1 SAMUEL 17:44 - Boy Lonana

⁴⁴ Sa ma Filistinna di David ana, «Mbay tani an ɦaŋ tliwiŋ ki maŋ layagi suu kolo huulonana, maŋ mbuuri suu duk buburana.»

1 SAMUEL 17:44 ပူးပေါင်းရင်းမြစ်များ

2 SAMUEL 21:10

Rispa ta goŋ Ayara yow mbumbu bolna boɗom kay ɦinira ay hu gijaŋ feɗ tlena day ta ta yo ma ay kolo huulonana si ki kasiya. Ndaɗ ka hin layagi suu kolo huulonana a cuk kaŋga kasi faaliɗi. Mburi suu bagina lay ka mba hu njeŋgeɗi lay.

VUN ŊGOLNA 18:12

Jew sana bay ndi ga tu ni, nam ŋga tam cocoo. Jew sana a fi bibiŋilla ni nam hoŋ yam ga may.

JEREMI 34:20

An hin ɦasi ki ko suu babali masisina, maŋ suu halasi a casi kina maɗasi hin mbuɗ ni li ma layagi suu huulonana fi ti masina u mburi suu kay ndaŋgarana huna.

JEREMI 9:23

Lini sa min a ŋga tamu ni nam ŋga tammi u dlara wanda, ko nam li yal coco a wanda, an, Yawe, ma taɓ suuna eg tasina, ma jivina u ma ɗegeena kay ndaŋgara. Gasi dla ndaɗta ni hurun vaɗu, Yawe di na.

EZEKIYEL 28:2

«Goŋ sanna, aŋ tuɗ di mul ma Tirna ana Bu Suuna, Yawe, ɓak ay ana, Kayra aŋ ŋga taŋ coco ana, Anni Lona, aŋ kak kay dlamba mulla kay daara duk mbo lum ŋgolna. Doliɗi ni aŋŋi sa warna ɦawaa ka lonɗi. Ni kayra aŋ gol taŋŋi ko loogina nara.

WIRA ŊGAYRA 19:17

Ŋgoo dagan an wi sa sunda huulona coli kolo kay fatɗa, nam sawalla u delem eŋga maŋ layagi suu pii kolona halaŋ, «Tokogi aya mbay taygi fu ma ŋgolna vi Lona.

1 SAMUEL 14:12

Suu hu Kaŋŋana di Jonatan u gogoo mam ma sunda ana, «Mbaagi ay egemiya, ami a takagi vaa.» Jonatan di gogoo mam ma sunda ana, «Tuɗ ay ŋgoron dagani. Yawe ɦasi ki duk ko Israel wa.»

1 SAMUEL 17:46

Karam gak gak Yawe hin ɦaŋ ki konu, an hin caŋu hin ŋgaɗaŋ yaŋ ki lay. Karam gak gak an hin ɦal maɗ suu duu suu Filistinna ki maŋ layagi suu kolo huulonana, ki maŋ mbuuri suu kay ndaŋgarana. Ndaŋgara halaŋ hin wi ki ana Lo ma vi Israelna kaa.