1 SAMUEL 12:22 - Boy Lonana

²² Na daŋ may Yawe ka hin suu mamsina kiɗi kay sem ma ŋgolna. Yawe may ni min a mbuɗugi ki suu mamsina.

1 SAMUEL 12:22 ပူးပေါင်းရင်းမြစ်များ

1 MULINA 6:13

An hin mbay kak hu zi ndaɗta duk suu Israelna. An hin ka noy suu Israelna kiɗi. Asi ni suu mansina.»

1 MULINA 8:57

Cemi wanda, an joɓ Yawe, Looygina ko nam li u aygi ko ndal nam li ay u somoyoygira na may. Ko nam noyoygi kiɗi, ko nam hin njunda njun kaygiraɗi.

2 MULINA 14:27

Yawe di ka ana nam a bulum sem suu Israelna ki kay ndaŋgara naɗi. Kay ndaɗta nam suɗusi ki u saɓak Jeroboam ma goŋ Joasna.

2 MULINA 21:14

An hin noy u suu man suu hin ndena kiyo. An hin ɦasi ki ko suu babali masisina. Asi hin ki ni a tlesuu ɦurumusi ay ki fun duunana.

1 DLAŊ MULINARA 28:9

«Aŋ taŋga, goronna, Salomon, wi Lo ma vi buŋŋa kiyo, lam sunda u huruŋ ma dewna u musukuŋ toki dew, kay ana Yawe wi huuna, wi saara huu sanara halaŋ lay. Lini aŋ halamu ni aŋ hin famu, lini aŋ noyom kiyo ni, nam hin noyoŋ ki a fafaɗta.

2 DLAŊ MULINARA 15:2

Nam kal ki tuɗ fi Aza dam ana, «Mulna Aza, agi suu Yudana u njaf suu vi Benjaminna halaŋ, humungi vunun haa. Yawe ka u agi ni hu li ma agi ka u nam mayna. Lini agi halamu ni nam hin tak tam irigiya. Lini agi noyom ki wa ni, nam noyogi ki may.

NEHEMI 9:17

Asi min ka humbi. Humusi gasi ka kay dlara mbuɗ mbuɗ ta aŋ laɗ egesiraɗi. Asi tin saarasi ni a hoŋ hu liisi ma mbaɓura. May aŋ taŋga, aŋŋi Lo ma ɦal heɓpa, jekjeke lay, oo coco lay, ka ɓeŋ huruŋ zakgi lay, ɗegee coco lay, aŋ noyosi ka kiɗi.

SOOLLA 106:8

Nam suɗusi ki ni kay nam vi vunum ki ana nam min suɗusi kiyora ni kay a tak ki ni ŋgol mamba.

SOOLLA 94:14

Kay Yawe ka hin suu mamsina kiɗi, nam ka hin mbas mamba kiɗi.

KALKIRA 32:12

Ni suu Egiptena hin di ana, nam cukusi ha ki ni u hurum ma cona, ni a casi ha ki ŋgoo bagi u ɦinira ɦawaa, ni a bulumusi ki kay ndaŋgarara ɦawaa. Cuk huruŋ gaa, li va ma co eg suu maŋsinaɗi.

EZAYI 37:35

An hin njun kay ɦoŋzi namma suɗum kiyo, ni u min manda ni kay saan ma sunda David.»

EZAYI 41:17

Suu wihawra u suu ka ndakiɗina hal yona ni ka fambi. Ҥorosi ki sooy ko laa mbora. An Yawe an hin humusi cen masira, an Lo ma vi suu Israelna an ka hinisi kiɗi.

EZAYI 42:16

An hin tuɗ suu dugina hu voɗta asi ka waɗɗira, tinisi irisi hu voɗta asi ka waɗɗira tuɗ u asiya. Ndufunda fokosira an mbuɗuɗ ki kiɗikka. Voɗta gunira ɗoɓoɗ ki may. Dla ndaɗta an hin laɗu, ka hiniɗɗi.

EZAYI 43:25

Anu, an bulumugi coogira ki wa, an ka saa kay suluk magina oloɗi.

EZAYI 43:7

Suu may suu yan u senna halaŋ, an lasi ni kay a asi ŋgaan senda.

EZAYI 48:11

An li dla ndaɗta ni u min manda daŋ may. An ka min a sa panan senɗi, an ka ɦal ŋgol manda ki maŋ saɗi lay.

EZAYI 49:15

Cara ndak a maa goroɗ ma ci pona ki su? Huruɗ ka haɗ kay goroɗ ma huruɗnaɗi su? Lini cara maa ki kay goroɗ lay ni, an may ni humun ka maa kaŋgi.

EZAYI 63:8

Nam di ana, «Gasi asi ni suu mansina daŋ may. Asi ni goryon suu ka mbaɗanɗina.» Nammi a sa ma suɗusi kina may.

JEREMI 14:21

U seŋ ma saɓakŋa ɦayna, aŋ noyomi kiɗi. Mbuɗ saɓak mul maŋga ki maŋiɗi. Hin galamba li dukuygiya. Aŋ ɓeŋeɗ kiɗi.

JEREMI 14:7

Lini suluk mamina ka kaami ɓakŋa kamiya, kay seŋ aŋ Yawe a fi ŋgara ni aŋ li ko aŋ minda na. Gasi ami ka bay hin tinda tin vunumi kaŋga ki tuwa, ami ki suluk fokoŋu.

JEREMI 14:9

Ni kay me aŋ mbuɗ taŋ ki ko sa ma mbuɗ ki ndaana na, ko ndal sa duuna ka ndak a suɗ sa oloɗira na ni nanage? Doliɗi ni aŋ Yawe ka dukumiya. Ami humuŋ seŋ ki lay. Aŋ hinimi kiɗi.

