1 SAMUEL 22:7 - Boy Lonana

⁷ Sol di suu sun mam suu coli kolo kamma ana, «Humugi ha jiviya, agi suu vi Benjaminna, goŋ Jesena hin ɦagi senena u sene gugutlura ki magi agi halaŋ su? Na ni nam hin tinigi a mulina halaŋ fok suu bolowna su?

1 SAMUEL 22:7 ပူးပေါင်းရင်းမြစ်များ

2 SAMUEL 18:1

David tok suu ay u namma eg tasi hin tinisi suu ŋgolo suu fokosina kay suuna buɓ buɓ may, kis kis may.

2 SAMUEL 20:1

Ha hu li namma wanni sa ma sunum kaɗina ka huwa yam ana Seba ni goŋ Bikri ma Benjaminna. Nam bu tokolomma hin ɓak ana, «Ami va ka duk tami u Davidɗi. Ami ka ti jona u goŋ Jesenaɗi. Suu Israelna gegelay kaŋga hu mbutluɓ mamma.»

1 MULINA 12:16

Hu li ma suu Israel suu ii mbayawna wi ana mulna humusi boy masina kaɗi ni, asi di ana, «Va ma ami a fam u Davidna ni mege? Jo ma ami a fam vi goryoŋ Jesena ni mege? Aygi suu Israelna, tuɗuygi hu mbutluɓ maygina. Aŋ njaf ma vi Davidna tuɗ fok u mul maŋga ɗaŋ.» Asi njay ki hin li namma ni na gaw.

1 DLAŊ MULINARA 12:16

Asi ni suu ɗiŋ lum ma Yurdanna ki hu til ma jewna hu li ma nam sulul ki na fuh fuhna, njay suu hu ɦuɗugumbana ki u maɗiina may u fiɗigina mayna.

EZAYI 11:1

Na may ko sari gu ma ay gana na, mul ma daŋŋa col ay hu njaf Jese.

EZAYI 11:10

Hu buu namma ni mul ma wilina col ay hu njaf David ma goŋ Jesena hin col ki fok suuna a va ma suuna wam halaŋŋa. Njaf suuna halaŋ hin halamu, daŋ may mamba hin lini bibiŋilla.

1 SAMUEL 18:14

Hu sun mamba bel ni, nam fi u dlaamba kiyo, Yawe u nam lay.

1 SAMUEL 20:27

Doli ɗini ŋgoo vun tilna dagan siw hu buu ma mbana li ma vi Davidna hin ki ɦawa olo. Sol di goromma, Jonatan, ana, «Kay me goŋ Jesena mba ka a ti tina kaaɗi lay, karambi lay nige?»

1 SAMUEL 20:30

Sol mbuɗ yara ki eg Jonatan, nam hin dam ana, «Goŋ dirana, an wi ana gasi aŋ njun u goŋ Jesena zolona kaŋ lay kay suŋ ta vuɗuŋga lay.

1 SAMUEL 22:13

Sol dam ana, «Ni kay me agi hal a lan dla cora egenni ge? Aŋ u goŋ Jesena? Aŋ ɦam mappana u ŋgewna aŋ joɓ Lona kam lay a nam min tam egen gunun dawna kaŋga fokon ko ndal karam wanda na.»

1 SAMUEL 22:9

Doeg ma Edomma di ana, nam ay coli kolo eg suu sunda vi Sol, «An wi goŋ Jesena, nam mbay hu Nov vo vi Ahimelek ma goŋ Ahitubma.

1 SAMUEL 25:10

Nabal hoŋ dira maŋ suu sun suu vi Davidna ana, «David ni gege? Sa ma goŋ Jesena ni gege? Suu mborɓogina ka pii ki karam vo vi malasina ɦay.