1 PIYER 4:3 - Boy Lonana

³ Agi ay jew basara ŋgolo lagini ko suu bay vina lira na, lagi dla cora, ŋgiziɗ tlena vi suuna, guruɗ u summa, luu dam dam, luu ma ci summa, li ɓivun ma njenjena maŋ fulina.

1 PIYER 4:3 ပူးပေါင်းရင်းမြစ်များ

2 SAMUEL 13:28

Absalom ɦal voɗta maŋ mborɓogi mamsina ana, «Gologi jiviya. Hu li ma Amnon hurum oy ki u furira u sum veŋŋa wa, an hin dagi wa ana, waɗagi Amnonni agi hin cam kiyo. Lagi ndaaɗi. An ɦagi voɗta ka ni anɗi su? Soogi ugi takagi saɓak magina kiyo.»

1 MULINA 21:26

Nam li dla cora, goɓ fulina ko suu Amorna lira na. Ni suu may suu Yawe dikisi ay ki fok suu Israelnana.

2 DLAŊ MULINARA 15:8

Hu li ma mulna Aza hum boy ma sa ma jok vun Lona Azariya ma goŋ Odedna damma na ni, nam so tam hawaɗ li ma givin ma togolla maŋ loogi suu ɦawana hu mbassa Yudara kiyo, u suu hu mbassa vi Benjaminda lay u tlesuu fulina suu ka hu ɦoŋzi ma nam tlam ay ki zeɗ zeɗ ma ha kolo kay ɦinira Efrayimbana lay. Ŋgoo dagan nam hin min givin ma togolla maŋ Yawe huna kiyo.

EZAYI 28:7

Muli suu li ɓivunna u suu jok vun Lona viɗ ki u sum ma cira ni na lay. Asi daw kolo ni ka wi li ma asi tuɗ hunaɗi. Sum ma cira viɗisi ki wa, asi mbuɗ ki ni mborɓi summana. Wiisira ha fokka viɗ ki irisi lay. Hu li ma asi a di dlara ni ka di jivi oloɗi daɓ sesi wa.

EZAYI 5:11

Hahawra ka kay suu maɗii day day ɗik faɗta u guruɗ summa u suu heɓ lina u ci summana may.

EZAYI 65:4

Asi buu ni hu zul suu miɗina. Asi buu ha ki njeŋge hu ŋgil goyra. Asi kom tliw kosoŋŋa. Huu tassa masi ma ti tlena ni ko habalaw ma yow delbuɗna kira na.

JEREMI 16:11

Na ɗaŋŋi aŋ hin dasiya, «Ni kay ana somoyogi noyon kiyo. Yawe di na. Asi liŋ tuɗ ki u loogi suu daŋga a goɓosira, goɓ kaŋga fokosi lay. An tanda asi noyon kiyo, haɗ manda lay asi vaɗ ka kasiɗi.

JEREMI 16:18

An gijaŋ warakasi dla cora asi laɗta yasi mba' mba', dla cosira lay kay ana asi mbuɗun mbas manda ki njenjera u dlasira moli ko didiŋga nara, oyon joonna ki u dla coosira.

EZEKIYEL 44:6

«Aŋ tuɗ di suu Israelna suu yasi eŋŋa ana, Bu Suuna Yawe di ana agi suu Israelna sun magira agi laɗ u min magirara cemi ni ndak wa.

EZEKIYEL 45:9

«Bu Suuna, Yawe, di ana, Agi muli suu Israelna dla coogira buu ni ŋgol cocoo, ndak wa na ga, hin lassa agi lasan suu mansinara lagi ni dlara irin jivira na ɗow, ka agi dikin suu mansina ki kay mbas masira oloɗi. Hin njaf suu Israelna lak hu u mbassa hin wandara. Di ni Bu Suuna Yawe.

MARK 7:22

li zoŋga lay, hurum haɗ kay tlesuu vi suunana lay, a ganyam suuna lay, a li dlara dadassa, a li gonokka lay, a li ŋgeŋŋa kay suuna lay, a ɓii tara, bay u dlara lay.

SUNDA 17:30

Hu li ma suuna ay ka wi va tuɗina Lona ka ŋga va kayambi, cecemi nam yi suuna hu lina halaŋ, asi mba jok iiri masira ki zeɗ.

ROMMA 13:13

Poyoygi ɗegee ko hu kiɗik faalira na, hinigi kurufukka vi tlesuu tira kiyo u guruɗta guruɗ u summara, dlara bay hum vunna u dlara hoo vuna u dlara honira kiyo.

1 KORINTNA 12:2

Agi wi ana hu li ma agi ay bay vi Boy Lonana tura wanni, asi taɗagi ay u fuli suu ndumuna agi vi kagi bay u dlara.

1 KORINTNA 6:11

Suu ɦiw ay dukugi ko ndaɗta na. Coosira mbus ki wa, agi hin tagi kini maŋ Lona, agi mbuɗ ki cecemi ɗegee fok Lona u sem Yesu Kristu, u Musuk Lonara.

2 KORINTNA 12:21

An hin tuɗ ha a gologi wani an li ndaana kay Lona hinin an a hoŋ yan kaŋga fokogiɗi, an tii ni tiiriya kay suu li cora ŋgolo bay hoŋ homba kay coosira tuwa, boy zoŋga u cora asi haɗi laɗ tew tewra.

GALATENA 5:19

Aygi wi sunda vi sa warna tak ki ni, boy zoŋga, bay ɗegeera, u dla cora.

GALATENA 5:21

Asi ŋgiziɗ tlena vi tasiya, guruɗ tasi ki u summa, kurufukka vi tlena, tlesuu co ko asina nana. An min dagi ki cecemi ko an di ay ki jewra na olo, suu li ko asina nana ka fi Mul Lonaraɗi.

EFESNA 5:18

Guruɗugi tagi u summaɗi, kay dla ndaɗta ndak a tuɗugi hu poyra cora, hoɓogi ni u Musuk Lonara na ɗow.

1 TESALONIKŊA 4:5

Nam mba hin saara cora su kambi, li ko suu bay wi Lonna naɗi.

TITTA 3:3

Aygi lay ni li ay jew ni na, ka li zolo saɗi, ka hum vun saɗi, lagi ni hu cora. Aygi li ay ni mborɓiina vi saara cora u min maygira ɦawaa. Aygi li ay u huu ma cona kay ŋgiziɗ tlena vi suuna, lay cora egesiya, asi layra egey may.

1 PIYER 1:14

Humugi u Lona, lagi u min magira jewra agi ka wi vaɗiraɗi.

Magaara JUD Ɓiiriɗta 1:4

Suu li dla cora ka dlaɓ tasi dukuygi ŋgaya, asi ka gun boy dla oora vi Looygina ki kay a jiv dlaasira cora kiyo. Asi noy Yesu Kristu Bu Suuna, Malay ma Suɗta dewna kiyo. Magaara vi Lona di ki kay ɓakŋa vi Lona ki kaay kasini jew day.