1 SAMUEL 14:38 - Boy Lonana

³⁸ Sol di ana, «Ҥuɗugi ay tani agi halaŋ, muli suu vi suunana. Wagi dla mayra sulukŋa laɗ karamba ɗaŋ.

1 SAMUEL 14:38 ပူးပေါင်းရင်းမြစ်များ

2 SAMUEL 18:3

Suuna di ana, «Aŋ ka kal kiɗi. Lini gasi daŋ may aygi liŋ wa ni, sa hin ka saa kaygiɗi. Lini nus suu dukuygina miɗ ki lay ni sa hin ka saa kaygiɗi, cecem wanda ni kay suu 10,000 ko aygi nana. A jivira ɗaŋŋi aŋ hal yal ma njunumi ay hu ɦoŋzina dayna.»

SOOLLA 47:9

Lona ti mulla kay njaf suuna halaŋ, Lona kak kay dlam mamba teteɗta.

ZAKARI 10:4

Ҥinira tini keŋ zirara hin kal ay ki hu Yuda, gu ma pii hu mbutluɓmana, gu mburura duuna, mulina halaŋ hin kal ay ki egemu.

NDUMBA 24:17

An wiya, na may ni ka kay cecemira tuɗi. An saarasiya na may asi ka egen tokgi. Ay vi Yakob ciw velna day ki kolo wa. Vi Israel tokolora mulla tli ki kolo wa. Ndaɗ bulum lina vi Moab kiyo, hin ci goryoŋ Setna kiyo.

MATIYE 21:42

Yesu dasi ɗaŋ ana, «Agi bay ndumugi va ma ɓiirina tu su? Ma di ana, Ҥinira suu min goŋga noyoɗ ki kaŋgara, hin mbuɗ a jiv goŋga ki ni ndaɗu. Gola ni dlara Bu Suuna laɗta, aygi goloɗ na ni, ndaɗ su ki kaygi cocoo.»

EFESNA 2:20

Agi ni suu mini kolo kay u zira suu vovoɗta u suu jok vun Lona tiniɗta, ɦini mayra garaŋga col zira eŋga ni Yesu u tamba gaw.

JOSUWE 7:11

Suu Israelna li sulukŋa ni asiya. Na daŋ may asi ɓalakan galam manda kiyo, galamba an ɓiirisira a ŋgal Yerikora halaŋ. Na may asi yow tlesuu an dagi ana sa ŋgen kom egesiɗina aya. Asi kul ay lay. Ŋgay tle asina ka kosi voo.

JOSUWE 7:12

Kay ndaɗta suu Israelna ka ndak a col fok suu babali masisinaɗi. Asi mbuɗ ŋgorsi ay fok suu babali masisina. Asi mbuɗ ki ni ko tlesuu doo ki kasina na kay asi ŋgen tlesuu doo ki kasina. Lini agi ka cuk tlesuu ki doori asina kiɗi ni, an ka li u agi oloɗi.

SUU KAƁAKŊA 20:2

Muli suu ŋgolo suu fok suunana, dee suu Israelna halaŋ, tok tasi ha hu tokka vi suu vi Lonana, suu wi yal duuna ɦayna na 400.000.