1 PIYER 4:18 - Boy Lonana

¹⁸ Ko ɓiira hu magaara dira na, «Lini suu jivina fi suɗta loɓ ŋgolo ni suu li dla cora u hurusi cona hin lini nana mayge?»

1 PIYER 4:18 ပူးပေါင်းရင်းမြစ်များ

URA TIN AYRA 13:13

Suu hu ɦoŋzi ma Sodomma ni suu ci maɗna, asi li dlara cora eg Yawe ɦay.

VUN ŊGOLNA 11:31

Sa ma ɗegeena fi warak mamma ha ni ga kay ndaŋgara tani gaw. Sa ma dlam cona u ma li sulukŋa hin di kammi ana mege?

JEREMI 25:29

An sun dla cora ha kay ɦoŋzi ma humun sen kina jew tuwa, agi may ni dla hin ka li kagiɗi su? Ҥawaa, agi hin ka li ki bay dla kagiɗi, kay ana an ka sun ŋgewiina ay kay suu kay ndaŋgarana halaŋ, Yawe, ma Saɓakŋa Kom Belna, di na.»

EZEKIYEL 18:24

Lini sa ma ɗegeena hin dlara ɗegeera ki ta ni li dla cora ko suu li dla cora laɗta na, ni nam hin ndak a kak iiri olo su? Ҥawaa, ɗegeera nam laɗ ay ki fok jewra halaŋ sa ka ndumuɗ oloɗi. Kay cora nam laɗta nam hin miɗa.

ZAKARI 13:9

Suu hin asina an tukusi u kura. An hin yoorosi ki ko suuna yoo doonora na, an hin yoorosi ki ko suuna yoo lorra na. Asi hin yan sen may, an hin humusi may. An hin di ana, «Ni suu mansina.» Asi hin di ana, «Loonna ni Yawe.»

Boy Ma Ayra Ma LUK Ɓiirimma 15:1

Suu vi taara u suu cona ɦuɗ tasi eg Yesu a humum boy mamma.

Boy Ma Ayra Ma LUK Ɓiirimma 23:31

Lini asi ka gu ma ŋgolomma kiyo ni, ma sooyna hin lini nanage?»

SUNDA 14:22

Asi gaɗ suu vina soosi hurusi ana asi kak eŋ hu vira. Dasi olo ana, «Lini nanagelay aygi a cuk hu Mul Lonara ni u wihawra coco tuwa.»

SUNDA 27:24

Dan ana li ndaaɗi Pol, lini nanagelay aŋ hin mba coli fok mul ŋgolna, Lona u jivi mamba hin suɗuŋ ki u suu ka uŋ hu lum kawinana bel.

SUNDA 27:31

Pol di sa ŋgol ma fok suu asgaa suu Romma ana «Lini suu asina wanni ka laki hu lum kawina oloɗi ni sa suɗ ki kaɗi.»

ROMMA 1:18

Yara vi Lona col ay kolo day tak ki kay cora vi suuna halaŋ, u dlaasira cora ka hin gasira a liɗira.

ROMMA 5:6

Hu li ma saɓak maygina kaɗina Kristu miɗ ki kay suu cora hu buu ma Lona ŋgaamma.

ROMMA 5:8

Aygi wi min mayra ŋgolla Lona takaygirara, Kristu miɗ kaygi ni hu li ma aygi ay jew ni suu cona.

1 KORINTNA 10:12

Kay ndaɗta sa ma ka saa a col kolona, gol tam jiviya kay nam mba ndi kaŋga oloɗi.

1 TIMOTE 1:9

Aygi wi ana gaɗta li ni ka kay suu ɗegeenaɗi, ni kay suu li cora, u suu hoŋ duu u ndaɗna, kay suu hurusi cona, u suu sulukŋa, kay suu ka hoŋ yasi kaŋga fok Lonaɗina lay, suu ka wi tlesuu vi Lonaɗi layna. Kay suu ci busi u susi kina, ci suu daŋŋa layna.

HEBRENA 4:1

Lona hini vi vunna ana aygi ndak a cuk hu li koɗ tara egemu. Gologi tagi jiviya sa maa dukugi hin ki bay kal hu li ma koɗ ta nammaɗi.

Magaara JAK Ɓiiriɗta 5:6

Agi vagi suu ɗegeena casi kiyo, asi ŋgafagi ka u yaɗi.

1 PIYER 5:8

Gologi jiviya kakagi jek jekee, kay Satanna kuɗuk ko dlona gi ŋgoɓpa na hal gegelay kay a komomu.

2 PIYER 3:7

Huulona u ndaŋgara ka cecemi wanda, Lona hinisi u Boy mam namma, kay hin ɓalakasi ki u kura nam hinisi kay juɓ buu ma kaɓakŋa kay suu cona, baasi kiyo.

Magaara JUD Ɓiiriɗta 1:15

Kay a kaɓakŋa kay suuna halaŋ, ɓakŋa hin mba vi suu may suu li dla cora kay dlaasira asi laɗta halaŋ, duu tasi u Lonara, ŋgulla asi ŋgulumba u boy co ma asi damma kamma halaŋ.»

1 SAMUEL 15:18

Yawe gaŋ sunda nam di ana, tuɗa, aŋ ɦal suu suluk suu vi Amalekŋa kiyo. Aŋ duurusi ta ta daɓasi ki cira.