1 SAMUEL 2:35 - Boy Lonana

³⁵ Na ɗaŋŋi an hin tli Mul ma li Ɓivun ma gasina. Nam hin li ni dlara hurun miniɗta u dlara an saaraɗta. An hin minim zira jivira. Nam hin tuɗ tew tew ni fok saan ma Lona fuurumma.

1 SAMUEL 2:35 ပူးပေါင်းရင်းမြစ်များ

2 SAMUEL 7:27

Gasi daŋ may ni aŋ taŋga Yawe ma Saɓakŋa Kom Belna, Lona vi suu Israelna, ma ne yam saaŋ ma sunda ki dam ana, an hin miniŋ zirana. Gola ni kay ndaɗta saaŋ ma sunda mbuɗ saɓakŋa a ceneŋŋi na.

1 MULINA 11:38

Lini aŋ hum u dlara an hin daŋgara, lini aŋ tuɗ ɗegee hu voɗ manda, lini aŋ li dlara irin ɗegeera, li u gaɗ manda u neenda ko ndal saan ma sunda David lira na ni, an hin li u aŋu, an hin coloŋ njafaŋ kolo saɓak ko ndal an li u njaf ma vi Davidna na may, an hin ɦaŋ suu Israelna ni maŋu.

2 SAMUEL 7:11

Ko ndal hu buu ma jew ana an tin suu kaɓakŋa kay suu man suu Israelnana na. An ɦaŋ koɗ tara u ɦuɗta ɦuɗ suu babalira ha ki halaŋga. Yawe daŋ ana, Yawe hin miniŋ zira.

1 SAMUEL 25:28

An ceneŋu, heɓ huruŋ eg caaŋga sunda kay cooɗta. Gasi daŋ may, Yawe hin ka hin bay ɦal mulla maŋ malannaɗi kay ana malanna li duu ma vi Yawena, sa ka faŋ dla co egeŋgi hu kak maŋga iiri hu duliyara halaŋ.

SOOLLA 18:50

Kay ndaɗta an gaŋ deɓ duk njaf suuna halaŋ. An gi soolla geleɗeŋga, Yawe.

HEBRENA 2:17

Ni kay ndaɗta nam mbuɗ tam ki ko gorsemma na kay a mbuɗ ki mul ŋgol ma li ɓivunna ma jivi ɗegee fok Lonna. Kay cora vi suuna mba daɓ kiyo.

1 DLAŊ MULINARA 29:22

Asi ti may, ci may, fok Yawe hu buu namma, li furira ŋgol cocoo, a mbara ni asi tin Salomon ma goŋ Davidna ki mulna. Asi hin fuurum ki a mulna maŋ Yawe ko mulna na maŋ Yawe, Sadok a mul ma li ɓivunna may.

1 MULINA 2:35

Mulna varak Benayada balam Joab a ŋgol asgaana, varak Sadok balam Abiyatar a mul ma li ɓivunna may.

1 MULINA 1:45

Mul ma li ɓivunna, Sadok u sa ma jok vun Lona, Natan, fuurum ki u mbulna may ay ni hu ɦoŋzi ma Gihonna. Asi tuɗ kolo hu ni u furira cocoo, ɦoŋzina halaŋ ka furiya. Agi hum ay ki ni vun ma ka soo namma.

1 MULINA 1:8

May mul ma li ɓivunna, Sadok, Benaya ma goŋ Yoyadana, sa jok vun Lona, Natan, Simey, Rey u suu ŋgolo suu duuna vi David vunusi ka duk boy nammaɗi.

1 SAMUEL 16:13

Samuel tli mek ma mbulna hurumma tani, hin fuurum duk gorsemma. Musuk Yawera hin mbay kay David hu buu namma. Samuel hin gi tam voɗ tuɗ Rama.

1 SAMUEL 12:3

An wanni tokogi ɓak magi ma egenna fok Yawe, fok sa Lona fuurumma. Sa an vam mbutl mammana ni gege? Sa an vam korro mambana ni gege? Sa an lam irim u bege mambana ni gege? Sa an doorom ki kay tlegyenmma ni gege? Sa an tlam gursura kom balna ta ni hin duk irin ki kamma ni gege? An hin hoŋogira kiyo.»

EZEKIYEL 34:23

An hin tin sa ma a taaran yoori mansinana ni na dew daŋ. Nam hin taarasiya, hin li ni saan ma sunda David. Nam hin taarasi ni namu. Nam hin li ni a sa ma taa yoorina.

SOOLLA 2:2

Muli suu kay ndaŋgarana min tasi a duuna, goryoŋ muli suu ŋgolona taɓ u tasi a duu Yawe u sa ma Lona Fuurumma.

NDUMBA 25:13

Heɓ ndaɗta ni mamu, maŋ njafam ma ka daganna lay. Galam ndaɗta njunusi a li sunda ɓivunna a fafaɗta kay ana nam tak yaamba ki kay Loomma, nam li dlara mbus cora vi suu Israelna kira.»

KALKIRA 1:21

Ko boyogi suu vuɗ ndarayasina na li ndaa Lona na ni, Lona ɦasi gora may.

1 SAMUEL 2:36

Tlesuu hin ay ki hu ziiŋgana halaŋ hin mbay goɓ kaŋga fokom kay gor silira u funa. Nam hin dam ana, njununu, an ceneŋu a an fi sunda li ɓivun nde a fi funa a tira.»

1 SAMUEL 3:1

Gogoona Samuel sun Yawe fok Heli. Boyna vi Yawe ay ka ki zuliɗi, haw coco hu buu namma. Dlara a tak taɗ ki ii suunara loɓ coco lay.

1 SAMUEL 7:9

Samuel vi goo timii ma ci pona tuna li ɓivun ma ŋgalam ki ŋgalina maŋ Yawe ki u nam halaŋ. Samuel hin yi Yawe kolo kay suu Israelna. Nam Yawe hin humumu.

1 SAMUEL 8:3

Na may goryom ka tuɗ kay balam sembi. Hurusi ma tini kay begerana, asi vi ɦalla ɦawara, asi hin dlara ɗegeera kiyo.

1 SAMUEL 9:12

Asi hoŋosi dira ana, «Ҥaa, ha fokoŋ na ɗegee. Cecem wanda aŋ li zak kay ana nam mba hu ɦoŋzina karami, kay ana ɓivunna ka a li ki duk suuna kiɗik hu li ma ki kolo mbuyna.

1 SAMUEL 9:13

Lini agi tew ki hu ɦoŋzina wa gaw ni, agi tuɗ fam ki jew gaw bay nam tuɗ a ti funa ki kolo kay li ma mbuyna, kay ana suuna ka ndak a ti ki jew bay nam mbaɗi, kay ana nammi sa paɗ vunum ki kay ɓivunnana, ŋgoo dagan suu yasi ayna hin ti ni tuwa. Cecem wanda ni tuɗugiya kay ana nam karammi agi hin famu.»

1 SAMUEL 10:9

Hu li ma Sol hoŋ ki dagan hin Samuelna ni, Lona mbuɗum hurum ki zeɗ. Dlara zeɗ zeɗta hin tak taɗ ki irim hu buu namma halaŋ halaŋ.

1 SAMUEL 10:10

Asi tew ki hu Gibea may ni suu jok vun Lona u tasi bolowra ŋgafasiya. Na ɗaŋŋi Musuk Lonara mba kamu, Musuk Lonara cam ki ko asi na lay.