1 SAMUEL 25:17 - Boy Lonana

¹⁷ Cecem wanda, gola ndak wi dlara ndak hin laɗta, kay ana malaygina lay, ziim lay hin viɗ kiyo. Kam nammi sa ma sunum kaɗi ma sa ka ɓakam dlaɗina.»

1 SAMUEL 25:17 ပူးပေါင်းရင်းမြစ်များ

1 SAMUEL 20:7

Lini mulna di ana, ni jiviya ni saaŋ ma sunda tam ki koɗiya. May lini nam mbuɗ ki yara wa ni aŋ wi ana nam col ni a baan kira.

GA 8ATAMBARA 13:13

Lini hu ɦoŋzi ma Yawe ɦagina ana agi cuk huwana, agi hum dlara di ana,

ESTER 7:7

Mulna u hurum ma cora col ki hin li ma luuna tuɗ ki u ŋgusugi suu hu taraŋgana. Haman hin kakira a joɓ ana hin ca mulla, Ester, iiriyara, kay nam wi ana dla cora a faɗta col ha ni ko mulna.

2 DLAŊ MULINARA 25:16

Hu li ma nam ka dam nana ni Amasiyas hoŋom dira ana, «An tlaŋ ana aŋ li a sa ma ne suuna tani hu mul manda su? Aŋ li ka min lassaɗi ni seŋ vunuŋ ha ni na gaw.» Sa ma jok vun Lona seŋ tam, kak ki na jok ni hin di hu olo ana, «An wi ki ana Lona min a caŋ ki ni ciya, kay aŋ li ko ndaɗta na, min ka a van boy mannaɗi.»

2 DLAŊ MULINARA 13:7

Suu ka wi dlaɗina, goryoŋ suu ɦulla tok tasi ay umu. Asi min a ɦeɓ Roboam ma goŋ Salomonna. Roboam ay ni goozoŋŋa ɦawaa, ka saɓakgi lay, col ay ka fokosi eŋgi.

1 MULINA 21:13

Suu may suu ka wi dlaɗi na mba' lak ay fokom na gay may. Suu ka wi dlaɗi asina gijaŋ a di dlara ki kay Nabot fok suuna di ana, «Nabot ŋgul Lona, ŋgul mulna may.» Asi kalam ki hu ɦoŋzina, tuɗum ha ki doŋ kaana gikim u gogoyra, cam kiyo.

1 MULINA 21:10

Kakam suu ka wi dlaɗina ay fokom na mba' may. Asi di ki kam fok suuna ana, aŋŋi sa ma gam vunna kina. Lona ni mulna, kalagina ha kiyo, gikigina ki u gogoyra, cam kiyo.»

1 SAMUEL 25:25

Ko malanna ne yam sa ma sunum kaɗi namma Nabalɗi, kay ana sem namma tinimma kammi eg liimu. Yam ana dla cora ni ndaɗ dla cora tuɗ um may. May an caaŋga sunda wi gor njufii suu vi malannana kaɗi, suu aŋ sunusina.

1 SAMUEL 20:9

Jonatan di ana, «Ni dla cora lini an wi gasi ana bun min a baaŋ kiyo ni an hin daŋu. An suu tan ki fokoŋu.»

1 SAMUEL 2:12

Goryoŋ Helina sunusi kaɗi. Asi ka wi Yaweɗi.

SUU KAƁAKŊA 19:22

Hu li ma asi laki koɗ tasi na ni, gola ni suu dlasi kaɗi suu ɦoŋzinana mba ŋguy zina ni na gaw. Ci vun grekŋa eŋga di sa maa ma malaŋ zina ana, «Gami sa ma kal varaŋ wanna ay ki kiɗiki, ami min buu u namu.»

1 SAMUEL 10:27

Na may suu sunusi kaɗina di ana, «Sa namma hin suɗuygi ki ni nanage?» Asi ka minim dlaambaɗi lay, ka ɦam tlena ay ɦawaɗi lay. Na may ka min a taɓ tasi u nambi. Sol di va kaɗi.

1 SAMUEL 25:16

Asi li ay ni a gulumun ma kamina njeŋge lay, faali lay, hu li ma ami li ay u asi a taa yoorinana halaŋ.

1 SAMUEL 25:18

Abigal ɓaɗ zak yow mappana koɗ kis kis mba', yow mbumbura u sum veŋŋa mba', yow timigii suu ki ziina vadl, yow tassa wa ma hawina kis, yow gugutlu mayra gii deera eg taɗ sooyra kis may, yow komnjoɗi tulumma kis kis mba' may, ɗagasi kay korra.

2 SAMUEL 24:13

Gad hin tuɗ vi David ɗaŋŋi, jokom boy namma. Nam dam ana, «Aŋ hin ndak a siɓ mayra basara na kiɗisiya hu mbas maŋga ɗowba li tilna hindi u dawra daw ko saaŋ ma babali ma cuɗuŋ uŋŋa ɗowba li buuna hindi u tuguɗii bora hu mbas maŋga su? Cecem wanda ɗaŋŋi aŋ saara, wi dla mayra an hin hoŋ dira maŋ sa sunun aynara.»

VUN ŊGOLNA 12:8

Suuna ŋga ni sa ma li dlara jivira. Sa ma saaram ka ɗegeeɗina sa ka dam dlaamba jiviɗi.