1 SAMUEL 23:6 - Boy Lonana

⁶ Doli ɗini Abiyatar ma goŋ Ahimelekŋa pii tuɗ ŋgay tam ha ki eg David hu Keila, nam yow efodna komu.

1 SAMUEL 23:6 ပူးပေါင်းရင်းမြစ်များ

1 MULINA 2:26

Maŋ mul ma li ɓivunna Abiyatar ni mulna dam ana, «Aŋ hoŋ ki vo hu mbas maŋga hu Anatot kay aŋ ginni sa ma a ci kina, may cemi ni an ka caŋ kiɗi kay ana aŋ zii Zanduk Bu Suuna, Yawera, fok bun David aŋ las coco u nam hu dlara nam fi lassa huruɗta.»

KALKIRA 28:6

Asi cil baraw ma efodna ni u lorra u baraw ma tlaw wili wilina, u ma tam tlaw nde ndena u ma tlaw keŋ keŋŋa, cilimmi u baraw dlemba may, ni asi cilim ko ndaɗta na.

1 SAMUEL 14:18

Sol di Ahiya ana, «Ҥuɗ Zanduk Lonara aya.» Ay hu buu namma gasi daŋ may ni Zanduk Lonara u goryoŋ Israelna.

1 SAMUEL 14:3

Ahiya ma goŋ Ahitubma, wayaŋ Ikabodna, goŋ Pinhasna, goŋ Helina, sa vi Yawe ma li ɓivunna hu Silona cuk efodna egemu. Suuna wi ka ana Jonatan tuɗ ki waraɗi.

1 SAMUEL 22:20

Goŋ Ahimelekŋa na dew, ma goŋ Ahitubma suɗ tam kiyo. Sem ana Abiyatar. Nam ndi liŋŋa, tuɗ fi David.

1 SAMUEL 23:2

David joɓ Yawe ana, «Na ni an tuɗ huwa ni an ndak a ci suu Filistin asina ki su?» Yawe hoŋ dira maŋ David ana, «Tuɗa, aŋ hin ci suu Filistinna kiyo, aŋ hin suɗ Keila ki may.»

1 SAMUEL 23:5

David u suu mamsina tuɗ Keila duu suu Filistinna. Nam yowosi yoori masisina ay may, casi ki ŋgol cocoo. David suɗ suu hu Keilana kiyo.

1 SAMUEL 23:7

Asi jok boy namma maŋ Sol ana David tuɗ ki Keila wa, Sol hin di ana, «Lona ɦanna ki kon wa kay ana nam duk tam kalafi ni kay tamu, nam kal tam hu zira vunuɗ u kawinara.»

1 SAMUEL 23:9

David hum ana Sol ka min tam ay a lam dla cora egemu ni nam di mul ma li ɓivunna, Abiyatar, ana, «Yow efodna ha kiyo.»

1 SAMUEL 30:7

David di mul ma li ɓivunna, Abiyatar ma goŋ Ahimelekŋa ana, «Aŋ yowon efodna ay na yowge.» Abiyatar yow baraw namma ay maŋ David.