1 SAMUEL 23:4 - Boy Lonana

⁴ David joɓ Yawe olo. Yawe hoŋom dira ana, «Gi taŋ voɗo, tuɗ hu Keila kay an hin ɦaŋ suu Filistinna koŋu.»

1 SAMUEL 23:4 ပူးပေါင်းရင်းမြစ်များ

SUU KAƁAKŊA 7:7

Yawe di Gedeon ana, «An hin suɗugi ki ni u bik ko suu kis kis hindi wanna, suu go yona vunusi u kosina, an hin hiniŋ suu Madiyanna ki hu duk koŋu. Suu bolow coco wanna gegelay ni hoŋ vo hu ziimu.»

JOSUWE 8:7

Ni agi hin yowogi ay kolo mba ndug zina ni na gaw. Yawe, Looygina, ɦagi ɦoŋzi namma ki ni kogiya.

2 MULINA 3:18

Ni dlara ewra ii Yawe ɦawaa. Nam hin ɦagi mbassa Moabba ki hu duk kogiya.

2 SAMUEL 5:19

David joɓ Yawe ana, «An tuɗ duu u suu Filistinna su? Aŋ hin ɦansina ki hu duk kon ko su?» Yawe di David ana, «Tuɗa, gasi an hin hiniŋ suu Filistinna ki hu duk koŋu.»

1 SAMUEL 28:6

Sol joɓ Yawe, may Yawe hoŋom dira kaɗi, ka u doyra diraɗi lay, ka u Urimɓi lay, ka fun suu jok vun Lonaɗi lay.

SUU KAƁAKŊA 6:39

Gedeon di Lona ana, «Ko huruŋ ɓalak egen ɗi, lini an a di dlara daŋ ha hu dew olo, an min a tuk dlara daŋga u tlimiɗ timii namma hu dew. Vini wanni ko tlimiɗ timii namma hin sooyra ni nam dew li ma halaŋŋa li ki u mbaɗagira may.»

1 SAMUEL 10:22

Asi hin joɓ Yawe olo ana, «Sa daŋ mbay tani su?» Yawe di ana, «Nam wanna, ki ŋgayra eg tlegena wanni.»

1 SAMUEL 23:2

David joɓ Yawe ana, «Na ni an tuɗ huwa ni an ndak a ci suu Filistin asina ki su?» Yawe hoŋ dira maŋ David ana, «Tuɗa, aŋ hin ci suu Filistinna kiyo, aŋ hin suɗ Keila ki may.»

1 SAMUEL 23:3

Suu vi Davidna dam ana, «Kaŋga tani hu Yuda wanni ami li ndaana. Lini ami tuɗ hu Keila wa a duu u suu Filistinna hin li ni ana mege?»

1 SAMUEL 23:5

David u suu mamsina tuɗ Keila duu suu Filistinna. Nam yowosi yoori masisina ay may, casi ki ŋgol cocoo. David suɗ suu hu Keilana kiyo.

1 SAMUEL 30:8

David joɓ Yawe ana, «Lini an cuɗ u suu asina ni an ndak a fasi duk su?» Yawe dam ana, «Tuɗ cuɗusi usiya, aŋ hin fasi duku, aŋ hin buɗ suu maŋsina ay kiyo.»

2 SAMUEL 2:1

Ŋgoo dagan dla ndaɗta David joɓ Yawe ana, «An ndak a tuɗ hu ɦoŋzi ma Yuda maa dew su?» Yawe dam ana, «Tuɗa.» David di ana, «An tuɗ ni hu li manage?» Yawe di ana, «Hu Hebron.»

SUU KAƁAKŊA 7:9

Njeŋge ndaɗta ni Yawe di Gedeon ana, «Col koloo tuɗ ndug suu Madiyanna, an hiniŋsina ki hu duk koŋ wa.

1 DLAŊ MULINARA 14:10

David joɓ Lona ana, «An tuɗ duu suu Filistinna aŋ hin ɦansina ki hu duk kon su?» Yawe dam ana, «Tuɗa, an hin ɦaŋsina ki hu duk koŋu.»