1 SAMUEL 26:11 - Boy Lonana

¹¹ Ko Yawe lan dla cora egenu lini an tin kon eg sa ma Yawe fuurumma. Tli saɓ mayra kaŋga u yamba u guura yona huruɗta, tuɗuy may ɗaŋ.»

1 SAMUEL 26:11 ပူးပေါင်းရင်းမြစ်များ

2 SAMUEL 1:14

David dam ana, «Aŋ li ndaa ka a tli koŋ a ci sa ma Yawe fuurummaɗi ni nanage?»

2 SAMUEL 1:16

David dam ana, «Ko busuɗuŋ li ni kay yaŋu, kay aŋ tin dlara egeŋ u taŋga ana, anni sa dog sa ma Yawe fuurumma kina.»

2 SAMUEL 19:22

Abisay ma goŋ Seruyana kal duk hin di ana, «Ni dlara gasira hin ka ci Simey kiɗi kaɗta su, na ɗaŋŋi nam gi vunna kay sa Lona fuurummana ni ge?»

SOOLLA 17:4

An wi dlara suuna laɗta kay ndaɗta an gol tanu, an min li ni u gaɗ maŋga, an ka tuɗ hu voɗta vi suu las suunaɗi.

ROMMA 12:17

Hoŋ cora maŋ sana u coraɗi, lagi jivira ni maŋ suuna halaŋ.

ROMMA 12:19

Banayanna hoŋogi cora kay suu lagi cora u tagiraɗi, hinigi yara vi Lonara li ndaɗu, kay magaara di ana, «Sa ma sasugul suuna ni anu, an hin warakaŋŋi anu.»

1 PIYER 3:9

Hoŋogi cora u ndaraɗ coraɗi, ŋgulla u ndaraɗ ŋgullaɗi lay. Paɗagi vunugi ki kay tagi ni paɗi na ɗow. Hu li ma Lona yagina ni vi vunum ana nam hin paɗ vunum ki kagiya.

1 SAMUEL 12:3

An wanni tokogi ɓak magi ma egenna fok Yawe, fok sa Lona fuurumma. Sa an vam mbutl mammana ni gege? Sa an vam korro mambana ni gege? Sa an lam irim u bege mambana ni gege? Sa an doorom ki kay tlegyenmma ni gege? Sa an tlam gursura kom balna ta ni hin duk irin ki kamma ni gege? An hin hoŋogira kiyo.»

1 SAMUEL 24:12

Gola, ɦii, aŋ bunu, gasi gol vun koɓoɗ maŋga kon wanni kay ana an ŋgaɗ vun koɓoɗ maŋga may an caŋ ka kiɗi, humma wi ki ana an dla co ka hurunɗi lay, ya ka hurunɗi lay. An li suluk ka egeŋgi lay. Aŋŋi sa dleɓen kaŋga a can kina.

1 SAMUEL 24:4

Nam tew ha tok eg kaa ma vi timigiina ma keŋ voɗta tokŋa. Hu li namma zul ɦinira ka huwa. Sol kal hu zul ndaɗta a koɗ tamba. Doli ɗini David u suu mamsina ka laki hu zul ndaɗta.

1 SAMUEL 24:6

Na may ŋgoo dagan wanni David vun dikim ɓikim kay ŋgaɗta nam ŋgaɗ vun koɓoɗta vi Solla kira.