1 SAMUEL 2:30 - Boy Lonana

³⁰ Ni kay ndaɗta Yawe Lona vi suu Israelna di ana, gasi an di ana, ziiŋu u ziŋ buŋŋa hin tuɗ fokon a fafaɗta. May cecem wanda Yawe gasi vunna. An tli yam suu ŋgaana kolo may, suu ka mininɗina hin ndi duk dla cora.

1 SAMUEL 2:30 ပူးပေါင်းရင်းမြစ်များ

1 MULINA 11:11

Yawe di Salomon ana, «Aŋ mbuɗ huruŋ ki ni ko ndaɗta na, min ka a li u galamba an vaɗ u aŋgaɗi, ka hum u gaɗ mandaɗi lay ni. An hin ɓaɗaŋ mulla ki koŋu, hin ɦaɗ ki maŋ saaŋ ma sun maa dew.

1 MULINA 2:27

Salomon dik mul ma li ɓivunna, Abiyatar, ki hu sun mamba li ɓivunna fok Yawera ni a faɗ ki ni vun boy ma Yawe dam kay ziŋ Helina ay hu Silo wanna.

1 DLAŊ MULINARA 17:18

Va ma David hin daŋŋa su wanna ni me olo kay saɓak ma vi saaŋ ma sundana ni ge? Aŋ taŋga wi saaŋ ma sunda.

2 DLAŊ MULINARA 15:2

Nam kal ki tuɗ fi Aza dam ana, «Mulna Aza, agi suu Yudana u njaf suu vi Benjaminna halaŋ, humungi vunun haa. Yawe ka u agi ni hu li ma agi ka u nam mayna. Lini agi halamu ni nam hin tak tam irigiya. Lini agi noyom ki wa ni, nam noyogi ki may.

2 DLAŊ MULINARA 26:18

Asi ɓak co eg mulna dam ana, «Aŋ Oziyas ka ŋgal mbitla his jivira maŋ Yawe ni ka aŋgi. Muli suu li ɓivunna goryoŋ Aaronna ŋgalaɗ ni asiya. Asi ni suu hinisi ki kay sun ndaɗtana kal ha ki hu Ziŋ Lonara kay aŋ ka ɗegee ii Lonaɗi kay sunda vi Yawe Lonara ni ka va ma aŋ ŋga taŋ u nambi.»

SOOLLA 18:20

Nam kalan ay ki duk lassa, nam suɗun kiyo, kay nam mininu.

SOOLLA 18:26

U suu ɗegeena ni aŋ ɗegee may, u suu li jivina ni aŋ jivi may.

SOOLLA 50:23

Sa ma ŋgaanna, lan unna ni ɓivun namma, sa namma an hin takam voɗta vi Lona ta suɗta.

SOOLLA 73:20

Bu Suuna aŋ hin bulumusi dlasi ki hu ɦoŋzina, asi mbuɗ ni ko doyra di suuna ŋgarapiira ɦawa na.

SOOLLA 91:14

Lona di ana, kay nam njun tam egenu, an hin buɗum kiyo, hin golom kay nam wan senu.

SOOLLA 91:15

Lini nam yanu ni an humumu, an hin kak u nam hu hahaw mamba, an hin buɗum kiyo, mbuɗum a sa bibiŋilna.

KALKIRA 28:43

Aaron u goryom cuk kalasoŋ ndaɗta ni hu li ma asi a cuk hu mbutluɓma, ɗowba hu li ma asi a tuɗ eg givin ma togolla, kay a li sunda hu Li ma Teteɗna, kay ana asi fi dla cora miɗ kiɗi. Gaɗ ndaɗta ni ka gaɗta maa kiɗi, kam lay, kay njafam ma hin kana lay.

KALKIRA 29:9

Aŋ njunusi gandina hurusi may. Aaron u goryom aŋ tinisi jumina kasiya. Ɓivunna hin ki ni masi a fafaɗta ka mbuɗɗi. Aŋ ɦal sun ndaɗta ni maŋ gi Aaron u goryomu.

VUN ŊGOLNA 12:8

Suuna ŋga ni sa ma li dlara jivira. Sa ma saaram ka ɗegeeɗina sa ka dam dlaamba jiviɗi.

VUN ŊGOLNA 4:8

Vi taŋ eg wira tok ndaɗ hin ɦuɗuŋ koloo, ndaɗ hin tlaŋ yaŋ kolo lini aŋ vaɗ koŋ jiviya.

VUN ŊGOLNA 8:17

Suu mininna an minisi may. Suu halanna wi ki gasi ana asi hin fan may.

EZAYI 29:13

Bu Suuna di ana, suu asina ɦuɗ tasi ay egenni u boy ma dira ɦawaa, asi ŋgaanni u vunusi ɦawaa. Na may hurusi kurufu ni ha ki day egenu, Ndaa ma asi lam konna ni u gaɗta vi suu warnara ɦawaa, ni dlara asi haɗaɗta ɦawaa.

