1 SAMUEL 18:5 - Boy Lonana

⁵ Hu sunda sunumba bel ni, hu li ma Sol sunum huna bel ni, David fi u dlaamba kiyo. Sol tinim a ŋgolla kay suu mam suu duuna. Suuna halaŋ wam ki jiviya, suu li sunda vi Solna lay.

1 SAMUEL 18:5 ပူးပေါင်းရင်းမြစ်များ

URA TIN AYRA 39:23

Tlesuu ka ko Yosefna halaŋ sa ma ŋgol daŋgayna ka saa kasiɗi, kay Yawe ka u namu. Dlara nam laɗta halaŋ Yawe mbuɗuɗ ki jiviya.

2 SAMUEL 5:10

David mbuɗ ŋgolla ni mbuɗi na ɗow ɗow. Yawe, Lona ma Saɓakŋa ka u namu.

2 SAMUEL 5:2

Buuna jak ki ni ŋgol da hu li ma Sol ay a mul maminana. Aŋŋi sa ma hin suu Israelna sel ay ki lay, hoŋ ha vo layna. Doli ɗini Yawe daŋ ana aŋŋi sa ma hin taaran suu man suu Israelna, aŋŋi sa ma hin li a mul ma Israelna.»

2 DLAŊ MULINARA 17:3

Yawe li u Josafat kay nam tuɗ ni hu voɗta jewra vi bum ŋgolo Davidta. Nam ka min a goɓ Baalɗi.

SOOLLA 1:3

Sa namma ni ko gu ma pii doŋ lummana na, nam vuɗ vuɗummi hu liim tew tew. Humum ka yak kiɗi lay, dlara nam a laɗta halaŋŋi nam faɗu.

SOOLLA 101:2

An min so tan a tuɗ hu voɗ maŋga ɗegee. Aŋ hin mbay egenni saɓage? Hu ziinni an wi yal ma ŋgom tanna, kak u hurun ɗegee.

MATIYE 10:16

«Humugi jiviya. An sunugi ha ni ko timigiina duk bosokona na. Lagi neeyra ko guygina na, ɗili ko gugukka na may.

SUNDA 7:10

Lona buɗum ay ki hu dlara loɓomba halaŋ. Nam ɦal nera maŋ Yosef mbuɗum jivi fok Faraw, mul ma Egiptena, nam kakam a mulna kay suu Egiptena, golom hu ziim halaŋŋi nam lay.

EFESNA 5:17

Ni kay ndaɗta lagi tagi laɓaɗi, soogi tagi kay a hum va ma Bu Suuna min a agi lamma.

KOLOSNA 4:5

Poyogi u nera duk suu bay vina, lagi jivira hu li ma agi kana.

SUU KAƁAKŊA 1:19

Yawe ka u asiya. Asi tli mbassa ɦinira ki halaŋ halaŋ. Na may asi ndak ka a tli mbassa hu li ma ɦawanaraɗi, kay suu huna u pus pus kawina usiya.

1 SAMUEL 13:2

Sol man suuna duk suu Israelna na buɓ buɓ hindi suu ay u Solna na buɓ buɓ mba hu Mikmas kay ɦinira Betella. Suu hiŋŋa buɓ kay cee Jonatan may hu Gibea ta vi Benjaminda. Nam dik suuna usira hinda gegelay tuɗ hu mbutluɓ mamma.

1 SAMUEL 14:52

Yara vi suu Filistinna hu buu ma vi Solna halaŋ halaŋ. Sol wi sa hiŋŋa wa, wi sa saɓakŋa wa ni nam tlam gaw.

1 SAMUEL 18:16

Na may suu Israelna halaŋ u suu vi Yudana minni David kay ana nammi sa tuɗ hoŋ ay fokosina.

1 SAMUEL 18:30

Suu muli suu vi suu Filistinna sel ki a duuna. Hu sel masira bel ni, David li saɓakŋa su suu li sunda vi Solna halaŋ. Sem hin gel fokosi ni nam dew.

1 SAMUEL 18:4

Jonatan fok koɓoɗ mamba cuki egemba ki ɦaɗ maŋ David, barawi mamsina lay, ŋgew mamma lay, gu mbuuru mamba u ɗik mamma lay.

1 SAMUEL 18:6

Hu hoŋga asi hoŋ ay hu li ma David ci suu Filistinna kina, boyogina sel ay ki hu ɦoŋzi ma Israelna halaŋ gi soolla, luu njoŋŋa may tuɗ ŋgaf mulna Sol, bu darira may, ci yiyira may, bu diŋŋa may.

1 SAMUEL 3:19

Samuel wulla. Yawe ka u namu ka hin a boy mam maa dew lay ndi ki kaŋgaɗi.