1 SAMUEL 12:3 - Boy Lonana

³ An wanni tokogi ɓak magi ma egenna fok Yawe, fok sa Lona fuurumma. Sa an vam mbutl mammana ni gege? Sa an vam korro mambana ni gege? Sa an lam irim u bege mambana ni gege? Sa an doorom ki kay tlegyenmma ni gege? Sa an tlam gursura kom balna ta ni hin duk irin ki kamma ni gege? An hin hoŋogira kiyo.»

1 SAMUEL 12:3 ပူးပေါင်းရင်းမြစ်များ

2 SAMUEL 22:22

Kay ana an tuɗ hu voɗta vi Yawera, an mbuɗ tan ka ki co ii Loonnaɗi.

NEHEMI 5:11

Agi hoŋosi sene masina u gugutlu masira, ŋgusu cono masira u ziisi ki karam gaw u gursuna, wa blena, sum veŋ ma wilina u mbulna suu agi ɦasisina kasi balnana.»

SOOLLA 15:5

Nam ka ndi gursu mamba ki u mboɗi. Nam ka vi gursu ko sa a mbuɗ ɓak ma vi sa ma ɗegeena ki coɗi. Sa ma li nana ka ndi ki ga hu dlaɗi.

KALKIRA 20:17

«Aŋ ŋgiziɗ ziŋ ndaraŋŋanaɗi. Aŋ ŋgiziɗ caŋ ndaraŋŋaraɗi, ŋgiziɗim saam ma li sunda varammaɗi lay, goora li sunda varambaɗi lay, mbutl mammaɗi lay, korro mambaɗi lay, tlesuu varamma halaŋ maa na nde lay, aŋ ŋgenembi.»

KALKIRA 22:4

Lini sana taa yoori mamsina hu sene mamma wana, ɗowba sene gugutlura, nam hinisi a cuk duk senena vi sa ma daŋ wa ni, nam warak sa namma ki ni u sene mam ma jivi cocona.

KALKIRA 23:8

Aŋ vi va ko sa a gus ɓakŋaɗi, kay tlesuu ɦal nana ɓeŋ ɓak ma jivina kiyo, mbuɗ boy ma vi sa ma mamma ɗegeena ki coo.

VUN ŊGOLNA 15:27

Sa ma godlom gursura cocona mbaa ni dla cora kay suu mamsina. Sa ma ka hin tam a sa gusum ki u bege ɦawaɗina hin furi may.

DLAŊ LEVIRA 6:4

Ŋgoo dagan nam fok baraw namma ki cuk ma daŋŋa egemu, yow but ma u mbulna namma cukum ha ki doŋ kaana hu li ma teteɗna.

DLAŊ LEVIRA 6:5

Kura hu givin ma togolla ka teweɗ kiɗi, ŋgal ha ni na gak gak, maɗiira tew tew ni mul ma li ɓivunna min vun kura koloo, koloo. Gi ɓivun ma ŋgalam ki ŋgalina kay kura. Ŋgal tliw ma mbulna kay kura ni ɓivun ma heɓpa.

NDUMBA 16:15

Moiz hurum ɓeŋ ki cocoo, nam di Yawe ana, «Vasi ɓivun masinaɗi, an lasi dla co ka egesi na ndeɗi, koro masi ta dew lay an vi kaɗi.»

MATIYE 22:21

Asi hoŋom dira ana, «Ni Sesar.» Yesu dasi ana, «Vaŋ Sesarna ɦam maŋ Sesar, vaŋ Lonna aŋ ɦam maŋ Lona may.»

Boy Ma Ayra Ma LUK Ɓiirimma 19:8

Nam Zake col kolo di maŋ Yesu ana, «Aŋ hum haa, Mala Haɗta. An ɓorow tlegeyen ki duk gaya gaya, suu hiŋŋa an ɦasi ki maŋ suu hawra. Sa ma an lam irim u gursu mambana, an hoŋom na ga ga fiɗi.»

