1 PIYER 5:2 - Boy Lonana

² Gologi jiviya, ko agi suu gol yoori suu Lona ɦagisinana na. Golosi u huu ma jivina ko Lona minda na. Ka ko ɦeɓegi ni ɦeɓi naɗi ni kay a faɗ kini vun sun magira, ka kay warakŋa vi gursuraɗi, ni kay minda vi huuna.

1 PIYER 5:2 ပူးပေါင်းရင်းမြစ်များ

2 MULINA 12:6

ma muli suu li ɓivunna ka yowom ki kay tasina, gegelay ni wi ii mamma. May ni asi min ii Ziŋ Lonara, li ma ka ki ɓalaki zeɗ zeɗ wanna kiyo.»

SOOLLA VI SALOMON 1:8

«Lini ndak ka wiɗi ni goora jivi ɦayra gi tak ay kay sem timigiina, tuɗ gor ɦuguni maksina ay eg zira vi sa ma taa yoorina na tok.»

EZAYI 40:11

Ko ndal sa ma taa yoorina na, nam ka taa yoori mamsina, nam tokosi yasi ay halaŋ u bik komu. Nam yow gor timigii suu gorina kom koloo, tuɗ cukusi hu li ma asi a ci pona.

EZAYI 56:11

Asi ni digini suu kurufukka ka hoɓbi lay, asi tasira ni a suu taa yoorina gaw. Asi ka wi dira di ana ndagami waraɗi lay. Asi ka wi ɓorow ii tlenaɗi lay. Gegelay dukusi ni hal ni fiimma. Gegelay hal ni ɓaɗta kay tam.

EZAYI 6:8

An hum del Bu Suuna di ana, «An hin sunni gege, sa ma hin tuɗ sunuygina ni gege?» An hin di ana, «An wanni, sununu.»

EZAYI 63:11

Hu li ma humusi gasi kay boy ma vi Moizza ma dam ay fok jew day dayna, asi joɓ ana, Bu Suuna ma kal saam ma taa yoorina ay ki duk mbo ŋgolnana ni arage? Bu Suuna ma kal Musuk mamba ay hurumma ni arage?

JEREMI 13:17

Lini agi ka humbi ni, an hin mbuɗ tan ki hahawra hu liinna, kay ana dla ndaɗta ndakan wa, irin hin tii simina, tiira, mbus ki u simina, yoori suu vi Yawena tuɗ ki ni hu daŋgayna.

JEREMI 13:20

Tli iriŋ kolo gol haa, asi ka mbay mbayawi, yoori suu varaŋŋa ni arage? Timigii maŋ suu ŋgaaŋŋa ni arage?

JEREMI 6:13

Asi halaŋ, kemba u suu ŋgolona gegelay hal ni li ma nam fi huna. Asi halaŋ, suu jok vun Lona u muli suu li ɓivunna tuɗ masira ki coo.

JEREMI 8:10

Na ɗaŋ an ɦasi boyogosi ki maŋ suu daŋŋa. Sene masina an hin ɦam ki maŋ suu yowom kina. Kay ana kemba u suu ŋgolona halaŋ min saɓakŋi begera, suu jok vun Lona u muli suu li ɓivunna halaŋ tuɗ masira ki coo.

EZEKIYEL 34:23

An hin tin sa ma a taaran yoori mansinana ni na dew daŋ. Nam hin taarasiya, hin li ni saan ma sunda David. Nam hin taarasi ni namu. Nam hin li ni a sa ma taa yoorina.

EZEKIYEL 34:31

«Agi ni yoori mansina. Yoori suu ka taa hu sene mannana. Agi ni suu warna. Anni Loogina may. Di ni Bu Suuna Yawe.»

EZEKIYEL 46:24

Sa namma dan ana, «Gola, ni dakigina, suu li sunda hu Ziŋ Lonara zal tliw ma suuna mbaaram ay a li ɓivunna ni huwa.»

MISE 3:11

Muli suu asina kaɓakŋa ni kay gegeli sum veŋŋa ɦawaa, suu haɗta haɗ suuna ni kay a mbuɗ tasi begera ɦawaa, suu jok vun Lona ɓak boyna ki fok jew ni kay gursura ɦawaa. Ni u saɓak ma vi Yawena asi di ana, «Yawe na ni ka dukuygiɗi su? Ҥawaa, hahawra hin ka a mba kaygiɗi.»

MISE 5:4

Nam kay tamba hin li ni a heɓpa. Hu li ma Asiri suu kay mbas maygira, hin tooygi ziygi kiyo, aygi hin sunuygi suu taa yoona kiɗisiya kamu, mulina kalavandi may.

