1 SAMUEL 12:19 - Boy Lonana

¹⁹ Suuna halaŋ di Samuel ana, «Cen Yawe kay suu maŋ suu sunda ka ami miɗ kiɗi, kay suluk ma ami lamma halaŋ ami cuk dla cora kayam u joɓpa ami joɓ mulna ki kamira.»

1 SAMUEL 12:19 ပူးပေါင်းရင်းမြစ်များ

URA TIN AYRA 20:7

Cecemi hoŋ cara maŋ njufuɗu kay nammi sa ma jok vun Lona, nam hin cen kaŋu aŋ hin kak iiriya, lini aŋ hoŋoɗ kaɗi ni, aŋ wi ki kaŋ ana, aŋ hin miɗ ki u suu maŋsina halaŋ.»

JOB 37:13

Lona ka tak min mamba ki kay ndaŋgara, lini a gi sa daŋgayna ɗowba a li jivira.

JOB 42:8

«Cemi ni agi yowogi bologi mbutlugina na kiɗisiya, gamlagina na kiɗisiya may. Tuɗugi eg saan ma sunda, Job. Lagi ɓivun ma ŋgalam ki ŋgalina kagiya. Saan ma sunda, Job, hin cen kagiya. An ka lagi co ko agi li wandara naɗi ni kamu. Agi suu ɓak ka ki kan u jiviraɗina, lagi ka ko saan ma sunda, Job, lira naɗi.»

KALKIRA 10:17

Cemi an cenegiya heɓ hurugi egen olo. Cen Yawe, Loogina, a nam wan hahawan dikin miɗ namma ha ki egen na dikge.»

KALKIRA 32:30

Vin maɗiira ni Moiz di suuna ana, «Agi li ni suluk ma ŋgolna, cemini an min ɗiŋ kolo eg Yawe, kala an li fi vaɗ huuna ay kay suluk magina kala.»

KALKIRA 9:28

Cenegi Yawe nam hin sira na ga, an hin hinigi agi tuɗa agi ka juɓ ta ta oloɗi.»

EZAYI 26:16

Yawe, hu li ma aŋ ka gaɗ suu maŋsina ni asi halaŋŋi aŋu. Hu li ma gaɗ maŋga fasina asi cuk ga ceneŋŋi aŋu.

JEREMI 15:1

Yawe dan ana, lini gi Moiz u Samuel col fokon lay, an hin ka mbuɗ hurun kay suu asinaɗi. Dikisi ki fokonu, asi tuɗ kiyo.

JEREMI 27:18

Asi lini suu jok vun Lona asi li ka u boy ma vi Yawena kosiya ni asi vi tasi eg Yawe, ma Saɓakŋa kom Belna, ka tlesuu sunda suu ka hu zira vi Lonara, hu taraŋgana, hu Yerusalemma ka asi yowosi ki Babilonɗi.

JEREMI 37:3

Mulna Sedesiyas sun Yehukal, ma goŋ Selemiyana, u mul ma li ɓivunna Sefaniya, ma goŋ Maaseyana eg sa jok vun Lona, Jeremi, dam ana, «Joɓ ay kamiya, an ceneŋu aŋ joɓ Yawe, Loomina, ay kamiya.»

JEREMI 42:2

eg sa jok vun Lona, Jeremi, dam ana, «Hinimi voɗta ami tii tami egeŋu. Tii taŋ ha eg Yawe, Looŋŋa, kay umira hin ew wanda. Gasi ami suu hin iirina ni ew ɦawaa, may ami li ay jew ni bolowo. Aŋ wi dla ndaɗta lay.

MALASI 1:9

Ŋgoo dagan ɗaŋŋi halagi dla mayra a heɓ huu Lona a nam waygi hahawaygira. Dla ndaɗta col ay ni kagiya, nam hin vagi u furira su? Yawe, ma Saɓakŋa Kom Belna, di na.

NDUMBA 21:7

Suu Israelna mbay eg Moiz dam ana, «Ami li coo, hu li ma ami gurni eg Yawe may, gurni egeŋ mayna. Aŋ cen Yawe nam ɦuɗumi guyugina ha ki egemiya.» Moiz cen kay suuna.

SUNDA 8:24

Simon di Piyer u Jaŋ ana, «Cenegi Bu Suuna ay kanu, kay a boy ma agi dam wanna mba li hurun oloɗi.»

Magaara JAK Ɓiiriɗta 5:15

Cen mayra vi huruŋ gasira suɗ sa ma tuguɗira kiyo, Bu Suuna hin garaɗam kiyo, cora nam laɗta lay ni hin daɓamba kiyo.

1 JAŊ 5:16

Lini sana wi wayamma a li cora, lini ka cora tuɗum fun miɗnaɗi, nam cenna, Lona hin ɦal iirira maŋ wayamma namma, va namma ni kay suu cora ka tuɗusi fun miɗnaɗina doy hol. May ni cora tuɗum fun miɗnara kaa, an joɓ ka ana agi cen Lona kay co ndaɗta naɗi.

1 SAMUEL 12:13

Cecem wanda ɗaŋŋi mul ma agi ŋgaɓamma wanni, ni ma agi joɓomma, gola Yawe ɦagi mulna wa may.

1 SAMUEL 12:17

Cecem wanda ni ka li ma feɗ wa blenaɗi su? An hin yi Yawe nam hin baya, si mbona ŋgolla ɦay may. Humugi ki jiviya, gologi ŋgol dla cora agi laɗ ii Yawe u joɓpa agi joɓ mulna ki kay tagira.»

1 SAMUEL 12:20

Samuel di suuna ana, «Lagi ndaaɗi. Agi ni suu li dla co ndaɗtana daŋ may. Na may ni ɦuɗugi tagi ki day eg Yaweɗi, may sunugi Yawe u hurugi halaŋ.

1 SAMUEL 12:23

Kan an may ni li sulukŋa eg Yawe, ni dla cora ŋgolla kay hinda an hin ka a cen kagiɗira. An hin takagi voɗta jivira u voɗta ɗegeera.

1 SAMUEL 7:5

Samuel di ana, «Tokogi suu Israelna halaŋ hu Mispa. An hin joɓogi Yawe kagiya.»

1 SAMUEL 7:8

Goryoŋ Israelna di Samuel ana, «Kak vunuŋ dukkira na njeɗi. Aŋ noyomi kiɗi. Yi Yawe Looygina kolo nam suɗuygi ki ko suu Filistinna.»

1 SAMUEL 8:6

Samuel hurum vi boy ma asi dam ana, «Ҥami mulna a kaami ɓakŋa kamiyana kaɗi.» Samuel hin cen Yawe.