1 SAMUEL 31:4 - Boy Lonana

⁴ Sol di gogoo mam ma sunda ana, «Tli ŋgew maŋŋa, can kiyo, kay suu ɗiwisi ka cawiɗina mbay can asi a pananɗi.» May gogoo mam ma sunda min kaɗi kay ana nam mbuɗ ki ndaana cocoo. Na ɗaŋŋi Sol paɗ ŋgew mamma, gi tam funumu.

1 SAMUEL 31:4 ပူးပေါင်းရင်းမြစ်များ

2 SAMUEL 1:1

Ni ŋgoo dagan maɗ ma vi Solna, David hoŋ ay hu li ma nam ci Amalek ha kina. David li buuna hu Siklag mba'.

2 SAMUEL 1:14

David dam ana, «Aŋ li ndaa ka a tli koŋ a ci sa ma Yawe fuurummaɗi ni nanage?»

2 SAMUEL 1:20

Ɓakagi boy namma ki hu Gatɗi, jokogi boy namma ha ki hu voɗta Askalondaɗi, ka a gorɓii suu vi suu Filistinna li furiraɗi, ka a gorɓii suu hurusi bay mbuɗtana weɗ kolo u furiraɗi.

2 SAMUEL 1:6

Goozoŋŋa dam ana, «Va tuɗun ha kolo kay ɦinira Gilboara ni me kala. Sol ki pii fun saɓ mamba, puspusna u suu fuli kay kuluminana moli egem na tok.

2 SAMUEL 17:23

Hu li ma Ahitofel wi ana sa ka li u gaɗ mambaɗi ni, nam ɗag tlena kay kor mamba, gi tam tuɗ vo varam hu ɦoŋzi mamma. Nam ɦal gaɗta maŋ suu varamma may ni, hin cuk delem ki zewna. Ŋgoo miɗ mamma asi tosom hu zulla vi bumba.

2 SAMUEL 21:12

David mbay vaa sok Sol u ma vi Jonatan, gorommana, ki hu Galaad hu ɦoŋzi ma Yabesna. Suu asi kulusi ki hu li ma ki kiɗik ma Bet-Seanna hu li ma suu Filistinna ɓalasi ki huna, hu buu ma suu Filistinna ci Sol ki hu Giboana.

1 MULINA 16:18

Zimri wi ana nam tli zina ki wa ni, nam kal hu ziŋ mulnara. Nam gi ku ziŋ mulnara kam, ŋgal tam kiyo.

1 MULINA 16:27

U dlara Omri laɗta halaŋ ka ɓiiri hu magaara Sunda vi Muli suu Israelnara. Asi njaɗ dlara nam laɗta u ɦiŋ mamba nam takaɗ kira.

1 DLAŊ MULINARA 10:4

Sol di gogoo mam ma sunda ana, «Paɗ ŋgew maŋŋa cokon u namu, ka suu ɗiwisi bay cawra mbay lasan maɗan ki asiɗi.» Na may gogoo mam ma sunda min kaɗi kay ana nam li ndaana cocoo. Na ɗaŋŋi Sol tli ŋgewna gi tam funumu.

SUU KAƁAKŊA 14:3

Gi bum u sum dam ana, «Aŋ ka ndak a fi cara duk gorɓii suu vi gorseŋŋana vo taniɗi su? Aŋ tuɗ ɗum cara ay ki duk suu Filistinna suu ɗiwisi bay cawra ni nanage?» Samson hin di bum ana, «Vanni goo ndaɗta kay ni ta hurun miniɗta.»

SUU KAƁAKŊA 9:54

Abimelek yi sa ma ziirim ɓagi mammana na zak dam ana, «Paɗ ŋgew maŋŋa, dogon kiyo kay sa hin di ana canni cara ɦawaa naɗi.» Goozoŋ namma hin cokomu. Nam miɗ kiyo.

1 SAMUEL 14:6

Jonatan di gogoo mam ma sunda ana, «Mbaya, ɦuɗuy ha hu li ma vi suu bay caw ɗiwisi ki tuna na. Kala Yawe li hin li u ay kala nige. Gasi daŋ may ay li ka bolowɗi lay ni, va doo Yawe ki a nam ɦaygi a su kasina kaɗi.»

1 SAMUEL 17:26

David di suu coli egem tok tokŋa ana, «Hin li ni me maŋ sa ma hin ci sa ma Filistin namma ki may, bulum zolo ma vi suu Israelna ki may nage? Sa namma ni gege, gasi daŋ may sa ma Filistin ma ɗiwim bay cawra ma hal suu vi Lo ma iirina a duuna nige?»

1 SAMUEL 17:36

Saaŋ ma sunda ci dlona ki u ŋguuna. Sa ma Filistinna ma ɗiwim bay caw namma hin li ni ko tle asina na may, kay ana nam hal suu vi Lo ma iirina a duuna.»

1 SAMUEL 26:10

David di ana, «U saɓakŋa vi Yawena, Yawe ni sa ma hin waɗamma, hu li ma faɗamba miɗna mbara ɗowba hu li ma nam hin mbay duuna a miɗ ki huna.

1 SAMUEL 31:5

Gogoo mam ma sunda wi ana Sol miɗ ki wa ni, gi tam fun ŋgew mamma ci tam ki um may.