1 SAMUEL 29:3 - Boy Lonana

³ Muli suu vi suu Filistinna di ana, «Suu Hebre asina ni me ko ge?» Akis di muli suu vi suu Filistinna ana, «Na may ni David, sa sunda vi Sol, mul ma Israelna. Gola, basara ki ni dew kala, mba' kala, nam ka ki u anu, an fi va ma a yalam kam kaɗi ay hu buu ma nam taɓ tam ay u anna day ta ta karami.»

1 SAMUEL 29:3 ပူးပေါင်းရင်းမြစ်များ

DANYEL 6:5

Na ɗaŋŋi suu sunda u suu kaɓakŋa min a li yara u Danyel kay mulla, may ka fi voɗ yaraɗi lay, ka fam co egembi lay, kay ana nam ɗegeere, maa dlara, u cora asi fi taa ka egem na ndeɗi lay.

1 SAMUEL 27:7

David kak ay hu fulla Filistinda ni ii basara dew u til fiɗi.

1 PIYER 3:16

Lagi na ni u lalamba, ŋgaagi suuna, lini asi kaagi boyna kagi lay ni lakagi u saara jivira, suu di boy ma cona kagi kay poy magira u Kristura hin mbuɗ zolona.

ROMMA 12:17

Hoŋ cora maŋ sana u coraɗi, lagi jivira ni maŋ suuna halaŋ.

Boy Ma Ayra Ma JAŊ Ɓiirimma 19:6

Muli suu li ɓivunna u suu asgaana wam na ni tum soora ana, «Ɓalam kiyo. Ɓalam ki eg gu garakŋa! Ɓalam ki eg gu garakŋa.» Pilat dasi ana, «Agi vagina i ɓalam u tagira kay an fi dlara cam ki kaɗta kaɗi.»

1 SAMUEL 25:28

An ceneŋu, heɓ huruŋ eg caaŋga sunda kay cooɗta. Gasi daŋ may, Yawe hin ka hin bay ɦal mulla maŋ malannaɗi kay ana malanna li duu ma vi Yawena, sa ka faŋ dla co egeŋgi hu kak maŋga iiri hu duliyara halaŋ.

1 SAMUEL 27:1

David ɓak tam hurum ana, «Na lay ni buu dew ni Sol hin can kiyo. Va ma an a lam jivina kaɗi. Mariyaɗ ni an ŋgay tan ki hu mbassa vi suu Filistinna, suɗ tanu. Na ɗaŋŋi Sol hin ka min a halan hu mbassa Israella na halaŋŋi, an hin suɗ ki komu.»

1 SAMUEL 29:6

Akis yi David dam ana, «U saɓakŋa vi Yawena, aŋŋi sa ma ɗegeena. An furi coco a waŋ aŋ tuɗ a kal un a duunara, kay ana an fi dla co ka egeŋgi ay hu buu ma aŋ mbay varanna ta ta karami. May muli suu daŋŋa ka furi kaŋgi.

1 DLAŊ MULINARA 12:19

Na ɗaŋŋi Musukka mba kay Amasay ma ŋgolla fok suu Dok-Hindina. «Ami ni maŋu, David, ami ni u aŋu, goŋ Jesena. Heɓpa, heɓpa u aŋu, heɓpa u sa ma njunuŋŋa. Kay ana Looŋŋa njunuŋŋi namu.» David vasi varam, lasi koyra, hin tinisi duk suu ŋgolo suu fok suu duunana.

1 DLAŊ MULINARA 12:20

Suu vi Manasena taɓ tasi u David hu li ma nam mbay u suu Filistinna, duu u Solna may. Suu asina ndak ka a njunusiɗi, kay ana suu ŋgolo suu Filistinna vi vunusi vi ni, dik David ki dam ana, «Nam vi vunum u malamma Sol ni kaygiya.»

URA TIN AYRA 14:13

Sa ma pii ay kina dew mba di Abram ma Hebrena, nam ka cuki ni ii ɦoyna hu Mamre. Sa ma Amorna wayaŋ Esekol u Anerna asi banara u Abram.

1 SAMUEL 4:6

Suu Filistinna humusi delesi mbuɗ yi ay saɓakŋa na ni, asi di ana, «Suu Hebrena yi kolo u delesi eŋga hu kaŋŋa na ni ana mege?» Asi wi ana Zanduk Yawera tew ki usi hu kaŋŋa wa.

1 SAMUEL 14:11

Asi hin tasi suu Filistinna wasi ki u dlasira mbara. Suu Filistinna di ana, «Gola suu Hebrena sel ay ki hu zulla asi ŋgay tasi ay ki hura ɗaŋ.»