1 SAMUEL 12:21 - Boy Lonana

²¹ Ҥuɗugi tagi kiɗi, ni agi hin tuɗ ki ni u tlesuu bay usina. Suu sunusi kaɗina lay. Suu ka buɗ sa kiɗi lay kay ana asi ni dlara ɦawara.

1 SAMUEL 12:21 ပူးပေါင်းရင်းမြစ်များ

2 MULINA 17:15

Asi noyom gaɗ mamba kiyo, noy galamba nam vaɗ ay u somoyosira ki lay. Gaɗta nam gasi humusi kaɗta, asi zaŋ irisi ni eg dlara uɗ kaɗira. Asi li ni ko njaf suu daŋ suu ŋguyusi wanna na. Doli ɗini Yawe neesi ki ana ka asi li ko suu asina naɗi.

EZAYI 41:29

Gola asi halaŋ ki ni ɦawaa, sun masira ki ni ɦawa lay. Tlegeyesi suu asi goɓosina ki ni semeɗna ɦawaa.

EZAYI 45:20

Agi njaf suu warna suu hin iirina, tokogi aya, ko tagi dew ɦuɗugi ay egenu. Suu goɓ fuli gugunina, suu cen lo may ma ka suɗ saɗina, suu asina ki ni ɦawaa, yasi kaɗi.

EZAYI 46:7

Asi tasira hin ziirim kelesi ni asi tok lay. Asi tinim hu li ma nam koɗ tamma ni asi lay. Nam hin sami ni hu li ma dewna ka jok umbi lay. Sana yam kolo lay ni nam ka humbi lay. Nam ka suɗ sa hu hahaw mambaɗi lay.

JEREMI 10:15

Ni dlara bay uɗta, ni tlesuu luuna hu buu ma kaɓakŋa ni asi hin miɗ kiyo.

JEREMI 10:8

Asi halaŋ, sa hin ka ki dewɗi, ganyam tasiya, viɗ tasi ki lay. Haɗasi ki u dlara bay uɗta asi hin ba ni huwa.

JEREMI 14:22

Duk fuli suu cona na ni, suu ndak a mba yo Lona ay kaŋgana ka su? Yona col sira ay ni kolo huulonaɗi su? Ka ni aŋ, Yawe, Loominaɗi su? Ami ka juɓuŋu kay ana aŋŋi sa li tle asinanaɗi su?

JEREMI 16:19

Yawe, saɓak manna u ŋgusu ma kanna, liin ma ŋgayra hu li ma wihawra. Suuna hin mbay ni egeŋu, suu ay keŋ ndaŋgara day dayna hin di ana, va ma somoyomi fam hu ɓorowna na ni dla cora kaboyna. Dlara ganyamba sa ka li sun u ndaɗɗira.

JEREMI 2:13

Gasi, suu mansina li dla cora yasi ni mba'. Asi noyon an mbo ma iirina kiyo, asi min zul mbona, zul mbo ma ki cooyna, ka vi mbo kolo huruɗɗi.

JEREMI 2:5

Yawe ɓak anaba, dla cora somoyogi fanda egenda ni tarage a asi ɦuɗ tasi ki egen day nige? Asi liŋŋi u dlara uɗ kaɗira. Gola asi bulum ki cemmi ni ko va kaɗira na.

JONAS 2:8

Musukun hinni tok a kal kira, humun ganu, an di ana, Yawe, cen manda tew ay ta ta egeŋu, tew ta ta hu ziiŋga teteɗta.

JONAS 2:9

Suu goɓ loogi suu hawana, ɦuɗusi ha ki egeŋ day.

HABAKUK 2:18

Foto mbutl ma sa ceɗ guna ceɗemma jivi mamba ni mege, ɗowba ma yoorom yoorina kay haɗ dla corana, li ni sa ceɗ gu nammana ɦal tam ki mamu a li fuli suu ndumuna.

SUNDA 14:15

«Banayamina agi lagi na ni mege, ami ni suuna ɦawa ko agi na may, ami mba dagi Boy ma Ayra a agi hinigi fuli suu asina kiyo, mbuɗugi irigi eg Lona ma iirina na ɗow. Ma li huulona li ndaŋgara li lum ŋgolna u tlesuu hurumma halaŋ.

1 KORINTNA 8:4

Boy ma namma, ni anaba, Tliw ma ɓivunna maŋ fulina na ndak a komom su? Agi wi ana hu duliyara tani ful kaɗi, Lona ka dew daŋŋi namu.

GA 8ATAMBARA 11:16

Gologi tagi jiviya hin hurugi a mbuɗ a viɗigi ii tagiɗi, a mbuɗ hurugi a sunugi loogi suu ɦawanaɗi a goɓ ga fokosiɗi lay.

GA 8ATAMBARA 30:17

Na may lini hurugi mbuɗ wa lini agi ka humbi, lini agi hin tagi a goɓ loogi suu ɦawana sunusi may,

GA 8ATAMBARA 32:21

Asi ɓalakan hurun ki u fuli masisina wa, asi mbuɗun ki yara u goɓ masira goɓ fulinara. An may ni hin ɓalakasi hurusi ni u suu ɦawana suu ka suu mansinaɗina may, suu asina hin ɓeŋesi hursi ki may.