1 SAMUEL 4:3 - Boy Lonana

³ Suuna hoŋ hu kaŋ masina. Suu basi suu Israelna di ana, «Ni kay me Yawe hin suu Filistinna poŋoygi karam na nige? Tuɗuygi halaygi Zandukka Galamba vi Yawera ha hu Silo. Hoŋoygira ay dukuygiya a ndaɗ suɗuygi ki ko suu babali maygisina.»

1 SAMUEL 4:3 ပူးပေါင်းရင်းမြစ်များ

2 SAMUEL 15:25

Mulna di Sadok ana, «Hoŋ Zanduk Lonara ha ki hu ɦoŋzina. Li ni Yawe u an jiviya ni nam hin hoŋon aya, hin ɦan voɗta a an waɗ olo, u ziim lay.

1 DLAŊ MULINARA 17:1

Na ɗaŋŋi David kak hu ziimu. Nam di sa jok vun Lona, Natan, ana, «Gola, an kaki ni hu zira yaɗ vii u gu sedrenara, Zandukka Galamba vi Yawera ka kurufu hu mbutluɓma.»

SOOLLA 74:1

Soolla haɗta vi Azaf. Lona, aŋ zuɗumi ha ki na gak gakŋi kay mege? Huruŋ ɓeŋi eg yoori suu ka hu katlaŋ maŋga na gakŋi amege?

SOOLLA 74:11

Aŋ li koŋ ma njufna ki na ni amege? Aŋ cuk koŋ ki huruŋ na ni amege?

EZAYI 50:1

Yawe di ana, magaara an ɓiirigira a busugi sugi kira ni arage? An ɦagi ki maŋ sa ma an ka balna komma ni gege? Gola dla coogira agi laɗta gusugi ay ki ni ndaɗu. Ni kay ŋgel magira agi ka humbira dikigi sugi ki ni na.

EZAYI 58:3

Asi dan ana, ami li laara aŋ ka wamiɗi ni, jivira ni arage? Lini ami hoŋ yami gaa, aŋ ka wamiɗi lay ni, nanage? An hoŋosi dira ana, hu li ma agi li laara ni agi ka li paa magira may, agi ka las suu li sunda fokogina lay.

EZAYI 59:1

Gola ko Yawe ka geɗeŋ kay a suɗugiraɗi, humumba humugi cen magira ka ŋgeliɗi lay.

EZAYI 59:2

Coogira ɓorowogi dukugi ki u Loogina ni ndaɗu. Dla coogira ŋgayagi ii Lona ki kogi ni ndaɗu. Nam mbuɗ ha ki egegi day, ha ki day coco ka humugiɗi.

JEREMI 3:16

Hu coki ndaɗta hu li ma asi zul ki bolow coco hu mbassa wa ni, Yawe di ana, sa hin ka di ana, «Zandukka Galamba vi Yawera» oloɗi. Dlaɗ hin ka li kay sa dewɗi lay. Sa hin ka yaɗ seɗɗi lay. Sa hin ka saa ana ndaɗ ka dukuygiɗiraɗi lay. Sa hin ka hoŋoɗ lira oloɗi.

JEREMI 7:4

Halagi boy ma mbambara a hoŋogi dira ana, «Ni ziŋ Yawera, ni ziŋ Yawera, ni ziŋ Yawera. Nam ki tani wanna.»

NDUMBA 10:33

Asi yow ha u ɦinira vi Yawera, tuɗ ta ta buuna hindi, Zandukka Galamba vi Yawera ka tuɗ fokosi hu buu ma hindi namma may, a takasi li ma asi hin vi ziisi huna.

NDUMBA 10:35

Hu li ma Zandukka ka tuɗ na ni Moiz di ana, «Col koloo, Yawe, suu babali maŋsina hin njay kiyo, suu gonok maŋsina yow liŋŋa fokoŋu.»

NDUMBA 31:6

Moiz sunusi a tuɗ koyra ni na suu buɓ buɓ u njaf suu Israelna halaŋ. Nam sunusi na ni gi mul ma li ɓivunna, Pinhas, ma goŋ Eleazarna, usi may, nam tuɗ ni u tlesuu teteɗ suu hu Mbutluɓ ma Tokka komu, u tokolomma a yi suu duuna kom may.

