1 SAMUEL 16:5 - Boy Lonana

⁵ Nam hoŋ dira ana, «Gasi an mbay ni kay a li ɓivunna maŋ Yawe. Mbuɗugi tagi ki teteɗ, agi hin mbay u an hu li ma ɓivunna.» Nam mbuɗ Jese u goryom ki teteɗ yasi hu li ma ɓivunna.

1 SAMUEL 16:5 ပူးပေါင်းရင်းမြစ်များ

URA TIN AYRA 35:2

Yakob di suu vo varamma u suu tuɗ ay umma lay ana, «Cukugi loogi suu vi suu daŋŋana suu ay kogina kiyo. Lagi tagi ki teteɗ, cukugi baraw ma wilina tagiya.

1 MULINA 2:13

Adoniya ma goŋ Hagitna mbay eg Batseba, su Salomon. Ndaɗ joɓom ana, «Mbara nam mbay egeɗ na ni ɦawa ko su?» Nam hoŋoɗ dira ana, «Ҥawaa.»

1 DLAŊ MULINARA 12:18

Nam kal ay ki fokosi hin ɓakasi boyna dasi ana, «Lini agi mbay egenni u heɓpa a njununda ni an hin li ni na tok u hurun halaŋ a taɓ tan u agira may. Na may li ni a ganan yan maŋ suu babali mansinana ni, na ɗaŋŋi ko dla co li konɗi, ko Lo ma vi somoyoygina wi dla ndaɗta gaɗ iriɗ lay.»

JOB 1:5

Hu li ma luuna daɓ ki wa ni, Job yasi ay halaŋ mba li ɓivunna ki kasiya. Nam col kolo maɗii fedet li ɓivun ma ŋgalam ki ŋgalina ki kasi dew dew halaŋ kay nam ɓak tam ana, «Kala goryon li dla cora ŋgul Lona hurusi kurufu wa kala ni, an wiɗi.» Job ka li ɓivun ma namma na tew tew.

KALKIRA 19:10

Yawe di Moiz ana, «Tuɗ eg suu Israelna asi li tasi ki teteɗ karami, vinni asi mbus barawi masisina ki may.

JOEL 2:16

Tokogi suuna eg tasiya, yagi tokka teteɗta. Tokogi suu maana kay tasi may, gorzoŋina kay tasi may, kem gorira fun ponara kay tasi may. Sa vi caamba wilina hin ziimba buuna kiyo, cara fi njufna wilira hin ziiɗta buuna kiyo.

SOFONI 1:7

Seŋegi vunugi fok Bu Suuna Yawe, kay Buu ma vi Yawena mba wa tok. Yawe ka li ɓivunna, nam hin paɗ vunum ki kay suu mamsina.

NDUMBA 11:8

Suuna njay kosi ki doŋ kaana a koomba, asi mba luɗum u ɦinira may, suu daŋŋa ɗuum u zuzura may. Asi yam funa nam ti ko ndal komnjoɗi ma gam u mbulna na.

1 KORINTNA 11:28

Sana gol tam kay tamu ni nam hin ti funa u va cira.

JOSUWE 3:5

Josuwe hin di suu Israelna ana, «Lagi tagi ki teteɗ kay vini maɗii wanni Yawe hin li dlara mbuɗ mbuɗta dukugiya.»

JOSUWE 7:13

Col koloo, mbuɗ suu Israelna ki teteɗ. Aŋ dasi ana, danagiya, lagi tagi ki teteɗ kay vinda. Yawe Lo ma vi suu Israelna di ana, va ma doo ki kamma ka dukugiya agi suu Israelna. Ni agi ka ndak a col fok suu babali magisinaɗi, bay agi gi va namma ki na baɗi.

1 SAMUEL 20:26

Sol di va ka hu buu nammaɗi kay nam ɓak tam ana, «Ni dakka. Nam ka ki teteɗɗi. Ni gasi daŋ may.»