1 SAMUEL 24:11 - Boy Lonana

¹¹ Aŋ wi dla ndaɗta ki karam u iriŋ wa ɗaŋ. Yawe ɦaŋ ki kon karam hu zul ɦinira wa. Asi ɓak ana caŋ kiyo. An waŋ hahawaŋ di ana, an ka li dla cora eg malannaɗi kay ana nammi sa Yawe fuurumma.

1 SAMUEL 24:11 ပူးပေါင်းရင်းမြစ်များ

2 SAMUEL 1:14

David dam ana, «Aŋ li ndaa ka a tli koŋ a ci sa ma Yawe fuurummaɗi ni nanage?»

2 MULINA 5:13

Suu sun mamsina ɦuɗ tasi ay egem njaɗam dam ana, «Bunu, lini sa ma jok vun Lona di ana aŋ li ni dlara sa ka laɗɗira lay ni aŋ ka laɗɗi su? Nam daŋ ɦawa na ana, tluɓ taŋ kaŋgaa aŋ hin garaɗ kiyo, ni aŋ ka liɗi su?»

JOB 10:16

Lini an tli yan koloo ni gola aŋ ka digin ko ndal dlona na. Tew tew ni aŋ ka takan saɓak maŋŋa.

SOOLLA 119:161

Mulina lasan kini bay u boyna, hurun li ndaana ni kay boy maŋŋa dew.

SOOLLA 140:11

Cukusi murus kura ni kay yasiya ko ndaɗ tuɗusi ha duk kura hu zul ŋgolla, ha hu li ma asi ndak a hoŋ ay ki oloɗina.

SOOLLA 35:7

Asi vegen zulla fokonni bay u boyna, asi gun bayna u zulla ni bay u boyna.

SOOLLA 59:3

Buɗun ki ko suu li dla cora, suɗun ki ko suu ci maɗna.

SOOLLA 7:5

Lini an li dla cora eg sa ma ka kaki u anna ni, lini an ɓalak vaŋ ndarayan suu gonokka ki bay uɗuni,

VUN ŊGOLNA 15:1

Hoŋ di mayra jivira heɓ yara kaŋgaa. May boy cona joo yara ay kolo ni joori na ɗow ɗow.

YOORA 4:18

Asi dikimi, ciɗimi balam semiya, ami ka ndak a hoŋ hu liimina oloɗi. Ami hin tok a daɓ kira, buu mamina njak ki fun tam wa, daɓ mamira mba wa.

EZEKIYEL 13:18

Aŋ dasi dla mayra an Bu Suuna, Yawe, daɗta ana, hahawra ka kay boyogi suu gan ganda njunuɗ del kosina, ɗee barawna baaram ki kay suuna u wulusi zeɗ zeɗ halaŋ, a casi iiri masira kira, agi min ba iirira vi suu mansina kiyo, agi tagira min a suɗ magira may su?

MISE 7:2

Ma ɗegeena tuɗ ki hin mbassa wa, sa ma jivi hin ka duk suuna oloɗi. Asi halaŋ saarasi tinira ni kay vora vo busuna kira. Gegelay min a vi wayamma kaŋga hu bayra.

Boy Ma Ayra Ma JAŊ Ɓiirimma 15:25

Dla ndaɗta li na ni a faɗ ki ni vun boy ma di hu magaa masirana ana, Asi lan gonokka bay u dlara.

1 SAMUEL 12:3

An wanni tokogi ɓak magi ma egenna fok Yawe, fok sa Lona fuurumma. Sa an vam mbutl mammana ni gege? Sa an vam korro mambana ni gege? Sa an lam irim u bege mambana ni gege? Sa an doorom ki kay tlegyenmma ni gege? Sa an tlam gursura kom balna ta ni hin duk irin ki kamma ni gege? An hin hoŋogira kiyo.»

1 SAMUEL 18:27

David gi tam hu voɗta tuɗ u suu mamsina. Nam ci suuna ki kis kis mba' u suu Filistinna. David yowosi vun ɗiwisi aya, asi tuɗ ndumuɗ ki maŋ mulna a David mbuɗ ki kunuŋ mulnana. Nam Sol hin ɦam goromba Mikal a cara.

1 SAMUEL 23:14

David kak hu fulla duk ɦinira. Nam kak hu fulla Ziffa duk ɦinira. Hu li namma halaŋ wanni Sol ka halamu. Na may Lona ɦamma ka kombi.

1 SAMUEL 23:23

Gologiya, halagi u ŋgusugi suu nam a ŋgay tam usina kiyo. Agi hin hoŋ ay dan hu li ma agi wi ki gasi wa ni an hin tuɗ u agiya. Na ɗaŋŋi nam li ka hu mbassa ni, an hin hal u dee suu vi Yudana ki a wasi kira.»

1 SAMUEL 25:28

An ceneŋu, heɓ huruŋ eg caaŋga sunda kay cooɗta. Gasi daŋ may, Yawe hin ka hin bay ɦal mulla maŋ malannaɗi kay ana malanna li duu ma vi Yawena, sa ka faŋ dla co egeŋgi hu kak maŋga iiri hu duliyara halaŋ.

1 SAMUEL 26:18

Nam hin di ana, «Ni kay me malanna dik u saam ma sunda na ɗaŋge? An li ni dla me ɗaŋ ge, dla cora ka egenda ni taarage?

1 SAMUEL 26:20

Cecem wanda ni ko busuɗun vo ki kaŋga kay ndaŋgara ki day eg Yaweɗi, kay ana mul ma vi suu Israelna yow suuna um a hal ni yalira sunuɗ kaɗira ko ndal suuna dik u cekera kay ɦinira na.»

1 SAMUEL 26:23

Ko Yawe warak gegelay kay dlara nam laɗ jivi u hurum dewra. Yawe ni sa ma ɦaŋ karam ki konna. An min ka tin kon eg sa Yawe fuurummaɗi.