1 SAMUEL 27:1 - Boy Lonana

¹ David ɓak tam hurum ana, «Na lay ni buu dew ni Sol hin can kiyo. Va ma an a lam jivina kaɗi. Mariyaɗ ni an ŋgay tan ki hu mbassa vi suu Filistinna, suɗ tanu. Na ɗaŋŋi Sol hin ka min a halan hu mbassa Israella na halaŋŋi, an hin suɗ ki komu.»

1 SAMUEL 27:1 ပူးပေါင်းရင်းမြစ်များ

EZAYI 51:12

Anni sa ma njunugina. Agi li ndaa sa war ma miɗ kina ni kay mege? Goŋ Adamma ni ko ndal ɓo usuna ɦawa na.

1 SAMUEL 23:17

Nam dam ana, «Li ndaaɗi. Bun kom hin ka vaŋgi. Aŋŋi sa hin ti mulla kay suu Israelna. An may ni hin li kaŋ a mbara ni anu. Sol bun tamba lay ni wi gasi na lay.»

VUN ŊGOLNA 13:12

Saara jok ha fokŋa ɗow ɗowra ɓalak huuna kiyo. Vok dlara ha tli fokoŋ dewra ni gu ma vi iirirana.

SOOLLA 116:11

An ɓak tan hu las manda ana, «Suuna halaŋŋi suu kaboyna.»

1 SAMUEL 29:2

Suu ŋgolo suu vi suu Filistinna ŋguy fok suu kis kisna may, fok suu buɓ buɓma may. David u suu mamsina ŋguy dagan u Akis ni asiya.

1 SAMUEL 25:30

Hu li ma Yawe hin li dla mayra nam daɗta eg malanna jivira, nam hin tiniŋ a mulna vi suu Israelna.

1 SAMUEL 22:5

Sa jok vun Lona, Gad, di David ana, «Kak hu liiŋ ma ŋgayraɗi, gi taŋ ki tuɗ hu mbassa Yudara.» David tuɗ ki duk gura Hereta.

1 SAMUEL 16:13

Samuel tli mek ma mbulna hurumma tani, hin fuurum duk gorsemma. Musuk Yawera hin mbay kay David hu buu namma. Samuel hin gi tam voɗ tuɗ Rama.

1 SAMUEL 16:1

Yawe di Samuel ana, «Aŋ hin tii kay Sol na gak gak su? An tanda noyom ki ni anu. Nam ka mul ma Israelna oloɗi. Oy mek maŋŋa u mbulna tuɗa. An sunuŋ ha vo vi Jese ma Betlehemma, kay ana an gol duk goryom wanni sa ma tinim a mulnana kaa.»

KALKIRA 14:12

Ami daŋ ay Egipte ni ana mege? Ana hinimi ami sun suu Egiptena, jivira ni ami sun suu Egiptena su mayra ami miɗ ki ŋgoo tani wanda.»

2 KORINTNA 7:5

Hu li ma ami mba hu Masedoin wanni fami koɗta ka hu na ndeɗi, ami fami wihawra ŋgolo. Njogoɗ ko tammi u suu daŋŋa, ndaana hurumi coco lay.

MARK 4:40

Yesu di suu haɗi mamma ana, «Agi lagi ndaana ni kay mege? Hurugi bay vi tu su?»

MATIYE 14:31

Yesu maɗ kom maɗ ni, vam na zak, dam ana, «Aŋ li huruŋ na mbambaa, tin huruŋ kanɗi ni amege?»

NDUMBA 14:3

Yawe min a tuɗumi hu mbassa a suuna cami kira ni kay mege? Boyogomi u goryomi suuna hin yowosi ki mbaɓura, mariyaɗa ni ka hoŋoygi hu Egipteɗi su?»

1 SAMUEL 26:19

Cecem wanda malanna mulna hum boy ma vi saaŋ ma sundana haa. Lini Yawe mbuɗuŋ ay yara egenni namu ni, ko nam his mbul ma his jivi ma ɦam ay ɦawana. May lini suu warna ni, ko dla cora li kasi fok Yawe kay dikka asi dikin ki karam wanda, kay doora asi doron ki kay jona vi Yawe dan ana, tuɗ li sunda maŋ loogi suu daŋŋara.

1 SAMUEL 29:3

Muli suu vi suu Filistinna di ana, «Suu Hebre asina ni me ko ge?» Akis di muli suu vi suu Filistinna ana, «Na may ni David, sa sunda vi Sol, mul ma Israelna. Gola, basara ki ni dew kala, mba' kala, nam ka ki u anu, an fi va ma a yalam kam kaɗi ay hu buu ma nam taɓ tam ay u anna day ta ta karami.»

1 SAMUEL 20:3

David hoŋ di olo suu tam ana, «Buŋ wi gasi ana an ka fi jivira egeŋu. Nam ɓak tam ana ka Jonatan ŋgay vaɗi, ka nam fi dlara loɓmaɗi. Na may u saɓak maŋŋa u saɓakŋa vi Yawena duk ɦoŋon u maɗna hinni semma dew.»

1 MULINA 12:26

Jeroboam ɓak tam hurum ana, «Dlara li tuɗ ni ko wanda na ni suu hu mul mandana hin hoŋ ki daa u njaf suu vi Davidna.

1 MULINA 12:28

Mulna fi saara daŋga. Nam yoo gor mbutlina mba' u lorra. Nam di suu Israelna ana, «Agi tuɗ tew tew ni Yerusalemmi gola agi suu Israelna Loogina wanna, ni ma cukugi ay ki hu mbassa Egiptera.»

1 MULINA 19:3

Eli wi na ni, col kolo pii ki a suɗ tam kira. Nam mba tew hu Berseba ni hu mbassa Yudara hin saam ma sunda ka huwa.

2 DLAŊ MULINARA 25:17

Amasiyas, mul ma Yudana, fi saara daŋga, sun suuna eg Joas, mul ma Israelna, goŋ Joakasna, goŋ ŋgolo Jehuna, dam ana, «Mbay ŋgafanu, duuruy taya.»

SOOLLA 55:7

An ɓak tan ana, «Lini garaŋ mbuɗ un ko gugukka na ni, an pii ki tuɗ hal li ma ŋgay kanu.