1 SAMUEL 17:26 - Boy Lonana

²⁶ David di suu coli egem tok tokŋa ana, «Hin li ni me maŋ sa ma hin ci sa ma Filistin namma ki may, bulum zolo ma vi suu Israelna ki may nage? Sa namma ni gege, gasi daŋ may sa ma Filistin ma ɗiwim bay cawra ma hal suu vi Lo ma iirina a duuna nige?»

1 SAMUEL 17:26 ပူးပေါင်းရင်းမြစ်များ

1 SAMUEL 11:2

Nahas ma Amonna dasi ana, «Gola an hin vi galamba u agi ni ko wanda na, an hin coogi irigira njuffa kiyo. An hin tin dlara zolo ndaɗta kay suu Israelna halaŋ.»

GA 8ATAMBARA 5:26

Sa war ma hoy hum del Lona ko ami humuɗ wanda na, ɓak ay duk kura sa namma hin kak iiri may ni kaɗi.

1 SAMUEL 17:36

Saaŋ ma sunda ci dlona ki u ŋguuna. Sa ma Filistinna ma ɗiwim bay caw namma hin li ni ko tle asina na may, kay ana nam hal suu vi Lo ma iirina a duuna.»

1 SAMUEL 17:10

Sa ma Filistinna di ana, «Karam wanni an hal suu Israelna a duuna. Gangi sa ay dew ami duu tamiya.»

1 SAMUEL 14:6

Jonatan di gogoo mam ma sunda ana, «Mbaya, ɦuɗuy ha hu li ma vi suu bay caw ɗiwisi ki tuna na. Kala Yawe li hin li u ay kala nige. Gasi daŋ may ay li ka bolowɗi lay ni, va doo Yawe ki a nam ɦaygi a su kasina kaɗi.»

2 MULINA 19:4

Kala Yawe, Looŋŋa, hum boy ma sa ma ŋgol kaŋ ma vi suu Asirina sunum ay mba dam a ŋgul Lo ma Iirina, hin a gaɗasi kay boy ma Yawe, Looŋŋa, humum wanna, aŋ cenem ha kay u suu hin ka nde wanna.»

DANYEL 9:16

Bu Suuna, u sun maŋga ɗegeera, ko yaaŋga u huruŋ ma zalina li kay Yerusalem ziiŋŋa, ɦini maŋga teteɗtaɗi ni kay suluk mamina u cora vi somoyomira, Yerusalem u suu maŋsina mbuɗ ni va ma ŋgulla maŋ suu ŋguy kamina halaŋ.

JEREMI 10:10

Na may Yawe Lona ni gasira, nammi Lo ma iirina, mulna a fafaɗta. Hu li ma hurum mbuɗ yara wa ni ndaŋgara dlakka, suuna ka ndak a col fok yaambaɗi.

SOOLLA 79:12

Suu ŋguyumi suu ka panaŋ seŋŋa aŋ warakasi u coosira seŋ kiɗisiya, Bu Suuna.

SOOLLA 44:13

Aŋ vi va ma gus ka kasiɗi lay, aŋ ɦal suu maŋsina ki bay joɓ va kasiya.

NEHEMI 5:9

An hin di ana, «Dlara agi laɗta ka jiviɗi. Agi tuɗ ni ka u ndaa ma lam u Lonanaɗi su? A doo zolo ma vi suu babali maygisinana kiraɗi su?

1 JAŊ 5:20

Aygi wi anaba Goŋ Lonna mba wa, nam neeygi ki ana aygi wi Lo ma gasina kiyo. Aygi taɓira u Lo ma gasina ni u sem Goromma Yesu Kristu, nammi Lo ma gasina, iirira ka daɓ kiɗira lay.

1 TESALONIKŊA 1:9

Asi ɓak kagi kay vira agi vami ami ay varagira, agi hin ɓivunna maŋ fulina, pereɗ irigi eg Lona ma iiri ma gasina a sunumba.

JOEL 2:19

Yawe hoŋ dira maŋ suu mamsina, «Na ɗaŋ, an ka ɦagi wana haa, summa u mbul ma heɓma, agi hin hoɓogiya. An hin ka mbuɗugi ki zolo duk suuna a fafaɗtaɗi.

SOOLLA 74:18

Humuŋ gaŋu, Yawe, suu gonok maŋsina ka panaŋu, suu may suu laɓana ka ŋguluŋ seŋu.

1 SAMUEL 17:30

Nam hinim hinni tuɗ ɓak sa daŋŋa. Nam hoŋom joɓpa olo. Suuna hoŋom dira ni kora jewra na.

1 SAMUEL 31:4

Sol di gogoo mam ma sunda ana, «Tli ŋgew maŋŋa, can kiyo, kay suu ɗiwisi ka cawiɗina mbay can asi a pananɗi.» May gogoo mam ma sunda min kaɗi kay ana nam mbuɗ ki ndaana cocoo. Na ɗaŋŋi Sol paɗ ŋgew mamma, gi tam funumu.

JEREMI 9:25

kay Egipte, kay Yuda, kay Edom, kay suu Amonna, kay Moab, kay suu vogosi ki koori suu hu fullana. Kay ana njaf suuna halaŋŋi hurusi ka ki mbuɗiɗi, suu Israelna lay ni hurusi ka ki mbuɗiɗi.

EZEKIYEL 28:10

Sa ma ŋgayna hin caŋŋi namu. Aŋ hin miɗ ni miɗ ma vi suu ɗiwisi bay cawra, na daŋ may an di na. Di ni Bu Suuna Yawe.»

JOSUWE 3:10

Agi hin wi ki ana Lona ma iirina ka dukugiya. Nam hin dikigi suu Kanaanna, suu Hetna, suu Hivna, suu Perizna, suu Girgasna, suu Amorna u suu Jebusna ha ki fokogiya.

2 DLAŊ MULINARA 32:17

Mul ma Asirina ɓii magaara ay a ŋgul Yawe Lona vi suu Israelna, di ay hu magaaa ndaɗta ana, «Loogi suu vi njaf suu daŋŋana tew ka a suɗusi suu masisina ki konɗi. Lo ma vi Ezekiyasna hin ka ndak a suɗum suu mamsina kiɗi lay.»

EZAYI 37:23

Sa ma aŋ ŋgulum coco, panamma ni gege? Aŋ oo uŋ kolo na ni eg gege? Aŋ ŋga taŋ cocora na ni eg gege? Ni eg sa ma Teteɗ ma vi suu Israelna.

DANYEL 5:23

aŋ col yara kolo eg Bu Suuna ma kolo huulonana, tlesuu hu ziimbana yowosi ki ni iriŋu, aŋ taŋga u suu ŋgolo maŋsina lay, banayaŋ boyogina u boyogi suu suunda, agi cagi sum veŋŋa hu lay. Aŋ ɦal ŋgara ni maŋ loogi doonora u lorra u walakka u kawina, guna u gogoyra suu ka wiɗi lay, ka humbi lay, ka wi dlaɗɗi layna, nam Lona ma iiri maŋga ka hu duk komma, ma dlaaŋga halaŋŋi mambana aŋ ŋgaam kaɗi.

DANYEL 6:27

An ɦal voɗta u dlara an laɗ hu mul mandara halaŋŋi suuna li ndaana u Lo ma vi Danyelna, kay nammi Lo ma iirina, nam ka ni a fafaɗta. Mul mamba hin li ni na gak gak daɓpa vi duliyara.