GA 8ATAMBARA 29:24

Asi hin hoŋosi dira ana, «Ni kay asi noy Galamba Yawe vaɗ u asira kiyo, Lo ma vi somoyosina, nam vi vunum u asi dukusi ay ki hu mbassa Egiptera.

GA 8ATAMBARA 31:26

«Vagi magaara gaɗ ndaɗta, gagira ha na tok eg Zandukka Galamba vi Yawe Loogina. Ndaɗ ni a vara di ki kagira.

2 TIMOTE 3:5

Asi li ko asi vi u Lona na, na may ni noy saɓak vira kiyo, aŋ taɓ u suu asinaɗi.

HEBRENA 9:4

Hu li namma ni givin ma togolla ma ŋgal ɓivun ma hisna mini u lorra ka huwa. Hu li namma ni Zandukka Galamba, taɗ hori u lor huruɗu, doyra lorra u manna huruɗu, u tokolora vi Aaron ta tin ɓorara, u ɦinira ceɗira u boyna vi galamba ɓiiri kaɗu.

JOSUWE 4:7

Agi hin dasi ana, ni kay a tak mbo lum ma Yurdanna so ki fok Zandukka Galamba vi Yawe hu li ma asi taɓa ay dukum ndolna. Mbo lumma irim ɓorow ki duku, gogoyra ndaɗta hin ki cuki ɦawaa. Gogoy ndaɗta ca ni hin ka ni a gi humba maŋ suu Israelna ha kay goryosi na gak gak.»

JOSUWE 6:6

Josuwe, goŋ Nunna, yi muli suu li ɓivunna ay egem di ana, «Tlagi Zandukka Galamba, muli suu li ɓivunna kiɗisiya yow dif gamlana kosi tuɗ ha fok Zandukka vi Yawe may.»

JOSUWE 7:7

Josuwe cen Lona hin di ana, «Ҥii, Bu Suuna Yawe, aŋ hin hin suu Israelna a calaɗ mbo lum ma Yurdanna ay ki ni kay mege? Ni kay a hinimi ki ko suu Amorna a asi baami kira su? Lini hinimi ha ni doŋ lumma keŋ hiŋŋa ni mariyaɗɗi su?

JOSUWE 7:8

An ceneŋu, Bu Suuna, hu li ma suu Israelna ɦal ŋgorosi fok suu babali masisinana, an hin di ni ana me ologe?

1 PIYER 3:21

Mbo namma takŋi batem ma ka suɗugi cecemmi wanna, mbo namma ka mbus zozoɗta eg sanaraɗi, ni a joɓ Lona kay saara ɗegeera, batemma suɗugi ni u colla Yesu Kristu col ay ki kolo iiri duk suu miɗinara.

Magaara JUD Ɓiiriɗta 1:5

Agi wagi u dla ndaɗta ki vagi jivi lay ni, an gagi humugi ha ni kay dlara Lona suɗ suu Israelna ay ki hu mbassa Egiptera, suu tin hurusi ay ka kambina nam hin baasi ki may.

1 SAMUEL 1:24

Hu li ma ndaɗ noyom pona kina, ndaɗ tuɗ u nam u bolo mbutlina hindi. Luɗ fuɗta kaɗ may, tli mbumbu sum veŋŋa kaɗ may. Ndaɗ kalam hu Ziŋ Yawera hu Silo. Goona a mbuɗ ki sa sunda hu zira.

1 SAMUEL 14:18

Sol di Ahiya ana, «Ҥuɗ Zanduk Lonara aya.» Ay hu buu namma gasi daŋ may ni Zanduk Lonara u goryoŋ Israelna.

1 SAMUEL 4:2

Suu Filistinna min tasi ki kaŋga fok suu Israelna. Duuna mun ha fokŋi muni na ɗow ɗow. Suu Filistinna poŋ suu Israelna. Hu li ma duuna, hu li ma asi ŋgaf tasi huna, asi ci suuna ki ko va ma buɓ buɓ fiɗi na.