MISE 7:14

Taa suu maŋsina u tokolo maŋga, yoori maŋsina, ka ki duk bubura kay tasiya, duk usuna. Ko asi ti haɗna hu Basan u Galaad ko ndal ay hu buu ma fok jew dayna na.

ZAKARI 11:17

Cora ka kay sa taa yoo ma sunum kaɗi ma hin katlaŋ mamba kina. Ko ŋgewna ŋgaɗam bikim ki may, coom irimba njuffa ki may. Ko kom so kiyo, gasi ko kom so kiyo. Ko irimba njuffa mbek kiyo, gasi ko ndaɗ mbek kiyo.

MALASI 1:10

Na ni hin fi sa dukugi dew a duk vunna ɗaŋ su, kay a agi ka lagi dla cora ta ta bulumun givin ma togolla manna kiɗi. An ka furi kagi na ndeɗi, Yawe, ma Saɓakŋa Kom Belna, di na. Ɓivun magina an ka vam kogiɗi.

NDUMBA 18:7

Aŋ u goryoŋu sunda laɗ hu givin ma togolla hin ki ni magi may, agi ni suu li sunda ha ki ŋgoo gojoli ma ca ki ii linana. Agi lagi ni sun magi ndaɗta may, an ɦagi ni sunda li ɓivunna agi laɗ ni ndaɗu. Sa ma daŋ ma kal ha hu kalna ni miɗ kiyo.»

Boy Ma Ayra Ma LUK Ɓiirimma 12:32

«Lagi ndaaɗi, yoori suu ewna. Bugi hurum min a ɦagi mulla ni nam daŋ may.

SUNDA 20:29

An wi ana hin ka ŋgoron dagan wanni an tuɗ ki wa suu ko bosoko ma saɓakŋa nana hin mba cuk dukugiya, asi hin ka hin suu vinaɗi.

SUNDA 21:13

Nam hoŋomi dira ana, «Agi tiirigi ni kay mege, agi hal a mbuɗun maŋi su? An tan mini ni kay njunda ɦawa holɗi, a miɗ kay sem Bu Suuna Yesu hu Yerusalem lay.»

ROMMA 1:15

Ni kay ndaɗta an tuɗugi Boy ma Ayra ha magi agi suu lak ki Romma.

1 KORINTNA 9:7

Agi wi ana asgaa ma ka li sunda ma warak tam kay tam ka su? Sa pi guna pi ka tam vuɗumbina ni gege? Sa ma taa mbutlina ka casi mbirisiɗina ni gege?

1 TIMOTE 3:3

Nam lini sa ma ɦal tam ki maŋ summaɗina, sa ma honiraɗi lay, lini sa ma ɗili lalamma, ɦal tam ki u minda vi gursuraɗi.

1 TIMOTE 3:8

Suu sun suu vi Kristuna mba lini suu ndakina, suu ɗegeena, asi mba li a suu ɦal tasi ki kay summa sasakgi, hal a fi gursura u ganyambaɗi lay.

TITTA 1:11

Lini nanagelay ni casi vunusiya, kay asi ɓeŋ suuna ki u deeresi halaŋ, haɗasi dla mayra cora kay fi gursura u ganyamba.

TITTA 1:7

Sa ma fok suu vina, sun mamba ni kay li tlena vi Lona, lini nanagelay sa mba fam ŋgul egembi, nam lini sa ma bay ŋga tamma, mbuɗ ya zakgi lay, lini sa ɦal tam ki kay summaɗi, sa honiraɗi lay, ka sa ma fi gursura u ganyambaɗi lay.

TITTA 2:14

Nam ɦal tam ki ni kaygiya, a buɗuygi ki hu cora a suu mam suu pasiyakŋa mam nam dew a ay mba li ki feɗ tew tew kay li sunda jiviya.

TITTA 3:1

Gasi humusi kay asi mba hoŋ yasi kaŋga a hum u suu ŋgolona u mulina, asi mba hum usiya min tasi a li sunda jivira bel.

FILEMONDA 1:14

An ka li va bay waŋ min maŋga gawɗi, an ka ɦeɓeŋ kay lan jivira ɦeɓiɗi. An min ana aŋ li ay u min maŋga.

HEBRENA 12:15

Gologi tagi jiviya a sa mba hoŋ ki dagan, hin oora vi Lona kiɗi. Gologi tagi jiviya kay sa mba mbuɗ ko gu ma galaana li cora eg suuna ŋgolo u galaa mamba.

2 PIYER 2:3

Saa masira ni kay a fi gursura, suu haɗ haɗta co asina hin taɗagi usi u dlara ka gasiɗira. Sa ma kaɓakŋa kasina kaki day day ka buu senɗi, ɓeŋ masira ka juɓ ta taɗi lay.