1 SAMUEL 20:32 - Boy Lonana

³² Jonatan hoŋ dira maŋ bum Sol dam ana, «A cam ki ni kay mege? Va nam lamma ni mege?»

1 SAMUEL 20:32 ပူးပေါင်းရင်းမြစ်များ

MATIYE 27:23

Pilat dasi ana, «Nam li co mege?» Asi tum soora su olo ana, «Ɓalam ki eg garakŋa. Cam ki ciya.»

1 SAMUEL 19:5

Nam ba gin tam ki u cira nam ci sa Filistinna kira, may Yawe tak saɓak mamma ki maŋ suu Israelna bel. Aŋ wam lay, li furira kam lay. Ni kay me aŋ min a li sulukŋa a vo busu sa li va kaɗina kige? Hal a ci David bay dlara kom lay nige?»

Boy Ma Ayra Ma LUK Ɓiirimma 23:22

Pilat dasi a yamba hindira ana, «Nam li ni co mege? An fam co mayra cam ki kaɗi, hin hinimu.»

URA TIN AYRA 31:36

Yakob hurum ɓeŋ eg Laban dam ana, «Va ma co ma an lamma ni mege? Suluk manna ni maanage? Aŋ cuɗun un ay u yara na ni kay mege?

Boy Ma Ayra Ma JAŊ Ɓiirimma 7:51

Nam dasi ana, «Gaɗ mayra di ana, Aŋ ka gi sana daŋgayna bay wi dlara nam laɗta u dlara nam daɗtaɗi.»

JEREMI 17:9

Va ma ganyamba su belna ni saara sa ka ndak a gaɗ iriɗɗira. Sa hin waɗ uɗna ni gege?

DI BOLLA 9:3

Dlara li suu warnara ha ni fun taɗ halaŋ. Warak ma kay dla ndaɗtana ni ɓalakka. Suu warna li dla cora ɦay. Asi minni dlara uɗ kaɗira. A daɓ kira ni miɗna gaw may.

DI BOLLA 7:9

Ka hin huruŋ a ɓeŋ zak zakgi, huu ma ɓeŋ zak zakŋa ni vi suu giniŋŋa.

VUN ŊGOLNA 22:24

Vi banara u sa ma hurum ɓeŋ ɦay ɦaynaɗi. Fuɗ taŋ ki ko sa ma min yara ɦayna.

1 SAMUEL 20:7

Lini mulna di ana, ni jiviya ni saaŋ ma sunda tam ki koɗiya. May lini nam mbuɗ ki yara wa ni aŋ wi ana nam col ni a baan kira.

1 SAMUEL 18:11

Sol koo saɓpa kolo kam di ana, «An hin ɓal David ki pay goŋga.» Na may David suɗ kom yam mba'.

1 SAMUEL 19:4

Jonatan ɓak bum Sol kay David. Nam dam ana, «Ko mulna li sulukŋa eg saam ma sunda Davidɗi, kay ana nam laŋ suluk ka egeŋgi, dlara ŋgolora nam laɗta ni jivi egeŋ na ɗow.

1 SAMUEL 22:14

Ahimelek hoŋ dira maŋ mulna ana, «Duk suu maŋ suu sunda halaŋŋi sa ma ki coli kay dlaamba gasi ko David na kaɗi su? Nammi kunuŋ mulnana. Nam mbuɗ ni sa goloŋ uŋŋa lay, suuna furuyum hu ziiŋ cocoo.

1 SAMUEL 20:1

David ndi liŋŋa ay ki hu ɦoŋzina Nayot ma Ramana tuɗ di Jonatan ana, «Va an lamma ni mege? Dla cora an laɗta ni taarage? Suluk ma an lam eg buŋ ma nam hal a can ki kamma ni manage?»