1 SAMUEL 22:2 - Boy Lonana

² Na ɗaŋŋi suu dlara kasina halaŋ tok tasi ki egemu. Suu balna ay kasina. Suu hurusi ki ɓeŋina lay, nam hin mbuɗ ki a mul masina. Suuna ay u nammi kis kis fiɗi.

1 SAMUEL 22:2 ပူးပေါင်းရင်းမြစ်များ

2 SAMUEL 17:8

Husay di olo ana, «Aŋ taŋga wi buŋ u suu mamsina. Asi ni suu saɓakŋa. Asi yara ni ko ndal ŋguu ma viɗ goromma ki duk buburana. Buŋŋi sa duuna. Nam kak njeŋge ko tam u suunaɗi.

2 SAMUEL 5:2

Buuna jak ki ni ŋgol da hu li ma Sol ay a mul maminana. Aŋŋi sa ma hin suu Israelna sel ay ki lay, hoŋ ha vo layna. Doli ɗini Yawe daŋ ana aŋŋi sa ma hin taaran suu man suu Israelna, aŋŋi sa ma hin li a mul ma Israelna.»

2 MULINA 20:5

«Hoŋ dagan tuɗ di Ezekiyas, mul ma fok suu mansinana, ana, Yawe, Lo ma vi buŋ, Davidna, di ana, an humuŋ cen maŋgawa, waŋ simi maŋŋawa may, jiviya an min garaɗaŋ kiyo, hin buu hindi ni aŋ hin tuɗ kolo hu Ziŋ Yawera.

2 MULINA 4:1

Cara dew duk boyogi suu vi suu jok vun Lonana mba cen Elize di ana, «Saaŋ ma sunda njufun ki ni miɗiya. Aŋ wi lay ana saaŋ ma sunda ay li ndaa Yawe cocoo. Sa ma bal mamma kamma mba a yowon gor njufii man suu mbana a tuɗ mbuɗusi ki a mborɓii mamsina.»

VUN ŊGOLNA 31:6

Sum ergena ɦammi maŋ sa ma ka las a ba kina. Veŋŋa cami suu ka laki hu yoorana.

MATIYE 11:12

Ay hu li ma Jaŋ ma mbus batemma haɗ ay gak gak tew karamma ni, suuna kal ay hu Mulla huulonara u eŋga, suu daŋŋa hal a doorosi u eŋga lay.

MATIYE 11:28

«Mbaagi ay egenu agi suu nekka cagina, an koɗogi tagiya.

HEBRENA 2:10

Ni kay ndaɗta Lona, ma li tlena halaŋŋa, wi na ni namu, kal Yesu hu wihawra na ni mbuɗum ki jivi gaw, kay nam min a mbuɗ suuna ki a goryom ŋgolona hu bibiŋil mamba. Yesu ni sa ma tuɗusi hu suɗtana.

SUU KAƁAKŊA 11:3

Jefta tin yam ki eg gorsemma na day tuɗ kak ha ki hu mbassa Tobpa. Suu may suu dlasi kaɗina tok u Jefta ka njunumu.

SUU KAƁAKŊA 18:25

Suu vi Danna hoŋom dira ana, «Ami ka min a aŋ njaɗ ay oloɗi. Aŋ seŋ taŋ ha kaɗi ni suu waŋ dlaaŋga kaa, aŋ hin ba iiri maŋga ki u suu maŋsina halaŋ.»

1 SAMUEL 1:10

Huruɗ haɗ huruɗ cocoo. Ndaɗ cen Yawe u simina iriɗu.

1 SAMUEL 22:3

David tuɗ ki tana hu Mispe ta Moabba. Nam di mul ma Moabma ana, «Hin voɗta maŋ bun asi u sun asi mbay taɓ u agi ta ta an wi dlara Lona hin laɗ u anda kiyo.»

1 SAMUEL 23:13

David gi tam hu voɗta u suu mamsina ɗaŋ. Suuna ko va ma kis kis karkiya na. Asi sel ay ki hu Keila tin irisi poyra ɦawa na was. Asi jok boy namma ki maŋ Sol ana David hin Keila ki wa, Sol noy sunda gam kaɗta ki lay.

1 SAMUEL 25:13

David di suu mamsina ana, «Gegelay tli ŋgew mamma komu.» Gegelay ni hin tli ŋgew mamma komu. David u tamba lay tli ŋgew mamma komu. Suuna tew ko va ma kis kis fiɗi na cuk tasi kay cee David. Suu hiŋŋa kis kis mba hin ka eg tlegena may.

1 SAMUEL 30:6

David mbuɗ ki hahaw cocoo kay ana suuna ɓak ana hin cam ki u gogoyra. Gegelay ni hurum haɗ cocoo, saa kay goryom suu njufiina u suu gorɓiina. Na may David hin fi so ura ni u Yawe, Loomma.

1 SAMUEL 9:16

«Vin faɗta ko wanda na an hin sunuŋ sana ay dew hu mbassa vi Benjaminda aŋ hin fuurum ki ko ndal mulnana maŋ suu man suu Israelna. Nam hin suɗ suu mansina ay ki ko suu Filistinna. Ni kay ana an wi suu mansina, tii masina tew ta ta egenu.»