bay mbuɗtana weɗ kolo u furiraɗi.

AMOS 6:2

«Asi di ana tuɗugi ha Kalani gologiya, hu li namma agi hin tuɗugi hu Hamat ta ŋgolla, hin jakagi ha Gat ta vi suu Filistinnara, na ni ɦoŋzi namma bege suu suu muli suu wanna su? Ndaŋga masira ŋgol suu ndaŋga magira su?»

JEREMI 25:20

Njaf suu zeɗ zeɗna u muli suu Usna halaŋ, muli suu hu mbassa Filistinda halaŋ, suu Askalonna lay, suu Gazana lay, suu Ekronna lay u suu hin hu Asdodna lay.

2 DLAŊ MULINARA 26:6

Oziyas tuɗ duu u suu Filistina. Nam to gulumun ma Gatna kiyo, ma Yabnena u ma Asdodna lay. Nam hin min ɦoŋzi ŋgolo ma daŋ ma ŋguy kay Asdodna ki saɓak may ni hu mbassa vi suu Filistinna.

2 MULINA 1:2

Fali taa dew ni Ahaziyas ay kolo hu zira mini kolo kay ndaraɗtara. Nam ndi ay kaŋga dag ki cocoo. Nam cuk suuna vun sunda dasi ana, «Tuɗugi joɓogi Baal-Zebub, lo ma vi suu Ekronna aya, na ni an ndak a garaɗ ki ko dagka fan wandara ko su?»

2 SAMUEL 21:22

Suu fiɗi asina ni hu njafna vi Harafana hu Gat. Asi hin cuk ki kaŋga ko waɗta vi David u suu mam suu sundana.

1 SAMUEL 6:4

Asi di ana, «Va ma ami hin ɦam a miniɗ una ni mege?» Asi di ana, «Kay ndum muli suu Filistinna tuguɗii ɦuluna vadl may, yoo kolom lorra vadl may, kay ana ni tuguɗiira mba kagi halaŋga kay muli magisina may.

1 SAMUEL 5:10

Asi sun Zanduk Lonara ha ki hu Ekron. Na may ni hu li ma Zanduk Lonara tew ha ki hu Ekronna, suu Ekronna yi kolo u delesi eŋga ana, «Asi jokoygi Zanduk Lona vi suu Israelnara ay varaygi a caygi kira wa, an u suu mansina.»

1 SAMUEL 5:8

Asi yi muli suu Filistinna halaŋ tokosi varasi dasi ana, «Aygi ndak li Zanduk Lona vi suu Israelnara ni nanage?» Asi hoŋ dira ana, «Hoŋoygi Zanduk Lona vi suu Israelnara ha ki hu Gat.» Asi hin jok u Zanduk Lona vi suu Israelnara kiyo.

1 SAMUEL 5:1

Suu Filistinna tli gasi Zanduk Lonara kiyo. Asi tlaɗ ay hu Ebenezer ta ta Asdod.

SUU KAƁAKŊA 16:21

Suu Filistinna vam kemmi, coom irim ki dlaɗ jak. Asi tuɗ ga u nam hu Gaza. Njunum u galina mba', gam a luɗ fuɗta a nam pereɗ ɦinira luɗna hu daŋgayna.

SUU KAƁAKŊA 16:1

Samson tuɗ hu Gaza. Nam i kal vi cara gawlaŋga, nam buu u ndaɗu.

SUU KAƁAKŊA 1:18

Suu Yudana duu tasi u ɦoŋzi ma Gaza, Askelon u Ekronna u mbassa keŋesi tok tokka lay.

DLAŊ LEVIRA 5:7

«Lini sana hawi ka fi ɦu ma li ɓivunna kay coombanaɗi ni, nam yow guk gaɓina mba', ɗowba gugukka mba' a min duk ɦoŋom u Yawe kay coombara. Dew a li ɓivun ma bulum cora kina may, dew a li ɓivun ma ŋgalam kina may.

GA 8ATAMBARA 28:27

«Yawe hin gagi tuguɗi kolla kagi ko nam gaɗ ay kay suu Egiptena wanda na may. Tuguɗi balla u cukka tagi eɗegi coco ta ta tuguɗi ndaɗta ka cilɗi.

AMOS 1:6

Yawe ɓak anaba, Ni kay dla cora laɗ yamba na hindira, kay dla cora suu Gaza suu yara laɗ yasi fiɗira, an hin ka col dukgi, kay ana asi yow suuna bolow cocoo, tuɗ cukusi ha ki Edom.

SUU KAƁAKŊA 14:19

Musuk Yawera kal hu Samson. Nam tuɗ ki hu Askelon, ci suu huna na dok-hindi, yowosi barawi masisina, mba ɦasi maŋ suu gi u ganyamba kina. Hurum ɓeŋ ki cocoo nam hoŋ vo vi bumu.