1 PIYER 4:13 - Boy Lonana

¹³ Furiyugiya ni ko agi dlaɓ u wihawra vi Kristu na kay a agi mba li u ayra coco hu li ma ŋgol mamba hin mba tak taɗ kina.

1 PIYER 4:13 ပူးပေါင်းရင်းမြစ်များ

EZAYI 25:9

Hu buu namma suuna hin di ana, Nammi Loomina, ami tin hurumi kamu, nam buɗumi ki wa. Yawe ni sa ma ami tin hurumi kamma. Ŋgaaygina, furiyuygiya kay nam suɗuygi ki wa.

EZAYI 35:10

Suu Yawe buɗusi ay kina hin hoŋ aya. Asi hin cuk hu zi ma Siyonna ni u soolla furira. Golosi irisi ni u furira ka daɓ kiɗira. Ayra u furira ŋgafasi aya. Yoora u hahawra yow liŋŋa may.

EZAYI 51:11

Suu Yawe buɗusi ay kina hin hoŋ aya, asi hin mba cuk hu Siyon u soolla furira. Furira ka daɓ kiɗira hin li kasi na din din. Ayra u furira ɦuɗ tasi ay egesiya. Yoora u zamba yow liŋŋa may.

MATIYE 16:27

Na daŋŋi Goŋ Sanna hin mbay u bibiŋilla vi Bumba u suu mam suu sunda huulona may, hu li namma nam hin warak gegelay u dlara nam laɗta.

MATIYE 25:21

Mulna dam ana, Ni jiviya, sa li sunda jivina. Aŋ li sunda jivi u tlesuu gorina ni, an tiniŋ a mulna kay tlesuu ŋgolona may. Mbay li furira u anu.

MATIYE 25:23

Mulna dam ana, Ni jiviya, sa li sunda jivina. Aŋ li sunda jivi u tlesuu gorina ni, an tiniŋ a mulna kay tlesuu ŋgolona may. Mbay li furira u anu.

MATIYE 25:31

«Mayra Goŋ Sanna hin mbay kay mul mambara wanni, suu sunda huulona umu, nam kak kaŋga kay dlam mamba mulla ta bibiŋilla.

MATIYE 25:34

Hu li namma mulna mba di suu kay bikim ma njufna ana, Mbaagi ay tani, agi suu Bun minigina, paɗ vunum ay ki kagina. Kalagi hu Mulla Bun minigira ay fok jew duliyara bay tin tuwa.

MATIYE 5:12

Furiyugiya, ayagiya kayme warak magina ha juɓugi kolo huulona. Asi las suu jok vun Lona ay fokogi jew ni na may.»

MARK 8:38

Lini sana li zolona kanu, kay boy manna lay, fok suu cukunina ni, suu li zoŋgana lay, li cora lay, Goŋ Sanna hin li zolona kam may, falira nam mbay u saɓakŋa vi Bumma u suu mam suu sunda huulona may.»

Boy Ma Ayra Ma LUK Ɓiirimma 17:30

Hu buu ma Goŋ Sanna mba a tak tam kina, hin lini na may.

SUNDA 16:25

Duk ŋgikka wanni Pol u Silas gi soolla cen Lona, geleɗ Lona, suu daŋ suu hu daŋgayna laki hum may.

SUNDA 5:41

Suu vovoɗta cuk ki hin suu ŋgolo suu kaɓakŋana ka tani, tuɗ ni u furira kay Lona wasi asi ndaki a li lassa u ŋgulla kay sem Yesu.

ROMMA 5:3

Su bella wanni lini aygi ka hu wihawra lay ni aygi furiya. Aygi wi ana wihawra hin mbuɗ ɗigil ira.

ROMMA 8:17

Aygi ni goryomu, aygi hin faygi jona vi Lona ma nam ɦam maŋ suu mamsinana, aygi hin faygi ii ɓorow maygina ko taygi u Kristu, lini aygi taɓ hu wihawra u namu ni aygi hin kak u nam hu ŋgol mamba lay.

ROMMA 8:18

An saa ana lassa ay ka laɗ koyni wanda ka ndak ŋga u ŋgolla Lona hin takayra fokkaɗi.

2 KORINTNA 1:5

Ni aygi fi wihawra ŋgolo u Kristu, aygi hin mba wi njunda u Kristu ŋgol may.

2 KORINTNA 1:7

Juɓ mamira egegira u eŋga kay ami wi ana agi ka taɓ hu lassa, ni agi mba taɓ u ami hu njunda may.

2 KORINTNA 4:10

Ami tlami miɗna vi Yesu kami tew tew, kay iiri mamba tak ki egemi lay.

2 KORINTNA 4:17

Wihawra feɗta ka tuɗ kami cecem lay li kami ni bibiŋilla ŋgolla ka daɓ kiɗi, ndaɗ ŋgol saɓak su wihawra ndaɗta.

FILIPINA 3:10

Va ma an saaramma ni kay a wi Kristu, u saɓakŋa vi paɗ mamba kolora, a taɓ hu wihaw mamba, mbuɗ ki ko nam na may hu miɗ mamma.

KOLOSNA 1:24

Cecemi an li furira hu wihawra an ka faɗ kagira. Wihaw mayra an ka faɗ eg mbalatan wanda, ni an faɗ ki ni vun wihaw mayra li ka eg Kristu tuɗira kay mbalatamu. Mbalatam ni suu vi Kristuna.

2 TIMOTE 2:12

Lini aygi kak ɗiliya aygi hin taygi mulla u namu, lini aygi hinim kiyo, nam hin hiniygi ki may.

1 PIYER 1:13

Kay ndaɗta tinigi saa magira kay a li sunda, lakagi jek jekee, tinigi saa magira kay ɦala agi hin faɗ falira Yesu hin mba tak tam kira.

1 PIYER 2:21

Lona yagi ni kay ndaɗta, Kristu u tamba lay ni wihawra kagiya, nam hinigi ka ana agi li ko nam na may.

1 PIYER 5:1

An di cecemi maŋ suu ŋgolo suu gol suu vina, an lay ni sa ma gol suu vina, sa ma diki kay wihawra vi Kristuna, an ka u bibiŋilla vi Lonara hin a tak kira. Gola ni va ma an a joɓosi kamma.

1 PIYER 5:10

Ŋgoo dagan wihawra ew ndaɗta Lona ma oora yagi kay bibiŋil mamba ka daɓ kiɗira kay taɓagi u Kristu nam mbuɗugi pasiyak, soogi hurugiya ɦagi saɓakŋa ɓalagi ugi eŋe.

Magaara JUD Ɓiiriɗta 1:24

Nam sa ma ka gologi hu dlara fagira halaŋŋa, agi hin mba lak fokom bay cora hu ŋgol mamba u furira din din.

WIRA ŊGAYRA 1:7

Gologiya nam mba hu ɗugulla. Suuna halaŋ hin wamu, suu cokomma lay. Suu kay ndaŋgarana halaŋ halaŋ hin mbuɗ yoo kay boy mamma, ni dla ndaɗta hin a li ni na daŋ may, amin.

WIRA ŊGAYRA 1:9

Ni an wayagina Jaŋ ma taɓi u Yesuna, an min taɓ u agi hu wihawra may. U juɓpa juɓ Mul Lonara u lalamba lay, an ay kay daara yaɗ ana Patmossa kay an di Boy Lonana u gasira Yesu takaɗ kira.