1 SAMUEL 26:8 - Boy Lonana

⁸ Abisay di David ana, «Karam Lona ɦaŋ saaŋ ma babalira ki koŋ wa. Ҥan voɗta an ɓalam ki kaŋga kay ndaŋgara u saɓ manda ɗaŋ. An hin ka cokom a yanda mbara oloɗi.»

1 SAMUEL 26:8 ပူးပေါင်းရင်းမြစ်များ

2 SAMUEL 16:9

Abisay ma goŋ Seruyana di mulna ana, «Ni kay me di ma mayra camma gi vunna maŋ malanna mulna nige? Hinin an jak kaam yam kiyo.»

SOOLLA 31:8

An luu ni luu ma furira kay ɗegee maŋga, kay aŋ wan hahaw manda wa, aŋ saa kay las manda.

JEREMI 40:15

Na ɗaŋŋi Yohanan ma goŋ Kereana joɓ Gedaliya hu Mispa ki ŋgay gumunu ana, «Ҥan voɗta an tuɗ ci Ismael, ma goŋ Netaniyana, ka a sa wiɗi. Aŋ min gasi ana nam caŋ ki su? Suu Yuda suu ŋguy kaŋŋa halaŋ hin hin ki kay tasiya u suu Yuda suu hinna hin miɗ kiyo.»

NAHUM 1:9

Va ma agi saa kam eg Yawena ni mege? Nam mi sa ɓeŋ lina kina. Wihawra hin ka mba a yaɗta mbara oloɗi.

ROMMA 11:32

Lona njun suuna halaŋ hu ŋgel gaɗ masira kay nam a tak oo mamba maŋ suuna halaŋ.

GA 8ATAMBARA 32:30

Sa ma dewna hin su kay suu buɓma ni nanage? Suu mba' daŋŋa hin su kay suu buɓ buɓ doogona ni ana mege? Ni tak ki ana Ҥini masina gususi ki ni namu, ɦasi ki ni Yawe u tamba naɗi su?

JOSUWE 21:44

Yawe ɦasi koɗ tara baɗaɗ zeɗ zeɗ halaŋ ko nam vi vunum ay ki fok jew u somoyosira na may. Suu babali masisina sa ma col fokosi dew kaɗi. Yawe ɦasi suu babali masisina ki hu duk kosi halaŋ.

SUU KAƁAKŊA 1:4

Yuda tuɗ duuna. Yawe hinisi suu Kanaanna u suu Perizna ki hu duk kosiya. Ay hu Bezekŋi asi ci suuna na buɓ buɓ doogo.

1 SAMUEL 23:14

David kak hu fulla duk ɦinira. Nam kak hu fulla Ziffa duk ɦinira. Hu li namma halaŋ wanni Sol ka halamu. Na may Lona ɦamma ka kombi.

1 SAMUEL 24:4

Nam tew ha tok eg kaa ma vi timigiina ma keŋ voɗta tokŋa. Hu li namma zul ɦinira ka huwa. Sol kal hu zul ndaɗta a koɗ tamba. Doli ɗini David u suu mamsina ka laki hu zul ndaɗta.

1 SAMUEL 24:5

Suu vi Davidna dam ana, «Ni buu ma Yawe daŋ ana gola an hin ɦaŋ saaŋ ma babalira ki koŋu. Aŋ hin lasam ko huruŋ minda na.» David col kolo u hurum ma yara, ŋgaɗ vun koɓoɗta vi Solla kiyo.

1 SAMUEL 26:23

Ko Yawe warak gegelay kay dlara nam laɗ jivi u hurum dewra. Yawe ni sa ma ɦaŋ karam ki konna. An min ka tin kon eg sa Yawe fuurummaɗi.

1 SAMUEL 26:7

David u Abisay tew ki eg suu duuna njeŋgee, hu li namma ni Sol ki kaŋga buuriya, buuri senna, saɓ mamba gi kaŋga u yam may. Abner u suu duuna ŋguy kam buuri senna may.

1 SAMUEL 26:9

David di Abisay ana, «Cam kiɗi. Sa ma hin tin kom eg sa Yawe fuurumma, sa hin ka gam daŋgayɗina ni gege?»