1 SAMUEL 25:10 - Boy Lonana

¹⁰ Nabal hoŋ dira maŋ suu sun suu vi Davidna ana, «David ni gege? Sa ma goŋ Jesena ni gege? Suu mborɓogina ka pii ki karam vo vi malasina ɦay.

1 SAMUEL 25:10 ပူးပေါင်းရင်းမြစ်များ

SUU KAƁAKŊA 9:28

Gaal ma goŋ Ebedna di ana, «Abimelekŋi ge ma aygi suu Sekemma a hoŋ yaygi ga umba ge? Nammi goŋ Yerubaalna u Zebul, saam ma ŋgol asgaarina. Asi ay ni mborɓii suu vi Hamor ma bu Sekemmaɗi su? Aygi hin mbuɗ ki a suu mam suu sunumma ni nanage?

EZAYI 32:7

Sa ma ganyamba suu sun mamsina ni suu ci matna halaŋ halaŋ. Nam ka hal ni mbeleŋ ma ba suu hahawra kina sasak, u kaboy ma nam kaamma. Lini boy ma vi sa ma wihawrana jivi lay, nam ka humumbi.

EZAYI 32:5

Sa ka ndak yi sa ma giniŋŋa ana dlam ŋgol cocoo naɗi, sa ka ndak ɓak kay sa ma ganyamba ana hurum jivi eg suuna ɦay naɗi lay.

DI BOLLA 7:10

Joɓoygi taygi ana li ma vi suu jewna ay jivi su ma wan daŋŋa ni nanage naɗi? Joɓ ndaɗta ni ka sa ma wi dla joɓoɗɗi.

1 MULINA 12:16

Hu li ma suu Israel suu ii mbayawna wi ana mulna humusi boy masina kaɗi ni, asi di ana, «Va ma ami a fam u Davidna ni mege? Jo ma ami a fam vi goryoŋ Jesena ni mege? Aygi suu Israelna, tuɗuygi hu mbutluɓ maygina. Aŋ njaf ma vi Davidna tuɗ fok u mul maŋga ɗaŋ.» Asi njay ki hin li namma ni na gaw.

2 SAMUEL 20:1

Ha hu li namma wanni sa ma sunum kaɗina ka huwa yam ana Seba ni goŋ Bikri ma Benjaminna. Nam bu tokolomma hin ɓak ana, «Ami va ka duk tami u Davidɗi. Ami ka ti jona u goŋ Jesenaɗi. Suu Israelna gegelay kaŋga hu mbutluɓ mamma.»

1 SAMUEL 22:2

Na ɗaŋŋi suu dlara kasina halaŋ tok tasi ki egemu. Suu balna ay kasina. Suu hurusi ki ɓeŋina lay, nam hin mbuɗ ki a mul masina. Suuna ay u nammi kis kis fiɗi.

1 SAMUEL 20:30

Sol mbuɗ yara ki eg Jonatan, nam hin dam ana, «Goŋ dirana, an wi ana gasi aŋ njun u goŋ Jesena zolona kaŋ lay kay suŋ ta vuɗuŋga lay.

KALKIRA 5:2

Faraw di ana, «Yawe namma nige a an humum vunum a hin suu Israelna tuɗ ki ŋgoo bagi nige? An ka wi Yawe nammaɗi. Kay ndaɗta an ka hin suu Israelna tuɗɗi.»

1 SAMUEL 25:9

Gor njufii suu vi Davidna mba ki mba ni hoŋ boy namma ki njaɗta maŋ Nabal halaŋ u sem David. Asi hin juɓa.

VUN ŊGOLNA 15:1

Hoŋ di mayra jivira heɓ yara kaŋgaa. May boy cona joo yara ay kolo ni joori na ɗow ɗow.