1 SAMUEL 19:1 - Boy Lonana

¹ Sol ɓak goromma Jonatan u suu li sunda varamma halaŋ kay dlara nam hal a ci David ki u ndaɗta. Doli ɗini Jonatan ma goŋ Solna min David cocoo.

1 SAMUEL 19:1 ပူးပေါင်းရင်းမြစ်များ

1 SAMUEL 18:1

Doli ɗini hu li ma David daɓ ɓakŋa maŋ Solna may ni, Jonatan njun tam eg David minim ko tamba na.

1 SAMUEL 18:9

Sol gijaŋ gol David ki irim zeɗ hu buu namma.

1 SAMUEL 18:8

Sol hurum ɓeŋ ki cocoo. Boy namma hurum vam kaɗi. Nam di ana, «Asi ɦal suu buɓ buɓ bulumina ki maŋ David may, suu buɓma ki man may ni, va ma hin ka kombina ni mulla doy holɗi su?»

1 SAMUEL 19:2

Jonatan jok boy namma ki maŋ David ana, «Bun Sol ka hal a caŋ kira, aŋ gol taŋ jivi vin maɗiiya, kak u ŋgusuna ŋgay taŋu.

URA TIN AYRA 37:18

Asi wam nam tuɗ ay na day bay tew egesi tu may ni ɓak tasi ana, cam kiyo.

1 SAMUEL 18:3

Na ɗaŋŋi Jonatan vi galamba u David, kay nam minim ko tamba na.

1 SAMUEL 18:25

Sol di ana, «Agi ɓak David ɗaŋŋi ana, mulna min a begera ni vun ɗiw suu Filistinna ta cawaɗ kira na kis a sa sukul suu babali suu vi mulnana.» Sol saa ɗaŋŋi anaba nam min a ɦal David ki maŋ suu Filistinna.

1 SAMUEL 20:1

David ndi liŋŋa ay ki hu ɦoŋzina Nayot ma Ramana tuɗ di Jonatan ana, «Va an lamma ni mege? Dla cora an laɗta ni taarage? Suluk ma an lam eg buŋ ma nam hal a can ki kamma ni manage?»

1 SAMUEL 20:19

Aŋ gijaŋŋa siw tuwa. Aŋ hin hoŋ kaŋga cocoo. Aŋ hin tuɗ hu li ma aŋ ŋgay ay ki huna hu buu ma dlara a li huna. Aŋ hin kak eg ɦinira Ezella.

2 SAMUEL 4:8

Asi tli yam Isebaal ɦaɗ ki maŋ David hu Hebron hin di mulna ana, «Gola yam Isebaal, goŋ Sol ma babali maŋ ma hal gin a caŋ kina. Yawe ɦal sa sugul ma ŋgolna maŋ malanna mulna hu buu ma karamma kay Sol u njafam lay.»