1 SAMUEL 12:9 - Boy Lonana

⁹ Na lay ni asi hin maa Yawe Loosina kiyo. Nam may ni hin gususi ha ki maŋ Sisera, ŋgol asgaa ma vi Hasorna, maŋ suu Filistinna, maŋ mul ma Moabma, suu li duuna u asina.

1 SAMUEL 12:9 ပူးပေါင်းရင်းမြစ်များ

SUU KAƁAKŊA 13:1

Suu Israelna gijaŋ li dlara ka ii Yawe jiviɗira olo. Yawe hinisi hu duk ko suu Filistinna basara dok-fiɗi.

SUU KAƁAKŊA 10:7

Huu Yawe ɓeŋ ki eg suu Israelna. Nam gususi ki ko suu Filistinna u goryoŋ Amonna.

SUU KAƁAKŊA 4:2

Yawe ɦasi ki ko Yabin, mul ma Kanaanna. Nam ay kaki mulla ni hu zi ma Hasorna. Saam ma ŋgol asgaana ni Sisera. Nam ay ki cuki ni hu Haroset-Goim.

SUU KAƁAKŊA 3:12

Suu Israelna hoŋ li dlara ka ii Yawe jiviɗira olo. Yawe ɦal saɓakŋa ay maŋ Eglon, mul ma Moabma, kasiya. Kay ana asi li ni dlara ka ii Yawe jiviɗira.

GA 8ATAMBARA 32:18

Ҥini may ma vuɗugina agi ka golom jiviɗi. Agi maa ki kay Lona ma cukugi ga kay ndaŋgarana.

JEREMI 2:32

Go tamara ndak maa tlesuu humuɗna ki su? Goora ki ɗumira ndak maa baraw maɗna ki su? Na may asi suu mansina maaran ki day day buuna bolow cocoo.

EZAYI 63:10

Asi ay may ni ka hum u dlara nam daɗtaɗi, asi mbuɗum Musuk mamba teteɗta yoora. Kay ndaɗta nam mbuɗ hurumu, mbuɗ ay a sa ma duurusina nam duu ay u asi ni namu.

SOOLLA 106:21

Humusi maa ki kay Lona ma suɗusina, ma li dlara mbuɗ mbuɗta ŋgolora ay hu Egiptena,

SUU KAƁAKŊA 3:31

Hu li ma Ehud miɗ kina, sa ma varakamma ni Samgar, ma goŋ Anatna. Nam ci suu Filistinna suu njufiina na kis kis karkiya. Casi ni u njewɗekka dik u mbutlina ɦawaa. Nammi sa ma suɗ suu Israelna kina may.

SUU KAƁAKŊA 2:14

Yawe hurum ɓeŋ ki egesiya. Nam hinisi ki ko suu ɦurum tlena vi suuna asi ɦurumusi kiyo. Nam gususi ha ki ko suu babali masisina suu ŋguy kasina. Saɓakasi ma col eŋ fok suu babali masisina ka oloɗi.

GA 8ATAMBARA 32:30

Sa ma dewna hin su kay suu buɓma ni nanage? Suu mba' daŋŋa hin su kay suu buɓ buɓ doogona ni ana mege? Ni tak ki ana Ҥini masina gususi ki ni namu, ɦasi ki ni Yawe u tamba naɗi su?

1 SAMUEL 12:15

Na may lini agi humugi vun Yawe kaɗi, lini agi li yara u gaɗta vi Yawera ni ko Yawe hin vagi lay, vi somoyogi lay.

2 SAMUEL 7:11

Ko ndal hu buu ma jew ana an tin suu kaɓakŋa kay suu man suu Israelnana na. An ɦaŋ koɗ tara u ɦuɗta ɦuɗ suu babalira ha ki halaŋga. Yawe daŋ ana, Yawe hin miniŋ zira.