1 SAMUEL 17:36 - Boy Lonana

³⁶ Saaŋ ma sunda ci dlona ki u ŋguuna. Sa ma Filistinna ma ɗiwim bay caw namma hin li ni ko tle asina na may, kay ana nam hal suu vi Lo ma iirina a duuna.»

1 SAMUEL 17:36 ပူးပေါင်းရင်းမြစ်များ

1 SAMUEL 17:10

Sa ma Filistinna di ana, «Karam wanni an hal suu Israelna a duuna. Gangi sa ay dew ami duu tamiya.»

ZAKARI 12:3

Gasi, hu buu namma wanni an hin tin Yerusalem ki fok suuna halaŋ ko ndal gogoyra sa ka ndak a tlaɗ ki koloɗira na. Gegelay ma min a tlaɗ kolona hin dak tamu. Na lay njaf suu kay ndaŋgarana halaŋ hin vi vunusi kaɗu.

ZAKARI 2:8

Nam dam ana, «Liŋa, ɓak ha maŋ goozoŋ ma ha wanna dam ana, Yerusalem hin hinni a ɦoŋzi ma ki malina, kay suu bolowna u mbuuri suu bolow suu ka huruɗna.

EZEKIYEL 32:19

Joɓosiya, na ni agi ndak a fi jivira su ndaryagi suu daŋŋa halaŋ su? Cukugi ga hu ussa vi suu bay caw ɗiwisina.

EZAYI 36:18

Ka Ezekiyas ganagi yagi di ana, Yawe hin suɗuygi kiyo. Agi wi ni loogi suu vi njaf suu taa dew hin suɗusi ki ko mul ma Asiri ɦoy su?

EZAYI 36:15

Ezekiyas ganagi yagi ana, agi li ndaaɗi, a gasira ni Yawe hin suɗuygi kiyo, ɦoŋzi namma ka ndak a tli ko suu Asirinaɗi.

EZAYI 10:15

Bu Suuna di ana, «Njetna ndak ŋga tam kay sa ma ka guuna u namma su? Siina ndak a ŋgaɗam kay sa ma ka wak guna u namma su? Ko ndal tokolora zuɗ sa ma ndaɗ ka wi komma ha a waɗta ni ndaɗ su? Njewɗekka ka zuɗ sa ma waɗ u ndaɗnaɗi lay.»

1 SAMUEL 17:26

David di suu coli egem tok tokŋa ana, «Hin li ni me maŋ sa ma hin ci sa ma Filistin namma ki may, bulum zolo ma vi suu Israelna ki may nage? Sa namma ni gege, gasi daŋ may sa ma Filistin ma ɗiwim bay cawra ma hal suu vi Lo ma iirina a duuna nige?»

1 SAMUEL 14:6

Jonatan di gogoo mam ma sunda ana, «Mbaya, ɦuɗuy ha hu li ma vi suu bay caw ɗiwisi ki tuna na. Kala Yawe li hin li u ay kala nige. Gasi daŋ may ay li ka bolowɗi lay ni, va doo Yawe ki a nam ɦaygi a su kasina kaɗi.»

1 SAMUEL 17:35

an gaaram um tewra, duurum ɓaɗasi ay funumu. Lini nam gan jaŋan wa ni an yowom jerem kon na ni, cam ki maɗna gaw.

1 SAMUEL 17:37

David di ana, «Yawe ma ɓaɗan ay ki ko cifiɗ dlona u ŋguunana, ni sa ma hin ɓaɗan ay ki ko sa ma Filistin nammana.» Sol di David ana, «Tuɗa, ko Yawe li u aŋu.»

1 SAMUEL 18:17

Sol di David ana, «Gola goronda ŋgolla, Merab, wanna. An hin ɦaŋga a cara ni ndaɗu. Na may aŋ lan sunda u saɓakaŋu, li duuna maŋ Yawe.» Sol ɓak tam ana, «Tiniygi koygi egembi, suu Filistinna li dla ndaɗta asiya.»

1 SAMUEL 31:4

Sol di gogoo mam ma sunda ana, «Tli ŋgew maŋŋa, can kiyo, kay suu ɗiwisi ka cawiɗina mbay can asi a pananɗi.» May gogoo mam ma sunda min kaɗi kay ana nam mbuɗ ki ndaana cocoo. Na ɗaŋŋi Sol paɗ ŋgew mamma, gi tam funumu.

EZEKIYEL 28:10

Sa ma ŋgayna hin caŋŋi namu. Aŋ hin miɗ ni miɗ ma vi suu ɗiwisi bay cawra, na daŋ may an di na. Di ni Bu Suuna Yawe.»

2 DLAŊ MULINARA 32:17

Mul ma Asirina ɓii magaara ay a ŋgul Yawe Lona vi suu Israelna, di ay hu magaaa ndaɗta ana, «Loogi suu vi njaf suu daŋŋana tew ka a suɗusi suu masisina ki konɗi. Lo ma vi Ezekiyasna hin ka ndak a suɗum suu mamsina kiɗi lay.»

DANYEL 5:23

aŋ col yara kolo eg Bu Suuna ma kolo huulonana, tlesuu hu ziimbana yowosi ki ni iriŋu, aŋ taŋga u suu ŋgolo maŋsina lay, banayaŋ boyogina u boyogi suu suunda, agi cagi sum veŋŋa hu lay. Aŋ ɦal ŋgara ni maŋ loogi doonora u lorra u walakka u kawina, guna u gogoyra suu ka wiɗi lay, ka humbi lay, ka wi dlaɗɗi layna, nam Lona ma iiri maŋga ka hu duk komma, ma dlaaŋga halaŋŋi mambana aŋ ŋgaam kaɗi.