1 SAMUEL 25:39 - Boy Lonana

³⁹ David hum ana Nabal miɗ ki wa ni, nam di ana, «Ko Yawe ma njun kan hu li ma Nabal min a duu u anna sem fi ŋgara, ma doo saam ma sunda ki kay dla corana. Kay dla cora vi Naballa, Yawe hoŋomba kay yamu.» David sun a joɓ Abigal a ɗumba.

1 SAMUEL 25:39 ပူးပေါင်းရင်းမြစ်များ

VUN ŊGOLNA 22:23

Kay Yawe ka njun ay kasiya. Nam hin vi iirira vi suu lasisina kiyo.

1 SAMUEL 25:34

Gasi daŋ may u saɓakŋa vi Yawe Lona vi suu Israelna ma doron ki a li dla corana, lini ndak mbay gin toŋgo na zak ŋgafanɗi ni tew ha ki ŋgarpiira na ni tlesuu coo sumura eg gulumunnana va ka hin ko Nabalɗi.»

1 SAMUEL 25:26

Cecem wan daŋga ni malanna u saɓakŋa vi Yawena u saɓak maŋ aŋ taŋgana, Yawe ni sa doroŋ ki ana aŋ ci maɗna ɗina, li furira u bik koŋgina. Ko suu babali maŋsina, ko suu min a li dla cora eg malanna wi cecemi dlara li eg Naballa.

SOOLLA 7:16

Nam ka vek zulla kaŋga day, nam tamba hin ndi hu zul ndaɗta, ni nam tok.

1 MULINA 2:44

Mulna hin di Simey ana, «Aŋ wi lay huruŋ ka takaŋ dla cora aŋ laɗ eg bun Davidta. Yawe hoŋoŋ cooŋ ndaɗta ni kay duu duu yaŋu.

1 SAMUEL 25:32

David di Abigal ana, «Ko Yawe Lona vi suu Israel ma sunuk ay hu buu namma ŋgafanna sem fi ŋgara.

1 SAMUEL 24:15

Mul ma Israelna min tam a duu ni u gege? Aŋ min taŋ a dikŋi u gege? Aŋ dikŋi u di ma miɗina su? Aŋ dikŋi u yalira su?

2 TIMOTE 4:18

Bu Suuna suɗun ki ko cora halaŋ an kal hu mul mamba kolora u tanda jivira. Ŋgolla ni mamba a fafatɗa, Amin.

1 TESALONIKŊA 5:23

Ko Lona malaŋ heɓpa mbuɗugi ki jivi teteɗ, u tagira suu warna, u ŋgus magira u iiri magira lay u mbalatagi may. Tle asina halaŋŋi gologisina, ŋgul li egesiɗi, a juɓ mbara vi Bu Suuna mayna Yesu Kristu.

MISE 7:9

Yara vi Yawera, an ndak vaɗ kanu, kay ana an li sulukŋa egem ta ta hu li ma nam kaan ɓak manna mbuɗun ki jivina. Nam hin kalan ay ki ii kiɗikka an hin golom sun mamba ɗegeera.

SOOLLA VI SALOMON 8:8

«Wayamira ka na dew, ndaɗ ni goo tuwa, pooɗ bay kal ki tu lay. Lini sa mba kaɗ wa a halaɗu ni aygi hin njaɗ kaɗ ni ana mege?

VUN ŊGOLNA 31:30

Oora mbaɗ iira ɦawara kaa, jivna ni dla ka huɗi. Cara li ndaa Yawera ni cara suuna hin ŋgaaɗ cocora.

VUN ŊGOLNA 31:10

Cara gasi vi malaɗnara sana faɗ ni gege? Ndaɗ ni jivi su heɗewra halaŋ.

VUN ŊGOLNA 19:14

Sana ndak a tli zi ma vi bumma, yowom bege mamba may, cara ɗili ɦayra ni ɦalla vi Yawera.

VUN ŊGOLNA 18:22

Sa ma fi carana fi ni jivira. Nam fi ni oora vi Yawera.

ESTER 7:10

Asi hin ɓal Haman ki kolo hu gu ma nam halam ay kay Mardosena. Ni yara vi mulnara hin heɓ kiyo.

SUU KAƁAKŊA 5:2

«Hu li ma suu ŋgolna cuk tasi fok suu Israelna. Hu li ma suu Israelna ɦal tasi u hurusi wa ni. Gagi deɓpa maŋ Yawe.

2 KORINTNA 13:7

Ami cen Lona ana agi li va coɗi, ami hal a tak saɓak maminaɗi. Halni ana agi lagi jivira, lini ami ka saɓakgi lay.

1 SAMUEL 25:40

Suu li sunda vi Davidna tuɗ vi Abigal hu Karmel. Asi ɓakaɗ ni ko wanda na, «David sunumi ay varakŋi kay a vak a cara.»

1 SAMUEL 26:10

David di ana, «U saɓakŋa vi Yawena, Yawe ni sa ma hin waɗamma, hu li ma faɗamba miɗna mbara ɗowba hu li ma nam hin mbay duuna a miɗ ki huna.

2 SAMUEL 1:16

David dam ana, «Ko busuɗuŋ li ni kay yaŋu, kay aŋ tin dlara egeŋ u taŋga ana, anni sa dog sa ma Yawe fuurumma kina.»

ESTER 9:25

May hu li ma dla ndaɗta mbay ki fok mulnana nam ɓak dla ndaɗta ki hin ɓii dla cora Haman laɗ vi vunum kay suu Juifnara ki ana dla ndaɗta hin ndi ni kay yamu, asi hin ɓalam ki kolo eg guna, nam u goryomu.

SOOLLA 9:5

Kay aŋŋi sa ma kaɓakŋa jivina, aŋ ka kaki kay dlam maŋga mulla, aŋ mbuɗun dlaanda ki jiviya.