1 SAMUEL 2:29 - Boy Lonana

²⁹ Ni kay me agi tayan ɓivun manna ki kaŋga may? Ҥalla ɦawara an ndumuɗ ka hu ziindara ni ge? Ni kay me aŋ ɦal ŋgara maŋ goryoŋ suunni ge? Ni kay ana agi ɗorogi tagi ki u tlesuu jivi suu suu man suu Israelna ɦansina ayna halaŋ halaŋga su?

1 SAMUEL 2:29 ပူးပေါင်းရင်းမြစ်များ

2 MULINA 12:6

ma muli suu li ɓivunna ka yowom ki kay tasina, gegelay ni wi ii mamma. May ni asi min ii Ziŋ Lonara, li ma ka ki ɓalaki zeɗ zeɗ wanna kiyo.»

SOOLLA 26:8

Yawe, an minni zi ma aŋ ka huna, u li ma bibiŋil maŋga ka huna.

EZEKIYEL 13:19

Agi mbuɗungi sen ki njenjera fok suu mansina ni kay fu ma agi a fam funugi na ew daŋŋa, u komnjoɗi orge ma ewna may. Agi cagi suu maɗ ka kasi tuɗina kiyo, suu a miɗ ki ginna agi mbuɗusi iiri may. Agi ganan yam suu mansina u dlara kaboyna suu min a hum dla ndaɗtana.

EZEKIYEL 34:10

Bu Suuna, Yawe, di ana, an hin mbay kay suu taa yoorina asina. An hin mba hal yoori mansina, hin ɓaɗasi sina ki hu duk kosiya. An hin doorosi ki kay sun masira taa yoorina. Asi ka ndak a taa tasira hol holla oloɗi. An hin ɓaɗasi yoori mansina ay ki funusiya. Asi ka hin fasi a komba oloɗi.

EZEKIYEL 34:2

«Goŋ sanna di dlara jok vun Lona kay suu ŋgolo suu Israel suu taa yoorina. Bu Suuna, Yawe, di ana, hahawra kay suu Israel suu taa yoorina, asi suu taa tasira ɗowna. A jivira ni suuna taa ginni yoorina na ɗowɗi su?

Magaara Vi Sa Jok Vun Lona OZE 4:8

Asi wul tasi ni u suluk ma vi suu mansinana, hurusi ki tinira kay cora asi laɗta.

DLAŊ LEVIRA 19:15

«Kaagi ɓakŋa ni u ɗegeera, njun u sa ma maŋinaɗi, aŋ ka njun u sa ŋgolna ana nam ŋgoloraɗi lay, kaasi ɓakŋa ni u voɗom a asi ni gorseŋŋara halaŋ.

MISE 3:5

Yawe di suu jokom vunumma, suu viɗim suu mamma kina ana, «Na ni asi ndak a fi heɓpa hu li ma siisi ka hal suuna a eɗta may su? Sa ma ka tinisi va funusiɗina asi li yara teteɗta u namu.

MATIYE 10:37

«Sa min bum u sum suunna ka ndaki kanɗi. Sa ma min gorom u goromba suunna ka ndaki kanɗi.

MATIYE 22:16

Asi cuk suu masina u suu vi Herodna ɦiw a di Yesu ana, «Mala Haɗta, ami wi ana aŋ di ni gasira, aŋ haɗ ni dlara ɗegeera a li jivira ko Lona minda na. Aŋ ka li ndaa ko boy ma vi saɗi. Lini sa ma megelay ni, aŋ dam lay.

Boy Ma Ayra Ma LUK Ɓiirimma 14:26

«Lini sana min a tuɗ ay unu ni, nam hin bum u sum ka kiɗi may, hin caamba u goryom u gorsemma ka kiɗi may, hin tliw tam ka kiɗi may ni, nam ndak a li sa haɗi mannaɗi.

ROMMA 16:18

Kay suu ko asi nana ka sun ni Kristu Bu Suunaɗi, asi sun ni hayasi taɗta gaw u boy masi ma jivina u ɓak masi ma fiyek ma gan yamba, asi ɓeŋŋi ŋgus suu u dla ka irisiɗina ɦawaa.

2 KORINTNA 5:16

Ni ami ka golomi suuna ko suu warna na oloɗi. Lini ami gol Kristu ay jew ko sa warna na lay, cemi ami ka golom na oloɗi.

GA 8ATAMBARA 32:15

Suu mamsina ɦis ki wa, mbuɗ ki suu gonokka, asi ɗoo ki wa, ndi ki mbala cocoo, noy Lona ma lasina kiyo, mbuɗ sa ma njun kasi ma suɗusi kina ki zolona.

GA 8ATAMBARA 33:9

Sa ma di gi bum u sum ana, an wagi kaɗina, ma ka wi gorsemmaɗi layna, ma viɗ goryom kina. Asi ka li u gaɗ maŋga. Asi ka saa kay galam maŋga.

Magaara JAK Ɓiiriɗta 3:17

Ne mayra col ay kolo dayra va co ka egeɗɗi. Ndaɗ mba heɓpa, jivira, oora u jivira huruɗta, hin tak sunda jivira may. Ɓorow iira u mbambara kaɗi.

JOSUWE 18:1

Suu Israelna halaŋ tok tasi hu ɦoŋzina Silo, suu muli suu li ɓivunna u suu njun usina pi Mbutluɓ ma Tokka huwa, mbassa halaŋ hin ki ni masira.

1 SAMUEL 3:13

An dam ki ana an kaɓakŋa kay ziimmi kay coomba. Nam wi ana goryom ŋgul Lona na lay ni nam yalasi kaɗi.