1 SAMUEL 1:22 - Boy Lonana

²² Na may Ane tuɗ kaɗi kay ndaɗ di njufuɗ ana, «Juɓuya an noy pona ki fun goona tuwa. Na ɗaŋŋi an hin tlam tuɗum ha tuwa. Nam hin tak tam ki fok Yawe. Nam hin kak ha tana a fafaɗta.»

1 SAMUEL 1:22 ပူးပေါင်းရင်းမြစ်များ

SOOLLA 110:4

Yawe suu tam kiyo, nam ka hoŋ vunum daganɗi, «Aŋŋi a mul ŋgol ma li ɓivunna a fafaɗta, ni kay balam Melkisedek.»

SOOLLA 23:6

Jivira u oora tuɗ un hu buuna tew tew, ta ta miɗ manna, an hin kakŋi hu zii vi Yawena a fafaɗta.

SOOLLA 27:4

An joɓ Yawe kay va dew, ni an kak hu Ziŋ Yawera, hu buu ma iiri manda halaŋ, a gol jivira vi Yawera, golom Ziimba jivi may.

KALKIRA 21:6

Malamma tuɗum ay fok Lona, nam mba colom fun zira hu vun ma kalla, malamma duɓum humum kiyo, nam hin vo varammi a fafaɗta.

EZAYI 9:7

Bu Suuna kaɓakŋa kay njaf suu vi Yakobma, ɓak namma ndi ni kay suu Israelna.

DLAŊ LEVIRA 25:23

«Ndaŋgara hu mbas magira ni agi ka gusuɗ ha ki a fafaɗta gawɗi, kay ndaŋgara ni varanu, agi lay ni varanu, u suu dukugi na lay ni varan bel bel.

Boy Ma Ayra Ma LUK Ɓiirimma 2:22

Buu namma ndak ndakŋi, Yosef u Mari tli goona tuɗum Yerusalem hu Ziŋ Lonara ko gaɗta vi Moiz dira na, a takam fok Bu Suunara.

GA 8ATAMBARA 16:16

Hu basara dew ni suu magi suu njufiina hu njafagi halaŋ tuɗ fok Yawe Loogina hu li ma nam manamma sesi hindi hindi, hu luu ma fu ma bay kuffa dukumma, hu luu ma buu ma kiɗisiyana, hu luu ma vun mbutluɓma may. Sa ndak a tuɗ wi vok Yawe u komma vadlnaɗi.

JOSUWE 4:7

Agi hin dasi ana, ni kay a tak mbo lum ma Yurdanna so ki fok Zandukka Galamba vi Yawe hu li ma asi taɓa ay dukum ndolna. Mbo lumma irim ɓorow ki duku, gogoyra ndaɗta hin ki cuki ɦawaa. Gogoy ndaɗta ca ni hin ka ni a gi humba maŋ suu Israelna ha kay goryosi na gak gak.»

1 SAMUEL 1:11

Ndaɗ suu taɗ fok Yawe ni ko wanda na, «Yawe ma Saɓakŋa Kom Belna, lini aŋ gol hahawra vi goroŋga sunda, humuŋ gaŋ ay kanu ni, humuŋ maa ki kay goroŋga sundaɗi, a ɦaɗ go njufu. An hin hinim ki maŋ Yawe ta ta bu mamma nam kak iirina. Sin vella hin ka tin kay yambi.»

1 SAMUEL 1:28

An hoŋ ay wanni hinimmi maŋ Yawe. Hu kak mamba iirira halaŋŋi nam ki ni maŋ Yawe.» Nam goɓ kaŋga hu li namma fok Yawe.

1 SAMUEL 13:13

Samuel di Sol ana, «Aŋ li dla ndaɗta ni ko sa ki puluɗina na. Aŋ vi ka u gaɗta vi Yawe Looŋŋa ta nam haɗaŋgaraɗi. Cecem wanda gasi daŋ may, Yawe li ka ɦaŋ mulla kay suu Israelna ni a fafaɗta.

1 SAMUEL 2:11

Elkana tuɗ vo varam hu Rama. Goo namma hin sun Yawe fok mul ma li ɓivunna, Heli.

1 SAMUEL 2:18

Samuel li sunda fok Yawe. Nammi gogoo ma cukum efodna egemma.

1 SAMUEL 28:2

David di Akis ana, «Na ɗaŋŋi aŋ hin wi dlara saaŋ ma sunda hin laɗta u taŋga.» Akis di David ana, «Na ɗaŋŋi an hin mbuɗuŋ ki a saan ma golon yanna a fafaɗta.»

1 SAMUEL 3:1

Gogoona Samuel sun Yawe fok Heli. Boyna vi Yawe ay ka ki zuliɗi, haw coco hu buu namma. Dlara a tak taɗ ki ii suunara loɓ coco lay.