1 SAMUEL 25:24 - Boy Lonana

²⁴ Olo, ndaɗ hin cuk ki kaŋga u sem hin di ana, «Kan anu, dla cora ni kan anu, malanna. Na ni caaŋga sunda ndak a ɓakaŋ boy namma humuŋ su? Aŋ hum boy ma vi saaŋga sundana na humge.

1 SAMUEL 25:24 ပူးပေါင်းရင်းမြစ်များ

ESTER 8:3

Ester hin ɓak fok mulna daŋgadla. Ndaɗ gi taɗ kaŋga u gayamu. Ndaɗ tiira, tii taɗ egem ana nam ɦuɗ dla co mayra Haman ma Agagŋa min a laɗta ki u dlara nam taɓaɗ hurum a laɗ eg suu Juifnara.

2 SAMUEL 14:9

Cara Tekoara di mulna ana, «Cora ni kanu, malanna mulna, kay suu varanna lay. Mulna u mul mamba dla ka kasiɗi.»

1 SAMUEL 25:28

An ceneŋu, heɓ huruŋ eg caaŋga sunda kay cooɗta. Gasi daŋ may, Yawe hin ka hin bay ɦal mulla maŋ malannaɗi kay ana malanna li duu ma vi Yawena, sa ka faŋ dla co egeŋgi hu kak maŋga iiri hu duliyara halaŋ.

2 MULINA 4:37

Ndaɗ mbay gi taɗ ga u sem, goɓomu, hin tli goroɗna, kal ki may.

MATIYE 18:29

Ndaram namma goɓ kaŋga fokom, dam ana, Aŋ wan hawan na wi ge. An hin warakaŋŋaɗi su?

2 SAMUEL 14:12

Cara di ana, «Ҥal voɗta maŋ caaŋga sunda ndaɗ di vunuɗ maŋ malaɗna, mulna na dew.» Nam di ana, «Ɓaka.»

URA TIN AYRA 44:18

Yuda ɦuɗ tam eg Yosef dam ana, «Sa ŋgolna huruŋ ɓeŋ k saaŋ ma sunda min a daŋ boyna nde kay aŋŋi ko Faraw na.

1 SAMUEL 24:8

David di boy namma na may ni col suu mamsina ni na en gaw. Nam ɦasi voɗta ka a asi vi Solɗi. Sol min tam minni kal ki hu zul ɦinira gi tam hu voɗ mamba.

1 SAMUEL 25:23

Abigal wi David may ni ɗiŋ ki kaŋga kay kor maɗta zak gaw. Ndaɗ ndi kaŋga u vogoɗ fok David, goɓ kaŋga duk ndaŋgara.

1 SAMUEL 25:25

Ko malanna ne yam sa ma sunum kaɗi namma Nabalɗi, kay ana sem namma tinimma kammi eg liimu. Yam ana dla cora ni ndaɗ dla cora tuɗ um may. May an caaŋga sunda wi gor njufii suu vi malannana kaɗi, suu aŋ sunusina.

VUN ŊGOLNA 25:15

Juɓpa ɗilira ndak su kay sa ma kaɓakŋa. Boy ma jivina ndak a kus sokŋa kiyo.

DI BOLLA 10:4

Lini mul maŋŋa hurum ɓeŋ egeŋ lay ni aŋ noy sun maŋga ki gawɗi. Kay yal ma aŋ ka bu kolo u dlara na zakgina ni heɓ huu ma yara ki cocoo.

2 SAMUEL 20:17

Joab ɦuɗ tam ha egeɗu. Cara dam ana, «Ni aŋ Joab su?» Nam hoŋ dira ana, «Ni anu.» Ndaɗ dam ana, «Hum boy ma vi saaŋ ma sunda haa.» Nam hoŋ dira ana, «An ka humma.»