1 SAMUEL 18:25 - Boy Lonana

²⁵ Sol di ana, «Agi ɓak David ɗaŋŋi ana, mulna min a begera ni vun ɗiw suu Filistinna ta cawaɗ kira na kis a sa sukul suu babali suu vi mulnana.» Sol saa ɗaŋŋi anaba nam min a ɦal David ki maŋ suu Filistinna.

1 SAMUEL 18:25 ပူးပေါင်းရင်းမြစ်များ

URA TIN AYRA 29:18

Yakob minni Rasel. Nam di Laban ana, «An min sunuŋ basara kiɗisiya kay goroŋga goora Rasel.»

URA TIN AYRA 34:12

Joɓongi begena ŋgol coco u tlesuu gorina lay an hin ɦagisina, va ma ŋgolna ni ɦangi goora a cara doy hol.»

2 SAMUEL 3:14

David sun suu vun sunda eg Isebaal ma goŋ Solna. Nam di ana, «Ҥan caanda Mikal ta an faɗ u vun ɗiw suu Filistinna kissa aya.»

JOSUWE 5:3

Josuwe ɦal voɗta maŋ suuna a yow vel gogoyra caw ɗiw suu Israelna ki kolo kay mbura yaɗ ana mbu mayra jagawa ɗiwrara.

1 SAMUEL 14:24

Suu Israelna wi hawra hu buu namma ɦay, kay Sol gi vunna maŋ suuna ni ko wanda na, «Cora ka kay sa ma ti va tira jew bay an sa sukulun ki u suu babali mansina bay faɗta ɗik tuna.» Suuna halaŋŋi sa juk va ti kaɗi.

1 SAMUEL 17:26

David di suu coli egem tok tokŋa ana, «Hin li ni me maŋ sa ma hin ci sa ma Filistin namma ki may, bulum zolo ma vi suu Israelna ki may nage? Sa namma ni gege, gasi daŋ may sa ma Filistin ma ɗiwim bay cawra ma hal suu vi Lo ma iirina a duuna nige?»

1 SAMUEL 17:36

Saaŋ ma sunda ci dlona ki u ŋguuna. Sa ma Filistinna ma ɗiwim bay caw namma hin li ni ko tle asina na may, kay ana nam hal suu vi Lo ma iirina a duuna.»

1 SAMUEL 18:17

Sol di David ana, «Gola goronda ŋgolla, Merab, wanna. An hin ɦaŋga a cara ni ndaɗu. Na may aŋ lan sunda u saɓakaŋu, li duuna maŋ Yawe.» Sol ɓak tam ana, «Tiniygi koygi egembi, suu Filistinna li dla ndaɗta asiya.»

1 SAMUEL 18:24

Suu li sunda vi Solna mbaam boy namma ay ana, «Gola David dlara nam ɓakaɗta ni ko wanda na.»

1 SAMUEL 19:1

Sol ɓak goromma Jonatan u suu li sunda varamma halaŋ kay dlara nam hal a ci David ki u ndaɗta. Doli ɗini Jonatan ma goŋ Solna min David cocoo.