1 SAMUEL 10:1 - Boy Lonana

¹ Samuel tli guura mbulna, voom kay yam Sol hin vam kolo hurumu. Nam di ana, «Yawe fuuruŋ ka ki a mulna kay joomma ni nambi su?

1 SAMUEL 10:1 ပူးပေါင်းရင်းမြစ်များ

2 SAMUEL 1:14

David dam ana, «Aŋ li ndaa ka a tli koŋ a ci sa ma Yawe fuurummaɗi ni nanage?»

2 SAMUEL 19:39

Mulna di ana, «Ko Kimham jak u anu, an hin lam dlara huruŋ miniɗta egemu, dlara aŋ min a joɓoɗ egenda an hin laŋga.»

2 SAMUEL 20:19

Anni dla mayra jivi su kira u dlara ki eg liiɗ su hu Israella. Aŋ may ni hal a ɓeŋ ɦoŋzina kiyo. Ni ɦoŋzi ma ŋgol ma hu Israelna. Aŋ min a to jo ma vi Yawena ki kaŋga ni kay mege?»

2 SAMUEL 5:2

Buuna jak ki ni ŋgol da hu li ma Sol ay a mul maminana. Aŋŋi sa ma hin suu Israelna sel ay ki lay, hoŋ ha vo layna. Doli ɗini Yawe daŋ ana aŋŋi sa ma hin taaran suu man suu Israelna, aŋŋi sa ma hin li a mul ma Israelna.»

1 MULINA 1:34

Hu li namma mul ma li ɓivunna Sadok u sa ma jok vun Lona Natan fuurum u mbulna a mbuɗum ki mulna kay suu Israelna halaŋ. Agi hin bu tokolomma, sawalla kolo di ana, Gaŋdeɓe, mulna Salomon.

1 MULINA 19:18

Na may an hin hin u suuna hu mbassa Israella ni na buɓ buɓ kiɗisiya, ni suu may suu goɓ vogosi ka ga fok Baalɗina, suu ŋgaf vunusi ka u nambi layna.»

2 MULINA 20:5

«Hoŋ dagan tuɗ di Ezekiyas, mul ma fok suu mansinana, ana, Yawe, Lo ma vi buŋ, Davidna, di ana, an humuŋ cen maŋgawa, waŋ simi maŋŋawa may, jiviya an min garaɗaŋ kiyo, hin buu hindi ni aŋ hin tuɗ kolo hu Ziŋ Yawera.

2 MULINA 9:1

Fali taa dew ni Elize yi goo zoŋ maa duk suu jok vun Lona dew ni dam ana, «Min taŋu, tli goo kob ma mbulna koŋ tani, tuɗ hu Ramot ta Galaadta.

2 MULINA 9:12

Asi dam ana, «Aŋ ka ni boyna. Gami u dla ndaɗta ay kiyo.» Nam dasi ana, «Gola ni dlara nam danda ayra, ana gola Yawe di ana fuura an fuuruŋ u mbulna wanda, aŋŋi a mul ma vi suu Israelna.»

SOOLLA 135:4

Kay Yawe man Yakob ni namu, suu Israelna ni suu mamsina.

SOOLLA 2:12

Li Goona jiviya kay nam mbuɗ yaɗi, agi viɗ ki hu voɗtaɗi, kay yaamba hin ay ni na tok daŋ. Furira ka kay suu ŋgay tasi hurumma.

SOOLLA 78:71

Nam yam ay ni u timigii mamsina a taarasira, nam mbuɗum a sa ma taa njaf suu vi Yakobma, suu Israelna ni suu hu njafamma.

KALKIRA 30:23

«Hal mbul ma his jivina, hal mbidla ii kelew vadl may, mbul ma yam ana sinimonna ii kelew mba' u nus may, usu ma his jivina kelew mba' u nus may.

JEREMI 10:16

Sa li jivira maŋ Yakobma ka naɗi. Nammi sa li tlena halaŋŋa. Israel ni deera hin yowom joomba. Yawe, ma Saɓakŋa Kom Belna, ni semu.

EZEKIYEL 16:13

Tlesuu egek asina ni gi lorra u doonora, barawi maksina cili ni u baraw dlemba dereŋga, top baraw ma jivina ma vunum ki ɦosi luy luyna. Ndak ti ni fuɗta ki tlumi u mbul yumma ta tegeɗii cocora u mbulna may. Kay ndaɗta ndak mbuɗ ki jivi coco ɦay. Ndak mbuɗ ki ni ca mulla.

Magaara Vi Sa Jok Vun Lona OZE 13:2

Cecem wanda asi ka tuɗ fok u cora lira. Asi min tlesuu yoo kina u doono masira u yal masina asi li fulina. Halaŋ ca ni tlesuu suuna ceɗesina. Suuna ɓak kasi ana, «Suu wara suu li ɓivunna, furi tasi u gor mbutli suu asi minisina.»

SUNDA 13:21

Ŋgoo dagan asi joɓ kay mulna, Lona ɦasi Sol goŋ Kisna a mul masina, nammi hu njafna vi Benjamin kak kasi basara dok fiɗi a mulna.

