1 PIYER 5:4 - Boy Lonana

⁴ Falira sa ŋgolna vi suu taa yoorina mba wa ni, agi hin fi jumba mulla dlaɗ ŋgolla ka ɓeŋ kiɗira.

1 PIYER 5:4 ပူးပေါင်းရင်းမြစ်များ

SOOLLA 23:1

Soolla vi David. Yawe ni sa ma golonna, tlesuu an hin bay fasi kaɗi.

EZAYI 40:11

Ko ndal sa ma taa yoorina na, nam ka taa yoori mamsina, nam tokosi yasi ay halaŋ u bik komu. Nam yow gor timigii suu gorina kom koloo, tuɗ cukusi hu li ma asi a ci pona.

EZEKIYEL 34:23

An hin tin sa ma a taaran yoori mansinana ni na dew daŋ. Nam hin taarasiya, hin li ni saan ma sunda David. Nam hin taarasi ni namu. Nam hin li ni a sa ma taa yoorina.

EZEKIYEL 37:24

Saan ma sunda David hin ti mulla kasiya. Asi hin tuɗ ni u neey manda. Asi hum u gaɗ manda li uɗ lay.

DANYEL 12:3

Suu may suu neeyna tasi hin weleɗ ko huulona na, asi suu mbuɗ suuna ki jivi bolow coco ko ndal ciciwra na a fafaɗtana.

ZAKARI 13:7

Ŋgewra col ki kolo kay saan ma taa yoona, kay sa tuɗ u an ma jivi cocona, Yawe, ma Saɓakŋa Kom Belna, di na. Waɗ sa taa yoona, timigiina hin njay kiyo, kon hin hoŋ waɗ suu gorina lay.

Boy Ma Ayra Ma JAŊ Ɓiirimma 10:11

«Anni sa ma taa yoona jivina, sa ma taa yoona jivina ba iiri mamba ki kay timigii mamsina.

1 KORINTNA 9:25

Agi wi ana suu njokoɗta doo tasi, kay tlena ŋgolo, asi li na ni kay a fi ni jumba maŋira ɦawaa, aygi li ni kay fi ni jumba mulla mayra didinda.

2 TIMOTE 4:8

Cecemmi warakŋa ka juɓunu, ni jumba mulla ɗegeera, Bu Suuna ma ɗegeena ma kaɓakŋa hin ɦanda hu buu namma, ka ɦanda ni man an dewɗi ni maŋ suu ka juɓum u minda hu buu ma nam hin hoŋ ayna halaŋ.

HEBRENA 13:20

Lona col Bu Suuna Yesu iiri ki duk suu miɗina, nammi sa ŋgol ma taa yoona, bana mayra didinda faɗ ki ni u miɗ mamma. U saɓakŋa vi busuna vi ɓivun mamma nam mi galamba ka daɓ kiɗira.

Magaara JAK Ɓiiriɗta 1:12

Furira ka kay sa ma kak ɗili hu tuk mambana, kay ŋgoo tukka dagani nam hin fi jumba mulla vi iirira, ni va ma Lona vi vunum kam a ɦam maŋ suu minimma.

1 PIYER 1:4

Aygi ndak li furira kay tlesuu hu jona vi Lona nam hinisi maŋ suu mamsinana. Ni jo ma ka ɓeŋ kiɗina, ka mbuɗ zozoɗɗi, ka mbuɗ basiɗi lay, weleɗ na gak gak. Lona ɗokosi ha kolo ni magiya.

1 PIYER 2:25

Agi li ay ni ko timigii suu ki viɗina na, cecemi wanda agi mba eg sa ma taa yoona jivina a gologi Musuk magira.

1 PIYER 5:2

Gologi jiviya, ko agi suu gol yoori suu Lona ɦagisinana na. Golosi u huu ma jivina ko Lona minda na. Ka ko ɦeɓegi ni ɦeɓi naɗi ni kay a faɗ kini vun sun magira, ka kay warakŋa vi gursuraɗi, ni kay minda vi huuna.

1 JAŊ 3:2

Banayanna aygi cecemmi goryoŋ Lonna, aygi li hin mbuɗ ŋgoo dagan ana me kala ni dla ndaɗta uɗ tak ka ki jivi tuɗi. Aygi a wi dla ndaɗta ki jivira wani falira Kristu hoŋ ayra, ni aygi hin mbuɗ ni ko ndal nam na, kay me aygi hin wam ki ni u tamba.

WIRA ŊGAYRA 1:7

Gologiya nam mba hu ɗugulla. Suuna halaŋ hin wamu, suu cokomma lay. Suu kay ndaŋgarana halaŋ halaŋ hin mbuɗ yoo kay boy mamma, ni dla ndaɗta hin a li ni na daŋ may, amin.

WIRA ŊGAYRA 2:10

Li ndaa ko wihawra aŋ tuɗ fatɗaɗi, aŋ huma Satan hin tukugiya, yow suuna ŋgolo cukusi hu daŋgayna, agi hin wagi hawra buuna doogo, kak ɗili na gak gak hu miɗna, an hin ɦaŋ jumba mulla vi iirira.

WIRA ŊGAYRA 3:11

An a hin mbay ni tok daŋ, va ma ka koŋŋa aŋ vam eŋe, kay sa ma daŋ mba yowoŋ warak maŋŋa kiɗi.