1 SAMUEL 26:19 - Boy Lonana

¹⁹ Cecem wanda malanna mulna hum boy ma vi saaŋ ma sundana haa. Lini Yawe mbuɗuŋ ay yara egenni namu ni, ko nam his mbul ma his jivi ma ɦam ay ɦawana. May lini suu warna ni, ko dla cora li kasi fok Yawe kay dikka asi dikin ki karam wanda, kay doora asi doron ki kay jona vi Yawe dan ana, tuɗ li sunda maŋ loogi suu daŋŋara.

1 SAMUEL 26:19 ပူးပေါင်းရင်းမြစ်များ

URA TIN AYRA 44:18

Yuda ɦuɗ tam eg Yosef dam ana, «Sa ŋgolna huruŋ ɓeŋ k saaŋ ma sunda min a daŋ boyna nde kay aŋŋi ko Faraw na.

URA TIN AYRA 8:21

His ɓivun namma cuk kay Yawe na ni, nam di ana, «An ka gi vun ndaŋgara ki kay cora vi suunara oloɗi. Sana ay hu gorom day ni hurumi saara cora. An ka min a ba tlesuu irina ki ko an li wanda na oloɗi.

2 SAMUEL 14:16

Lini mulna vi kam a ɓaɗ mbaɓu mamba ay ki ko sa ma min a bulumun ki hu jona vi Lona ki ko tammi u goronna na.

2 SAMUEL 16:10

Mulna di ana, «Va duk ɦoŋoy u aŋŋa ni mege aŋ goŋ Seruyana? Lini nam gi vunna wa, Yawe hoŋom dira wa ana, tuɗ gi vunna maŋ David, nam hin dam ana, aŋ li dla ndaɗta na ni kay mege?»

2 SAMUEL 16:11

David di Abisay, di suu mam suu li sunda halaŋ ana, «Lini goron ma kal ay ki egenna min a can kiyo, ni nam ma Benjaminna ma daɓ daganna ni, hinim nam gi vunna, lini Yawe dam ay na.

2 SAMUEL 20:19

Anni dla mayra jivi su kira u dlara ki eg liiɗ su hu Israella. Aŋ may ni hal a ɓeŋ ɦoŋzina kiyo. Ni ɦoŋzi ma ŋgol ma hu Israelna. Aŋ min a to jo ma vi Yawena ki kaŋga ni kay mege?»

2 SAMUEL 21:3

David ɓak ki maŋ suu Gabaonna ɗaŋŋi ana, «An hin lagi ni mege? An hin gi ii dla ndaɗta ni ana me a agi paɗ vunugi ki kay jo ma vi Yawena ge?»

2 SAMUEL 24:1

Yara vi Yawera mbuɗ ŋgolla eg suu Israelna olo, nam so u David a lasi dla cora egesi di ana, «Tuɗ ndum suu Israelna u suu vi Yudana.»

1 MULINA 22:22

Ŋgus ndaɗta hoŋ dira ana, An hin tuɗ mbuɗ tan ki a ŋgussa kaboyna, kal ay ki fun suu mam suu jok vun Lona halaŋ halaŋ. Yawe hin daɗ ana, Ndak tuɗ ganam yamu, voɗta ka kay ndak a tuɗ ganam yamba. Tuɗa i li ko ndaɗta na.

1 DLAŊ MULINARA 21:1

Satanna min tam eg suu Israelna so u David a nam ndum suu Israelna kiyo.

SOOLLA 120:5

Hahawra kan cocoo, kay an tuɗ ki koyra hu Mesek, kay an kak hu mbutluɓma vi Kedar.

SOOLLA 20:4

Ko humum gam kay ɦal maŋga, nam vaŋ ɓivun maŋŋa jiviya.

VUN ŊGOLNA 30:10

Tum u sa sunda eg malam ma nam li sunda varammaɗi, kay a nam hin yaŋ tlena kaŋ aŋ ba kiɗi may.

EZAYI 60:5

Aŋ hin wi u iriŋu, aŋ hin furiya, huruŋ hin oy ki u furira cocoo, kay begera ay hu mbo lum ŋgolnara mbuɗ ki ni maŋu, begera vi njaf suu warnara halaŋ hin mba ki ni koŋu.

DLAŊ LEVIRA 26:31

Ҥoŋzi magi ma ŋgolona an ɓalakam kiyo, an hin bowogi ziigira teteɗta ki gaa, an ka ɦisigi ɦis mbul magi ma ɦis jivi namma oloɗi.

NDUMBA 36:7

Kay ana duk suu Israelna ni jo ma ay hu njaf suu hiŋŋa ka jok ki hu deera daŋgi, suu Israelna gegelay ni hin kaki ni hu joom ma hu njafamma hu deera vi somoyosira.

NDUMBA 36:9

Jo ma ay vi suu wannana ka jok ki hu deera daŋgi. Suu Israelna gegelay ni kakŋi hu jo ma vi somoyomma.»

ROMMA 14:15

Lini wayaŋŋa mbuɗ ki hahawra u va ma aŋ tamma ɦawaa ni, aŋ ka poy u minda oloɗi, ba sa ma Kristu miɗ kamma ki kay tlesuu aŋ tasina ɦawaɗi.

GALATENA 5:12

Suu ganagi yagina garak u va ma asi ka lamma wa, mariyaɗ ni asi caw kini masira.

GA 8ATAMBARA 13:3

Takka u dlara mbuɗ mbuɗ ndaɗta li may, lini nam di ana, «Tuɗuygiya sunuygi loogi suu daŋŋa» ni lo ma agi ka wambina,

2 TIMOTE 4:14

Aleksandre ma dli caffa lan boy cona egen ŋgolo, Bu Suuna hin warakam kay dlaamba nam laɗta ni namu.

1 SAMUEL 18:10

Vin wanni ŋgussa cora col ay eg Lona mbay kay Sol, cam kiyo. David bu tlegeyem suu luuna ko jew dayra na. Sol u saɓ mamba kom may.

1 SAMUEL 24:9

Ŋgoo dagan ɗaŋŋi David kal ay ki hu zul ɦinira yi ha kolo u delemba eŋga ŋgoo Sol ana, «Malanna, mulna.» Sol gol irim ŋgorom dagan ni David goɓ vogom kaŋga duk ndaŋgara. Nam goɓ kaŋga.

1 SAMUEL 25:24

Olo, ndaɗ hin cuk ki kaŋga u sem hin di ana, «Kan anu, dla cora ni kan anu, malanna. Na ni caaŋga sunda ndak a ɓakaŋ boy namma humuŋ su? Aŋ hum boy ma vi saaŋga sundana na humge.

1 SAMUEL 27:1

David ɓak tam hurum ana, «Na lay ni buu dew ni Sol hin can kiyo. Va ma an a lam jivina kaɗi. Mariyaɗ ni an ŋgay tan ki hu mbassa vi suu Filistinna, suɗ tanu. Na ɗaŋŋi Sol hin ka min a halan hu mbassa Israella na halaŋŋi, an hin suɗ ki komu.»