1 SAMUEL 5:4 - Boy Lonana

⁴ Asi col kolo siw maɗii na feɗet, gola ni Dagon ndi ki kaŋga fok Zanduk Yawera. Yam Dagon u koɗ jak ki ŋgaɗiya, ki cukira fun zira. Va vi Dagon li ka hin ka hu li namma kala.

1 SAMUEL 5:4 ပူးပေါင်းရင်းမြစ်များ

MISE 1:7

An hin tooɗ fuli maɗsina kiyo, begera ndaɗ faɗta halaŋ an hin cukuɗ ki duk kura. Fuli maɗsina halaŋ an hin toosi ki na njeɓ njeɓ, kay ana taɓira ko tasi u begera vi gawlaŋiinara, asi hin mbuɗ ki ni ko bege ndaɗta na may.

JEREMI 50:2

Ɓakagi boy namma ki maŋ njaf suuna, dagi suuna asi hum boy namma kiyo, neegi suuna ki kamu. Ɓakagi boy namma ki maŋ suuna, ŋgayagina kaŋgaɗi, dagi ana, Babilon ki tliiya, Bel viɗ jiv maɗna ki wa, Marduk mbuɗ ki zolona wa. Kumu maɗna ɓeŋ ki wa, otel maɗ ma li ɓivunna bulum ki wa.

JEREMI 10:11

Gola ni dlara agi hin dasirara, loogi suu li huulona u ndaŋgara kaɗina hin bulum ki kay ndaŋgara, ki kaŋga u huulona.

DANYEL 11:8

U loogi masi suu ɦawana lay, foto tlegeyesi suu yoori u tusunana lay, tlegeyesi suu yoori jivi coco u lorra lay, u doonorana lay, nam yowosi kom halaŋ, tuɗusi ki hu mbassa Egiptera. Nam hin kak ha ki eg mul ma mbayawna na day basara bolow olo.

EZAYI 27:9

Cora vi goryoŋ Yakobma hin bulum ki ni ko ndaɗta na may. Ni vuɗ dlara hin tak ki ana coosira bulum kiwara. Asi hin to ɦini mayra asi njaraɗ a givin ma togolla kiyo, to li ma ŋgal mbul ma hisna ki lay. Sa ka wi tle asina u irim oloɗi.

1 SAMUEL 6:5

Agi hin tlagi foto tuguɗii ɦulu magira u kolom mayra ɓeŋegi mbas magira, agi hin ŋgaagi Lo ma vi suu Israelna. Kala kom hin mbuɗ ki feɗta kagiya kay loogina kay mbas magira.

EZAYI 40:20

Sa ma wihawra ma ka hal va ŋgolɗina, man mamma ni guna ɦawaa, hin hal sa ma ceɗ tlena a ceɗem loomma fokomba may.

JEREMI 10:14

Gegelay hin kagira u ndaana, ki doori lay. Suu yoo tlena mbuɗ ki zolona kay fuli masisina, foto mburi masisina ki coo, ŋgus ka hurusiɗi.

JEREMI 10:15

Ni dlara bay uɗta, ni tlesuu luuna hu buu ma kaɓakŋa ni asi hin miɗ kiyo.