1 SAMUEL 16:13 - Boy Lonana

¹³ Samuel tli mek ma mbulna hurumma tani, hin fuurum duk gorsemma. Musuk Yawera hin mbay kay David hu buu namma. Samuel hin gi tam voɗ tuɗ Rama.

1 SAMUEL 16:13 ပူးပေါင်းရင်းမြစ်များ

2 SAMUEL 12:7

Natan di David ana, «Sa namma ni aŋu. Na ɗaŋŋi Yawe Lona vi suu Israelna ɓak anaba, anni sa ma fuuruŋ a mul ma Israelnana, anni sa ma suɗuŋ ay ki ko Solna.

2 SAMUEL 2:4

Suu vi Yudana mbaya, asi hin fuu David a mulna kay zi ma Yudana. Asi mbay di David ana, «Suu vi Yabes ma Galaadna tos Sol ni asiya.»

2 SAMUEL 23:1

Gola ni boy ma vi David ma daɓ daganna. David ma goŋ Jesena di ana, Sa ma ki kaki kolo dayna di ana, sa ma Lona vi Yakob fuurumma, ma soolla vi suu Israelna lam jivirana.

2 SAMUEL 5:3

Suu basi suu Israelna halaŋ mbay fi mulna hu Hebron. Nam mulna David hin vi galamba u asi jivira hu Hebron fok Yawe. Asi hin fuu David a mul ma Israelna na.

2 MULINA 9:6

Jehu col ay kolo tuɗ kal ki hu zira goo zoŋ ma jok vun Lona voom mbulna kam dam ana, «Yawe, Lona vi suu Israelna, di ana u fuu ndaɗta an kakaŋ a mulna kay suu vi Yawe suu Israelna.

1 DLAŊ MULINARA 11:3

Suu basi suu Israelna halaŋ mbay fi mulna hu Hebron. David lasi jivira vi galamba u asi hu Hebron fok Yawe. Asi fuu David a mul ma Israelna ko boy ma vi Yawe ma dam maŋ Samuelna na.

SOOLLA 89:20

Fok jewra aŋ ɓak suu maŋsina hu doyra, aŋ di ana, «An hin njun u suu hurusi ɦiŋŋa, An man goozoŋŋa duk suu mansina.

SOOLLA 89:21

An fi David a saan ma sunda, an mbuɗum ki teteɗ ni u mbul man ma teteɗna.

NDUMBA 11:17

An hin mbay ga ɓakaŋu, an hin tli u musukka huruŋga nde kalasira hurusiya, asi hin zii nekka vi suuna ndaɗta u aŋ may, aŋ ka hin zii nek ndaɗta u dew taŋ oloɗi.

NDUMBA 27:18

Yawe hoŋ dira maŋ Moiz ana, «Vi Josuwe ma goŋ Nunna nammi sa ma oy u Musukkana, aŋ tuɗ tin koŋ kamu.

Boy Ma Ayra Ma JAŊ Ɓiirimma 3:34

Sa Lona sunum ay na di ni boy ma vi Lonna, kayme Lona ɦam Musuk mamba cocoo.

SUNDA 13:22

Ŋgoo dagan asi hin Sol ki tani, Lona hin ɦasi David a mulna. Lona hin di kam ana an fi David goŋ Jese ni sa ma irin jivina, nam hin li dlara an dam ana nam laɗura halaŋ.

HEBRENA 1:9

Aŋ min ni dlara ɗegeera, ta cora ni aŋ noyoɗ kiyo, ni kay ndaɗta Lona, Looŋŋa, manaŋŋa, nam oyoŋ huruŋ u furira kay ɦala nam ɦaŋ li ma jivina, jivi su ma nam ɦam maŋ ndarayaŋŋana bel.»

HEBRENA 11:32

An di ni ana me ologe? A di kay gi Gedeon, Barak, Samson, Jefta, David, Samuel, u suu jok vun Lona, lina ka ndakanɗi.

SUU KAƁAKŊA 11:29

Musukka vi Yawe mbay kay Jefta, nam jak ay hu Galaad u Manase na hin jak ay hu Mispa ta Galaadta hu li namma nam kal ki hu ndaŋgara vi suu Amonna.

SUU KAƁAKŊA 13:25

Musukka vi Yawe mba kay Samsonni hu li ma nam ka hu ɦoŋzi ma Danna duk ɦoŋ gi Sora u Estaol tana.

SUU KAƁAKŊA 14:6

Musukka vi Yawe kal hurumu. Samson va ka kombi lay ni, vi dlona hawam ki duk ko suuna a haw gor ɦugunina kira na. May nam cuɗ dla ndaɗta ka maŋ gi bum u sumbi.

SUU KAƁAKŊA 3:10

Musukka vi Yawe mbay kamu. Nam kaɓakŋa kay suu Israelna. Nam tuɗ a duuna. Yawe ɦam mulna Kukan-Rikataim ay ki komu.

1 SAMUEL 1:19

Asi col kolo maɗii na feɗet goɓ kaŋga fok Yawe. Na ɗaŋŋi asi hin tuɗ vo varasi Rama. Elkana buu u caamba Ane. Yawe humum hin gam ay kaɗu.

1 SAMUEL 10:1

Samuel tli guura mbulna, voom kay yam Sol hin vam kolo hurumu. Nam di ana, «Yawe fuuruŋ ka ki a mulna kay joomma ni nambi su?

1 SAMUEL 10:6

Na ɗaŋŋi Musuk Yawera hin mba kaŋu. Aŋ Musuk Lonara hin caŋu ko asi na lay. Aŋ hin mbuɗ ki sa daŋŋa lay.

1 SAMUEL 11:6

Musuk Lonara mbay kay Sol hu li ma nam hum boy nammana, nam mbuɗ ki yara cocoo.

1 SAMUEL 16:18

Sa goo gom maa dew di ana, «An wi gasi daŋ may, goŋ Jese maa dew ma Betlehemma. Nam wi bura. Nam saɓak cocoo, sa duu ma jivina lay. Nam ɓak dlara u yalna coco lay. Nammi sa jivina lay. Yawe u namu.»

1 SAMUEL 18:12

Sol li ndaana ko David kay ana Yawe u namu, hin Sol kiyo.

1 SAMUEL 2:35

Na ɗaŋŋi an hin tli Mul ma li Ɓivun ma gasina. Nam hin li ni dlara hurun miniɗta u dlara an saaraɗta. An hin minim zira jivira. Nam hin tuɗ tew tew ni fok saan ma Lona fuurumma.