1 SAMUEL 13:6 - Boy Lonana

⁶ Suu Israelna wi ana asi ki baaya kay ana suuna ɦeɓesi ki na tok. Suuna ŋgay tasi hu zul gogoyra, hu zulla u ɦinira, u goloŋga.

1 SAMUEL 13:6 ပူးပေါင်းရင်းမြစ်များ

2 SAMUEL 24:14

David di Gad ana, «Anni hu hahawra ŋgolla. Cukuy tay ni hu duk ko Yawe na ɗow, kay ana oo mamba ŋgol cocoo, na may ka an ndi hu duk ko suunaɗi.»

EZAYI 42:22

Gola suu asina ni suu asi ɦurumusi tlegeyesi ay kina, yowosi tasira ay ki lay. Asi cukusi ki ni hu zulla, hu zi ma daŋgayna, asi mbuɗ ni ko tlesuu suu duuna ɦurumusi ay fun duuna na. Sa ma suɗusi ki kaɗi, sa ma di kasi ana, ɦansina aya, kaɗi lay.

JEREMI 41:9

Zul mayra Ismael cuk maɗ suu nam casi kina huruɗta ni zulla ŋgolla mulna Aza gaɗ hu li ma Baesa ma Israelna duu u namba. Ismael, ma goŋ Netaniyana, oyoɗ ki u maɗ suuna.

EZEKIYEL 33:27

Aŋ tuɗ dasi ana, Bu Suuna, Yawe, di ay ana, an suu tan u iiri manda, suu may suu ka vo ɦoŋzinana suu duuna hin casi kiyo. Suu ha ki ŋgoo bagina an hin cukusi vabakgina kasi vasi ki may. Suu ka ki ŋgay hu ŋgil goyra u huɗugumbana tuguɗi bora hin casi ki may.

FILIPINA 1:23

An gol tan ko irin ɓorowi duk mba' na, an saa kay a hin iirira wanda kay a tuɗ kak eg Kristu ni mayra an hin miniɗta.

HEBRENA 11:38

Suu hu duliyara halaŋ ka ndaki kay suu asinaɗi. Asi viɗ ki ŋgoo bagi lay, kay ɦinira lay, asi buu ni hu zul ŋgolla, ga hu zul ndaŋgara lay.

JOSUWE 8:20

Suu Aina gol irisi dagan na ni, ndoos ku zina ki kolo ni na ɗew ɗew gaw. Josuwe u suu Israelna wi ndoos ku zina col kolo wa may ni asi wi ana suu ay baari gana ndug zina wa, cuk kura hu ɦoŋzina wa.

SUU KAƁAKŊA 10:9

Goryoŋ Amonna calaɗ lum ma Yurdanna ay ki a mba duu u suu vi Yudana, vi Benjaminna u suu vi Efrayimma. Suu Israelna gijaŋ yoo tasi cocoo.

SUU KAƁAKŊA 20:41

Suu Israelna lasi ni mbeleŋ ma dikisina. Suu vi Benjaminna ndi ga fokosi wa kay asi wi ki ana ɓaraŋga hoŋŋi kasiya.

SUU KAƁAKŊA 6:2

Suu Madiyanna las suu Israelna saɓak cocoo. Ko ndaa suu Madiyanna ni suu Israelna mbee kolo kay ɦinira tuɗ ŋgay tasi ki hu zul ɦinira. Ŋgay ki hu li ma zuzulna a suɗ tasira.

1 SAMUEL 13:15

Samuel gi tam hu voɗta, tuɗ Gilgal hu Gibea ta vi Benjaminda. Sol tok suu u namma egemu. Asi halaŋŋi kis kis karkiya.

1 SAMUEL 14:11

Asi hin tasi suu Filistinna wasi ki u dlasira mbara. Suu Filistinna di ana, «Gola suu Hebrena sel ay ki hu zulla asi ŋgay tasi ay ki hura ɗaŋ.»

1 SAMUEL 14:22

Suu Israel suu ŋgay tasi ay ki kay ɦinira Efrayimba hum ana suu Filistinna njay ki wa ni, min tasi ay a duuna may.

1 SAMUEL 23:19

Suu hu Ziffana tuɗ eg Sol hu Gibea. Asi dam ana, «David ŋgay tam ka ni varami kay ɦinira Horesaɗi su? Kay ɦinira Hakilara ta ka ii ko ma mbayawna na hu fullaraɗi su?

1 SAMUEL 24:3

Sol yow suu saɓakŋa duk suu Israelna halaŋ buɓ buɓ hindi tuɗ a hal David u suu mamsina ha eg ɦinira Buketinda.

1 SAMUEL 31:7

Wi ana suu Israelna njay ki wa may, Sol u goryom miɗ ki wa may ni, suu Israel suu ha ki hu ɦuɗugumba ii ko hiŋŋana u suu ha ki hu ii lumma Yurdanna hiŋŋa na hin ɦoŋzi masina, yow liŋŋa. Suu Filistinna mbay kak ki hu liisina.

1 SAMUEL 7:7

Suu Filistinna hum ana goryoŋ Israelna tok tasi hu Mispa ni muli suu Filistinna yow kolo eg suu Israelna. Goryoŋ Israelna hum na ni asi li ndaana ko suu Filistinna.