1 SAMUEL 18:17 - Boy Lonana

¹⁷ Sol di David ana, «Gola goronda ŋgolla, Merab, wanna. An hin ɦaŋga a cara ni ndaɗu. Na may aŋ lan sunda u saɓakaŋu, li duuna maŋ Yawe.» Sol ɓak tam ana, «Tiniygi koygi egembi, suu Filistinna li dla ndaɗta asiya.»

1 SAMUEL 18:17 ပူးပေါင်းရင်းမြစ်များ

1 SAMUEL 25:28

An ceneŋu, heɓ huruŋ eg caaŋga sunda kay cooɗta. Gasi daŋ may, Yawe hin ka hin bay ɦal mulla maŋ malannaɗi kay ana malanna li duu ma vi Yawena, sa ka faŋ dla co egeŋgi hu kak maŋga iiri hu duliyara halaŋ.

1 SAMUEL 18:25

Sol di ana, «Agi ɓak David ɗaŋŋi ana, mulna min a begera ni vun ɗiw suu Filistinna ta cawaɗ kira na kis a sa sukul suu babali suu vi mulnana.» Sol saa ɗaŋŋi anaba nam min a ɦal David ki maŋ suu Filistinna.

1 SAMUEL 17:25

Suu Israelna di ana, «Agi wagi sa ma ɗiŋ ay kolo wanna su? Nam ɗiŋ ay kolo hal ni suu Israelna a duuna. Lini sa cam ki wa ni mulna hin mbuɗ sa namma ki begera. Nam hin ɦam goromba, suu hu njafamma suuna hin ɦasi ŋgolla duk suu Israelna.»

1 SAMUEL 18:21

Sol ɓak tam ana, «An hin ɦamba a ndaɗ li ni daw ma guni fokomma, suu Filistinna vam ki may.» Sol ɗaŋŋi ɓorow ii dlaamba dira maŋ David mba', «Aŋ hin li ni a kununna karam gaw.»

1 SAMUEL 17:47

Suu moli ca wanna hin wiya. Yawe ka ɦal saɓakŋa ni u ŋgewnaɗi lay, ka u saɓpaɗi lay, may Yawe ni malaŋ duuna, nam hin ɦagi ki komiya.»

SOOLLA 55:21

Sa namma mbuɗ um kay banayamma, nam bulum bana mamba ki wa.

SOOLLA 12:2

Yawe, njununu. Suu ɗegeena ka coco oloɗi. Duk suu warna halaŋ, suu li dlara jivira ka coco oloɗi.

2 SAMUEL 12:9

Ni kay me aŋ hin dlara Yawe daɗta ki may hin li dlara Yawe hurum vaɗ kaɗira ni nanage? Aŋ ci Uri ma Hetna ki u ŋgewna. Aŋ vam caamba mbuɗuɗ ki caaŋga. Nam tamba aŋ cam ki u ŋgew ma vi goryoŋ Amonna.

2 SAMUEL 11:15

Nam ɓii ha hu magaa ndaɗta ana, «Tin Uri ha hu li ma duuna ki hu saɓak cocona duk dar suu fokŋa. Agi hin ɦuɗugi tagi ay ki ŋgorom dagani. Asi hin gigimu. Nam hin miɗ kiyo.»

GA 8ATAMBARA 17:7

Suu di ki kay sa nammana tin kosi egem jew a cam kira ni asiya. Ŋgoo dagan suu halaŋŋa hin cuk ha ni na may. Agi paɗagi dlara co ndaɗta ki dukugiya.

NDUMBA 32:29

Nam dasi ana, «Lini goryoŋ Gadna u goryoŋ Rubenna taɓa lum ma Yurdanna u agiya, u kawi masina kosi halaŋ a duu fok Yawera ni, agi may ni hu li ma agi tli mbassa ki wa ni agi hin ɦasi mbas mayra Galaadta ni masiya.

NDUMBA 32:27

Suu sun maŋsina halaŋ min tasi a tuɗ koyra jak fok Yawe a tuɗ duuna, ko ndal sa ŋgol manna dira na.»

NDUMBA 32:20

Moiz dasi ana, «Lini agi li na, lini agi a yow kawi magina a tuɗ fok Yawe a duuna ni,

NDUMBA 21:14

Kay ndaɗta di hu magaara duuna vi Yawe ana, «Zi ma Wahebma ni tok fun mbo lum ma Sufana u ma Arnonna.

1 SAMUEL 14:49

Goryoŋ Solna ni ugi Jonatan, Isevi, Malkisu wa. Goryom suu gorɓiina ni Merab ta ŋgolla, Mikal ta goora.

1 SAMUEL 17:36

Saaŋ ma sunda ci dlona ki u ŋguuna. Sa ma Filistinna ma ɗiwim bay caw namma hin li ni ko tle asina na may, kay ana nam hal suu vi Lo ma iirina a duuna.»

1 SAMUEL 18:27

David gi tam hu voɗta tuɗ u suu mamsina. Nam ci suuna ki kis kis mba' u suu Filistinna. David yowosi vun ɗiwisi aya, asi tuɗ ndumuɗ ki maŋ mulna a David mbuɗ ki kunuŋ mulnana. Nam Sol hin ɦam goromba Mikal a cara.

1 SAMUEL 30:26

Tew ki hu Siklag may ni, David sun tlesuu yowosi ay hu jonana ha maŋ suu basi suu vi Yudana suu banayamma hin jokosi vunna ha ana, «Gola, wanni tlesuu an a ɦagi ŋgara u asi suu yowosi ay hu jona vi suu babalira u Yawena.»

2 SAMUEL 6:16

Doli ɗini hu li ma Zanduk Yawera kal ay ki hu Ҥoŋzi Davidna, Mikal ta goŋ Solla tin iriɗ ay ki ii zira. Ndaɗ wi mulna David weɗ koloo, luu njoŋŋa fok Yawe, huruɗ ɓeŋ ki egemmi na gaw.

VUN ŊGOLNA 26:24

Sa ma gonokka jiv tam ki u vunumu, hurum kurufu ni dlara ganyamba may.

VUN ŊGOLNA 26:25

Lini nam ka di dlara jivira lay ni, caa yaŋ kaɗi, saara cora ŋgay ga u cocoo.

VUN ŊGOLNA 26:26

Yaamba ndak a baa ki ga duk boy ma nam damma. May duk suuna hu tokka ni ndaɗ hin tak ki kiɗiki.