SUNDA 20:33

An hal gursura doonora u lorra ay ka ko saɗi, baraw ma cuk tanɗi lay.

2 KORINTNA 12:14

An hin tok a tuɗ ha varagi a yanda hindira an hin ka a loɓogi tagiɗi, an minigi ni tagira ka ni gursu maginaɗi, kemba ka tok gursura maŋ somoyosi ni asi na ɗowɗi, somoyosi tokosi gursura ni asina na ɗow.

GA 8ATAMBARA 16:19

Aŋ baa yam gasira ki gaɗi, aŋ ka ɓorow ii suunaɗi, aŋ ka vi ŋgomba suuna ŋgomoŋgaɗi, kay ŋgomba duk ii sa ma wi gasira kiyo, ɓalak boy ma vi sa ma mamma ɗegeena ki lay.

1 TESALONIKŊA 2:10

Agi ni suu diki kamina, Lona lay ami poy dukugi ni poyra teteɗta u ɗegeera bay cora egegi agi suu vina.

1 TESALONIKŊA 2:5

Agi wi lay ami ɓakŋi ka boy ma mbaɗ ii sa ɦawaɗi, ni ka boy ma hal bege ko saɗi lay, Lona wiya.

1 PIYER 5:2

Gologi jiviya, ko agi suu gol yoori suu Lona ɦagisinana na. Golosi u huu ma jivina ko Lona minda na. Ka ko ɦeɓegi ni ɦeɓi naɗi ni kay a faɗ kini vun sun magira, ka kay warakŋa vi gursuraɗi, ni kay minda vi huuna.

1 SAMUEL 10:1

Samuel tli guura mbulna, voom kay yam Sol hin vam kolo hurumu. Nam di ana, «Yawe fuuruŋ ka ki a mulna kay joomma ni nambi su?

1 SAMUEL 12:4

Asi di ana, «Aŋ lami irimi ka kay vaamiɗi. Aŋ lasami kaɗi. Aŋ tli bal gursu ka ko saɗi lay.»

1 SAMUEL 12:5

Nam dasi ana, «Yawe ni sa hin kaagi ɓakŋa kagi kanna, saam ma ni sa hin diki kan ana hu buu namma ni agi fan va ka konɗi.» Asi hoŋ dira ana, «Nammi sa hin dikina.»

1 SAMUEL 2:35

Na ɗaŋŋi an hin tli Mul ma li Ɓivun ma gasina. Nam hin li ni dlara hurun miniɗta u dlara an saaraɗta. An hin minim zira jivira. Nam hin tuɗ tew tew ni fok saan ma Lona fuurumma.

1 SAMUEL 24:11

Aŋ wi dla ndaɗta ki karam u iriŋ wa ɗaŋ. Yawe ɦaŋ ki kon karam hu zul ɦinira wa. Asi ɓak ana caŋ kiyo. An waŋ hahawaŋ di ana, an ka li dla cora eg malannaɗi kay ana nammi sa Yawe fuurumma.

1 SAMUEL 24:6

Na may ŋgoo dagan wanni David vun dikim ɓikim kay ŋgaɗta nam ŋgaɗ vun koɓoɗta vi Solla kira.

1 SAMUEL 24:7

Nam di suu mamsina ana, «Ko Yawe lan dla cora egenu lini an li dla cora eg malanna sa Yawe fuurummana. An ka lam dla co egembi, kay ana nammi sa Yawe fuurumma.»

1 SAMUEL 26:11

Ko Yawe lan dla cora egenu lini an tin kon eg sa ma Yawe fuurumma. Tli saɓ mayra kaŋga u yamba u guura yona huruɗta, tuɗuy may ɗaŋ.»

1 SAMUEL 26:9

David di Abisay ana, «Cam kiɗi. Sa ma hin tin kom eg sa Yawe fuurumma, sa hin ka gam daŋgayɗina ni gege?»