YOORA 5:20

Ni kay me aŋ hin maarami ki a fafaɗta ni ge, aŋ hin noyomi ki na ta ta daɓ buuna ki u ndaɗta su?

EZEKIYEL 20:14

Na may ni an hin li ka naɗi, ni kay sen anu, kay ana asi ka mbuɗ ki lalas ii njaf suu ɦawana suu an cukusi ay ki dukusi wannaɗi.

EZEKIYEL 20:9

Na may an hin li ka naɗi ni kay sen anu. Kay ana asi ka mbuɗ ki lalas ii njaf suu ɦawana suu asi cuki dukusi wannaɗi. An tak tan ki irisiya, ki duk njaf suu daŋŋa halaŋ. An cukusi ay ki hu mbassa Egiptera.

MALASI 1:2

Yawe di ana, «An minigiya,» agi hin hoŋom dira ana, «Aŋ minimi ni u mege?» Yawe di ana, «Ezaw ka ni wayaŋ Yakobmaɗi su? An hin min Yakob nige,

MATIYE 11:26

Na daŋ may, Bunu aŋ min ni na.

Boy Ma Ayra Ma JAŊ Ɓiirimma 15:16

Agi ŋgaɓan ka agiɗi, an ŋgaɓagi ni an ɗow. An cukugi ha ni ana agi tuɗ vuɗ vuɗta jivira ta ka daɓ kiɗira. Na ni, Bun hin ɦagi va ma agi hin joɓom u senna halaŋ.

ROMMA 11:1

An joɓa, Lona noy suu mamma ki su? Ka noyosi kiɗi, kay an ni sa ma Israelna hu njafna vi Abraham duk suu deera vi Benjaminna.

ROMMA 11:29

Lona ka hoŋ tli va ma nam ɦam kinaɗi, nam ka hoŋ vunum dagan kay suu nam yasinaɗi lay.

1 KORINTNA 4:7

Sa ma tiniŋ a ŋgolla kay ndarayaŋŋa ni gege? Tlesuu koŋŋa halaŋ Lona ɦaŋsina ni ka nambi su? Aŋ ŋga taŋ kay tlesuu koŋŋa ko aŋ fasi ka ɦawaɗira na ni nana ge?

EFESNA 1:12

Geleɗeygi ŋgolla vi Lona, aygi suu tin huruygi jew kay Kristuna.

EFESNA 1:6

Geleɗeygi Lona kay ŋgolla vi oo mamba ta nam ɦaygira hu gorom ma nam minimma.

GA 8ATAMBARA 14:2

Kay agi ni suu may suu ki tini zeɗ maŋ Yawe Looginana. Agi ni suu Yawe managi ki mam a suu mamsina kay tamma, duk njaf suu kay ndaŋgarana halaŋ halaŋ.

GA 8ATAMBARA 31:17

Li wa na ni yaanda hin puk kasi hu buu namma, an hin noyosi kiyo, hin ŋgay tan ki irisiya. Yoora u hahawra ŋgolla hin fasiya, asi hin di hu buu namma ana, dlara hahawra fami ko ndaɗta na ni kay Loomina ka u ami oloɗira.

GA 8ATAMBARA 31:6

Lagi ndaaɗi, soogi ugi kiyo, ɓik vun dikigiɗi, dlakagi ndaa fokosiɗi. Kay Yawe Loogina ka tuɗ fokogiya, nam ka hinigi kiɗi, ka noyogi kiɗi lay.»

GA 8ATAMBARA 31:8

Yawe hin tuɗ ha fokoŋu. Nammi sa ma ka u aŋ tew tewna. Nam ka hiniŋ kiɗi, ka noyoŋ kiɗi lay. Li ndaaɗi, hin taŋ a sa caŋgi.»

GA 8ATAMBARA 7:6

Kay agi suu hin tagi ki maŋ Yawe Looginana. Yawe, Loogina managi ki ni namu, a mbuɗugi ki suu mam suu kay tamma duk njaf suu kay ndaŋgarna halaŋ.

GA 8ATAMBARA 9:5

Ni ka ana agi ni suu ɗegeena, ni suu hurugi jivina agi cuk hu mbas ndaɗta ni na ka naɗi. A gasira ni suu asina li coo, kay ndaɗta Yawe Loogina dikisi ki ni na. Nam li na ni a li ki ni u vi vun ma vi Yawe ma nam vam u somoyogina, u Abraham u Isaak u Yakob.

FILIPINA 1:6

An wi kan jivi ana Lona ma gijaŋ sunda jivira ay u agi dayna, hin tuɗ fok u agi gak gak a daɓaɗ ki hu buu ma vi Yesu Kristuna.

HEBRENA 13:5

Hin saara vi begera a su kagiɗi, furiyugi u va ma ka kogina, kay Lona di ana «An ka hiniŋ kiɗi, ka noyoŋ kiɗi lay.»

JOSUWE 7:9

Suu Kanaanna u suu cuki hu mbas ndaɗta halaŋ hum boy namma na ni, asi hin tokŋi kami bel bel. Asi hin bulumumi semi ki hu mbas ndaɗta, ɦa ni aŋ hin saa kay seŋ ma ŋgol coco wanna ni ana mege?»

1 PIYER 2:9

Agi ni njaf ma manam kina, suu li ɓivunna vi mul ŋgolna, deera teteɗta, suu vi Lonna. Managi ay kini a di ki kay sunda jivira vi Lona, taɗagi ay ki hu ndufunda a mbaaragi ki hu kiɗik mamba jivira.