GA 8ATAMBARA 32:9

Yawe man suu Israelna ki ni a suu mamsina nam ka golosiya, Yakob ki ni a joomma.

1 TESALONIKŊA 5:26

Gagi deɓ gorseygina halaŋ u furira.

HEBRENA 2:10

Ni kay ndaɗta Lona, ma li tlena halaŋŋa, wi na ni namu, kal Yesu hu wihawra na ni mbuɗum ki jivi gaw, kay nam min a mbuɗ suuna ki a goryom ŋgolona hu bibiŋil mamba. Yesu ni sa ma tuɗusi hu suɗtana.

WIRA ŊGAYRA 5:8

Nam vi magaara vini, tlesuu iiri suu fiɗina, u suu ŋgolo suu dok mba' yam fiɗina mba goɓ kaŋga fok Goo Timiina. Dukusi ni gegelay ni u diŋ mamma komu, u tassa ma lorra oy u mbul ma his fayatna, tle asina ni cenda vi suu vina vi Lona.

1 SAMUEL 12:3

An wanni tokogi ɓak magi ma egenna fok Yawe, fok sa Lona fuurumma. Sa an vam mbutl mammana ni gege? Sa an vam korro mambana ni gege? Sa an lam irim u bege mambana ni gege? Sa an doorom ki kay tlegyenmma ni gege? Sa an tlam gursura kom balna ta ni hin duk irin ki kamma ni gege? An hin hoŋogira kiyo.»

1 SAMUEL 13:14

Na may cecem wanda mul maŋga hin ka li oloɗi. Yawe hal sana u min mamba. Yawe hin kakam mulna kay suu mamsina wa, kay ana aŋ li ka u gaɗta Yawe haɗaŋgaraɗi.»

1 SAMUEL 15:1

Samuel di Sol ana, «Anni sa Yawe sunum ha ana fuuruŋ ki a mulna kay suu mam suu Israelnana. Cecem wanda ɗaŋŋi hum boy ma vi Yawena haa.

1 SAMUEL 15:17

Samuel di ana, «Lini aŋ gol taŋ va ma ɦawana ii taŋga lay ni aŋ ka ni sa fok njaf suu Israelnaɗi su? Yawe fuuruŋŋi a mul ma vi Israelna.

1 SAMUEL 16:1

Yawe di Samuel ana, «Aŋ hin tii kay Sol na gak gak su? An tanda noyom ki ni anu. Nam ka mul ma Israelna oloɗi. Oy mek maŋŋa u mbulna tuɗa. An sunuŋ ha vo vi Jese ma Betlehemma, kay ana an gol duk goryom wanni sa ma tinim a mulnana kaa.»

1 SAMUEL 16:13

Samuel tli mek ma mbulna hurumma tani, hin fuurum duk gorsemma. Musuk Yawera hin mbay kay David hu buu namma. Samuel hin gi tam voɗ tuɗ Rama.

1 SAMUEL 2:10

Yawe, suu babali mamsina hin miɗ kiyo. Ay kolo huulona day ni nam hin ŋgoɓosiya. Yawe hin kaɓakŋa kay ndaŋgara halaŋ. Nam hin ɦal saɓakŋa maŋ mul mamma. Nam hin tli yam saam ma suɗta koloo.»

1 SAMUEL 24:6

Na may ŋgoo dagan wanni David vun dikim ɓikim kay ŋgaɗta nam ŋgaɗ vun koɓoɗta vi Solla kira.

1 SAMUEL 26:11

Ko Yawe lan dla cora egenu lini an tin kon eg sa ma Yawe fuurumma. Tli saɓ mayra kaŋga u yamba u guura yona huruɗta, tuɗuy may ɗaŋ.»

1 SAMUEL 26:9

David di Abisay ana, «Cam kiɗi. Sa ma hin tin kom eg sa Yawe fuurumma, sa hin ka gam daŋgayɗina ni gege?»

1 SAMUEL 8:19

Na may ni suuna min ka hum vun Samuelɗi. Asi hoŋ dira ana, «Ҥawaa, ni mul ma ami minimma.

1 SAMUEL 8:9

Cecem wanda ɗaŋŋi aŋ humusi vunusiya. Na may na aŋ hinisi bay neesiɗi. Aŋ haɗasi dla mayra mul ma hin kak kasina hin lasira egesira.»

1 SAMUEL 9:16

«Vin faɗta ko wanda na an hin sunuŋ sana ay dew hu mbassa vi Benjaminda aŋ hin fuurum ki ko ndal mulnana maŋ suu man suu Israelna. Nam hin suɗ suu mansina ay ki ko suu Filistinna. Ni kay ana an wi suu mansina, tii masina tew ta ta egenu.»

1 SAMUEL 9:27

Asi tew ha ki hu haka ɦoŋzina hu li ma Samuel di Sol ana, «Di sa li sunda nam kal ha ki fokoya.» Nam kal ki foko. «Aŋ may ni col ɗaŋ. An ɓakaŋ boyna vi Lonana ha aŋ humumu.»