JEREMI 29:32

Na ɗaŋŋi an hin li dla cora eg Semaya ma Nehelamma, eg njafam lay. Sa dukusi dew lay hin ka fi liim duk suuna a hin li furira kay tlesuu jivi suu an hin ɦasi maŋ suu mansina naɗi. Di na ni Yawe. Na ni nam ɓak ka ni dla cora suuna yow duuna u Yaweraɗi su?»

JEREMI 49:15

Gasi, an hin mbuɗuk ki goora duk njaf suuna, ɦak ki maŋ suuna asi lasaku.

EZEKIYEL 34:10

Bu Suuna, Yawe, di ana, an hin mbay kay suu taa yoorina asina. An hin mba hal yoori mansina, hin ɓaɗasi sina ki hu duk kosiya. An hin doorosi ki kay sun masira taa yoorina. Asi ka ndak a taa tasira hol holla oloɗi. An hin ɓaɗasi yoori mansina ay ki funusiya. Asi ka hin fasi a komba oloɗi.

DANYEL 4:34

Cecem wanda, an Nabukodonosor, an ŋgaamu, yam semu, goɓ mi Mul ma Kolo Huulonana, kay ana sun mamba halaŋŋi gasira, dlaamba halaŋŋi ɗegeera, nam hin hoŋ suu ŋga tasi ŋgayina ki kaŋgaa.»

MALASI 1:6

Goona ŋga bumu, sa sunda ŋga malamma. Doli wani an li ni Buna ni ŋgara agi ŋgaanda ni arage? Li ni anni sa haɗagina ni humba agi humunda arage? Yawe, ma saɓakŋa kom belna, dagi na, agi li ɓivunna u tlesuu ɓeŋen sen kina. Agi hoŋdira ana, «Ami ɓeŋeŋ seŋ ki ni u mege?»

MALASI 2:3

An wanni, an hin lagi dla cora eg njafagiya, an hin cukugi soɗ tlena irigiya, soɗ tlesuu agi ŋgaɗasi a luu maginana. Suuna hin yowogi ki u namu.

NDUMBA 11:20

Na may ta ta tilna dew, ta ta nam mbuɗ kal ay ki cinigiya, mbuɗ bisigi ki lay. Halaŋ ca ni kay agi noy Yawe ma ka dukugina kira, agi tii ana aygi cuk ay ki hu Egipte ni kay mege?»

NDUMBA 35:34

Aŋ ka mbuɗ mbassa an cuki hura ki njenjeɗi, ni mbassa an ka dukugi hura, kay anni Yawe, an ka kaki duk suu Israelna.»

Boy Ma Ayra Ma JAŊ Ɓiirimma 12:26

Sa li a lan sun manda ni sa namma tuɗ ay kay cerenu, na may ni, saan ma sunda hin tuɗ ni hu li ma an huna may. Bun hin geleɗ sa ma sununna.»

Boy Ma Ayra Ma JAŊ Ɓiirimma 5:23

a suuna halaŋ ŋga Goona ko asi ŋga Bunara na may. Sa ma ka ŋga Goonaɗina, ŋgaɗi ni Bum ma sunum ay na may.

Boy Ma Ayra Ma JAŊ Ɓiirimma 5:44

Agiya, agi hal ni geleɗ magira duk tagira, geleɗta col ay kolo ko Lo ma dewna, agi ka halaɗɗi. Agi hin tin hurugi gin kay Lona ni ana mege?

Boy Ma Ayra Ma JAŊ Ɓiirimma 8:49

Yesu dasi ana, «Fulina ka kanɗi. An ŋga Bun may, agi hoŋon ki dagan may.

1 KORINTNA 4:5

Ni kay ndaɗta kaɓakŋa kay sa jew buu ma ɓakŋaɗi. Juɓ Bu Suuna mba tuwa, tlesuu ŋgay hu ndufundana, nam hin mba gasi usi ki kiɗiki, nam hin vaa dlara ŋgay hu suunara kiyo. Kay ndaɗta gegelay hin fi geleɗta ko Lona kay dlaamba.

1 PIYER 1:7

las ndaɗta ni a tukugi saɓak viigira. Lorra ni vara daɓ kira asi ka yooroɗ u kura kay a mbuɗuɗ eŋe. Na may viigira ni su lorra, lassa lagira ni kay a tukugi ana ndaɗ coli eŋ su. Hu buu ma Yesu hin a mbana wanni hin geleɗegiya, ŋgaagiya, ɦagi ŋgolla.

SUU KAƁAKŊA 9:10

Ŋgusugina hin di tulumma ana, aŋ mbay kak a mulna kamiya.