1 SAMUEL 11:13 - Boy Lonana

¹³ Sol di ana, «Sa dew lay ni hin ka cam ki hu buu nammaɗi, kay ana karam wanni Yawe ti kay suuna u suu Israelna.»

1 SAMUEL 11:13 ပူးပေါင်းရင်းမြစ်များ

2 SAMUEL 19:22

Abisay ma goŋ Seruyana kal duk hin di ana, «Ni dlara gasira hin ka ci Simey kiɗi kaɗta su, na ɗaŋŋi nam gi vunna kay sa Lona fuurummana ni ge?»

2 SAMUEL 19:23

David di ana, «Va ma duk ɦoŋon u agina ni mege, goryoŋ Seruyana a agi lagi dlara karam egen ko ndal sa ma kaboyna eg suunana na ni ge? Na ni aygi ndak a ci sana ki karam duk suu Israelna su? An ka ni gasi mul ma Israelnaɗi su?»

2 SAMUEL 23:10

Na may nam tamba hurum tinira a waɗ suu Filistinna ta ta kom loɓ ki hin viira jijira eg ŋgewna, Yawe hin li dlara saɓakŋa hu buu namma. Suuna hin hoŋ ay ki umu. Na may ni kay a yow tlesuu hin kina ɦawaa.

KALKIRA 14:13

Moiz di suuna ana, «Lagi ndaaɗi, lakagi jiviya, gologi suɗta Yawe hin suɗugi ki karamba. Suu Egipte suu agi wasi karam wanna, agi hin ka wasi oloɗi.

KALKIRA 14:30

Hu buu namma Yawe suɗ suu Israelna ki ko suu Egiptena. Suu Israelna wi suu Egiptena miɗi ɗoŋ lumma cocoo.

EZAYI 59:16

Nam gol wanni sa ma tli tam ka na dewɗi, nam mbuɗ saa cocoo kay sa ma a njun suu mamsina kaɗi. Kay ndaɗta nam mbay njunusi u tamba. Ɗegee mamba ni a va ma asi deŋ tasi egemma.

1 KORINTNA 15:10

U oora vi Lona an mbuɗ wi tan ana ni anu, oora nam ɦandara ka va ma lalas ɦawaɗi. Ni na ɗow an li sunda susi halaŋ, ni ka an kay tanɗi, a gasira ni oora vi Lona ta ka u anda.

1 SAMUEL 10:27

Na may suu sunusi kaɗina di ana, «Sa namma hin suɗuygi ki ni nanage?» Asi ka minim dlaambaɗi lay, ka ɦam tlena ay ɦawaɗi lay. Na may ka min a taɓ tasi u nambi. Sol di va kaɗi.

1 SAMUEL 14:45

Suuna di Sol ana, «Na ni Jonatan hin miɗ ki su? Nam sa ma li saɓakŋa coco fok suu Israelna ɦayna? Ni dla cora u saɓakŋa vi Yawena. Tlimiɗ yam na dew lay ni hin ka ndi ki kaŋgaɗi, kay ana nam li dla ndaɗta karam gakŋi u Lona.» Na ɗaŋŋi suuna hin gi Jonatan, nam hin miɗ kaɗi.

1 SAMUEL 19:5

Nam ba gin tam ki u cira nam ci sa Filistinna kira, may Yawe tak saɓak mamma ki maŋ suu Israelna bel. Aŋ wam lay, li furira kam lay. Ni kay me aŋ min a li sulukŋa a vo busu sa li va kaɗina kige? Hal a ci David bay dlara kom lay nige?»