1 SAMUEL 16:1 - Boy Lonana

¹ Yawe di Samuel ana, «Aŋ hin tii kay Sol na gak gak su? An tanda noyom ki ni anu. Nam ka mul ma Israelna oloɗi. Oy mek maŋŋa u mbulna tuɗa. An sunuŋ ha vo vi Jese ma Betlehemma, kay ana an gol duk goryom wanni sa ma tinim a mulnana kaa.»

1 SAMUEL 16:1 ပူးပေါင်းရင်းမြစ်များ

1 MULINA 8:16

Col ay hu li ma an cuk suu man suu Israelna ay ki hu mbassa Egiptera day, an man ɦoŋzi ma ŋgol ka ki a asi minin zina a an hin tak tan ki irisira tuɗi. May aŋ David an manaŋ ki ni a mul ma fok suu man suu Israelna.

2 MULINA 9:1

Fali taa dew ni Elize yi goo zoŋ maa duk suu jok vun Lona dew ni dam ana, «Min taŋu, tli goo kob ma mbulna koŋ tani, tuɗ hu Ramot ta Galaadta.

2 MULINA 9:3

Aŋ tli kob ma mbul namma, voom mbulna kam di ana, Gola, Yawe di ana, an fuuruŋ u mbulna wanni a mulna kay suu Israelna. Aŋ hin mal vunna na gaw ni, pii ay ni na gaw, vi yaŋgi.»

2 MULINA 9:6

Jehu col ay kolo tuɗ kal ki hu zira goo zoŋ ma jok vun Lona voom mbulna kam dam ana, «Yawe, Lona vi suu Israelna, di ana u fuu ndaɗta an kakaŋ a mulna kay suu vi Yawe suu Israelna.

1 DLAŊ MULINARA 11:3

Suu basi suu Israelna halaŋ mbay fi mulna hu Hebron. David lasi jivira vi galamba u asi hu Hebron fok Yawe. Asi fuu David a mul ma Israelna ko boy ma vi Yawe ma dam maŋ Samuelna na.

1 DLAŊ MULINARA 28:4

Yawe, Lona vi suu Israelna, manan ki duk suu mansina halaŋ a li a mulna kay suu Israelna a fafaɗta. Kay ana nam man sa tuɗ fokosina ni Yuda, hu zi ma vi Yudana, hu ziŋ bunna, duk goryoŋ bunna, an irim jivi a kak mulna kay suu Israelna halaŋ.

EZAYI 11:1

Na may ko sari gu ma ay gana na, mul ma daŋŋa col ay hu njaf Jese.

EZAYI 11:10

Hu buu namma ni mul ma wilina col ay hu njaf David ma goŋ Jesena hin col ki fok suuna a va ma suuna wam halaŋŋa. Njaf suuna halaŋ hin halamu, daŋ may mamba hin lini bibiŋilla.

EZAYI 55:4

An tinimmi a sa ma diki maŋ njaf suuna halaŋŋa. Nammi sa ma saɓakŋa kom bay njaf suuna belna.

JEREMI 11:14

«Aŋu, tli dlaŋ suu asinara kaŋgi. Yoo taŋ kasiɗi lay, cen kasiɗi lay, kay ana hu li ma asi hin yan an hin ka humbi, hu li ma hahawra mba kasina.»

JEREMI 15:1

Yawe dan ana, lini gi Moiz u Samuel col fokon lay, an hin ka mbuɗ hurun kay suu asinaɗi. Dikisi ki fokonu, asi tuɗ kiyo.

JEREMI 6:30

Asi yasi ana, «kawi ma suuna ka minimbina,» kay ana Bu Suuna ka minisiɗi.

JEREMI 7:16

Aŋ joɓ kay suu asinaɗi, yoo taŋ kay dlasiraɗi lay, cenenɗi lay, vi taŋ funun kay dlasiraɗi, an ka humuŋgi.

ZAKARI 4:14

Nam dan ɗaŋŋi ana, «Ni suu wara suu mba' suu ŋgaɓasi ki a li sun mbulnana, suu col fok malaŋ ndaŋgarana halaŋ halaŋŋa.»

ROMMA 15:12

Ezayi di olo ana, «Sa ma hu njafna vi Jesena hin mbaa, kak mulla kay njaf suuna halaŋ, hurum namu suuna hin mba juɓum u heɓpa.»

HEBRENA 11:32

An di ni ana me ologe? A di kay gi Gedeon, Barak, Samson, Jefta, David, Samuel, u suu jok vun Lona, lina ka ndakanɗi.

1 JAŊ 5:16

Lini sana wi wayamma a li cora, lini ka cora tuɗum fun miɗnaɗi, nam cenna, Lona hin ɦal iirira maŋ wayamma namma, va namma ni kay suu cora ka tuɗusi fun miɗnaɗina doy hol. May ni cora tuɗum fun miɗnara kaa, an joɓ ka ana agi cen Lona kay co ndaɗta naɗi.

1 SAMUEL 10:1

Samuel tli guura mbulna, voom kay yam Sol hin vam kolo hurumu. Nam di ana, «Yawe fuuruŋ ka ki a mulna kay joomma ni nambi su?

1 SAMUEL 15:11

«An hom kay dlara an mbuɗ Sol ki mulnara kay ana nam noyon ki, van boy manna ka kambi.» Samuel hahawra vamu, nam yi Yawe kolo u delem eŋga njeŋgee.

1 SAMUEL 15:23

Na may yara lira ŋgol su kaboy ma kaamma, ciwayra su kumu ma vamma kay ana aŋ noy boy ma vi Yawena kiyo. Nam noyoŋ ki may, aŋ ka mul oloɗi.»

1 SAMUEL 15:26

Samuel di Sol ana, «An ka hoŋ u aŋgi kay ana aŋ noy boy ma vi Yawena kiyo, Yawe hin noyoŋ ki may, aŋ ka mul ma Israelna oloɗi.»

1 SAMUEL 15:35

Samuel wi Sol ka oloɗi ta ta hu buurum ma miɗna. Ni ana Samuel tii kay Sol kay ana Yawe tii tam kay tinda nam tin Sol a mulna kay Israella.

1 SAMUEL 16:15

Suu li sunda vi Solna dam ana, «Gola ŋgussa cora col ay eg Lona hin lasaŋu.

1 SAMUEL 16:23

Na ɗaŋŋi hu li ma ŋgussa vi Lona mba kay Sol wa lasamu ni, David tli diŋŋa buumu. Na ɗaŋŋi Sol hin ɗigilla, hin mbuɗ mariyaɗ, ŋgussa co ndaɗta hin hinimu.

1 SAMUEL 17:12

David ni goŋ sa ma Efrata ta Betlehem hu Yudara yam ana Jese, goryom kalavandi. Hu cokira vi Solla sa namma ki maari. Nam ɦal suuna a duuna.

1 SAMUEL 9:16

«Vin faɗta ko wanda na an hin sunuŋ sana ay dew hu mbassa vi Benjaminda aŋ hin fuurum ki ko ndal mulnana maŋ suu man suu Israelna. Nam hin suɗ suu mansina ay ki ko suu Filistinna. Ni kay ana an wi suu mansina, tii masina tew ta ta egenu.»