1 SAMUEL 19:24 - Boy Lonana

²⁴ Nam tamba lay fok barawi suu egemma ki fok Samuel. Olo ɗaŋŋi nam ki siiliya. Nam puk kaŋgaa, hin kaŋga maɗii gak gak njeŋgera hin fam lay. Gola ni kay ndaɗta suuna di ana, «Na ni Sol ka ni duk suu jok vun Lona lay su?»

1 SAMUEL 19:24 ပူးပေါင်းရင်းမြစ်များ

MISE 1:8

May ɗaŋŋi an hin yoo tan ɗowba hin gurni su. An hin tuɗ ni sen siili bay tuɓurura. An hin gi soolla hahawra ko ndal bayakka na, soolla hahawra ko ndal erketta na.

EZAYI 20:2

Hu coki ndaɗta ni Yawe ɓakasi ni u sunda vi sa ma jok vun Lona Ezayi ma goŋ Amosna. Nam dam ana, «Tuɗa, cuk baraw ma hahawra egeŋu, fok tuɓuru ma seŋŋa kiyo.» Nam li ko ndaɗta na may, tuɗ payam ki siiliya, tuɓuru ka sembi may.

2 SAMUEL 6:20

David kal vo a paɗ vunum ki kay ziimba. Mikal goŋ Solla kal ay ki fokom hin dam ana, «Mul ma Israelna li dlara jivira karam wa, nam gi u tam ki fok suu mam suu sunda u mborɓogi mamsina ko ndal sa ma sunum kaɗina na.»

SUNDA 9:21

Suu hum boy ma nam damma halaŋŋi viɗ ki ɦawa na viɗ. «Ni sa ma las suuna kay sem Yesu ay Yerusalemmaɗi su? Nam mba tani kay a yow suuna tuɗusi maŋ mul ŋgol ma li ɓivunnaɗi su?»

2 SAMUEL 6:14

David gijaŋ luu njoŋŋa u saɓakam bel fok Yawe. David cuk efodna egemu.

NDUMBA 24:4

Ni boyna vi sa ma ka hum boy ma vi Lonna. Ma wi boy ma sa ma saɓakŋa ka takammana. Hu li ma nam buuri gana liŋirira, irim mal kiyo.

1 SAMUEL 10:6

Na ɗaŋŋi Musuk Yawera hin mba kaŋu. Aŋ Musuk Lonara hin caŋu ko asi na lay. Aŋ hin mbuɗ ki sa daŋŋa lay.

1 SAMUEL 15:35

Samuel wi Sol ka oloɗi ta ta hu buurum ma miɗna. Ni ana Samuel tii kay Sol kay ana Yawe tii tam kay tinda nam tin Sol a mulna kay Israella.

1 SAMUEL 18:10

Vin wanni ŋgussa cora col ay eg Lona mbay kay Sol, cam kiyo. David bu tlegeyem suu luuna ko jew dayra na. Sol u saɓ mamba kom may.