1 PIYER 4:11 - Boy Lonana

¹¹ Sa ma di boyna kina jok ha ki ni Boy Lonana, sa ma sunda li u saɓak ma Lona ɦammana kay a tlena halaŋ ɦal ŋgara ni maŋ Lona, kay Yesu Kristu ŋgolla ni mamba, saɓakŋa ni mamma gak gak. Amin.

1 PIYER 4:11 ပူးပေါင်းရင်းမြစ်များ

SOOLLA 145:13

Mul maŋga ni mulla din dinda, mul maŋga ka ni hu basara basara halaŋ. Lona ni gasira, ɗegee hu sun mamba halaŋ.

EZAYI 8:20

Dasi asi hum u gaɗta vi Lonara lini asi hum kaɗi ni asi hin ka wi kiɗikkaɗi.

JEREMI 23:22

Lini asi humun gaɗ manda ni, asi hin ɓakan boy manna ki maŋ suu mansina, asi humum may. Asi hin hoŋosi ay ki hu voɗ masira cora asi tlaɗta ki duk dlaasira cora lay.

DANYEL 4:3

An ɦal voɗta ana mbaan suu wi dlara hu Babilonna ay fokon halaŋ, a asi buɗun u doy ndaɗta kiyo.

DANYEL 4:34

Cecem wanda, an Nabukodonosor, an ŋgaamu, yam semu, goɓ mi Mul ma Kolo Huulonana, kay ana sun mamba halaŋŋi gasira, dlaamba halaŋŋi ɗegeera, nam hin hoŋ suu ŋga tasi ŋgayina ki kaŋgaa.»

DANYEL 7:14

Asi hin ɦam saɓakŋa, bibiŋilla u mulla. Suuna halaŋ, njaf suuna u dee vunusi halaŋ sunumu. Saɓak mamma ni saɓak ma a fafaɗta hin ka daɓ kiɗina, mul mamba ni mul mayra hin ka bulum kiɗira.

MATIYE 6:13

Hinimi hu ndembaɗi. Suɗumi ki ko Ma Cona suɗu. [Kay mulla lay maŋga, garaŋga lay maŋga, ŋgolla lay maŋga. Amin.]

Boy Ma Ayra Ma JAŊ Ɓiirimma 13:31

Yudas kal ki kalni, Yesu di ana, «Cecemmi, geleɗta vi Goŋ Sanara hin tak kiyo, ta vi Lonara hin tak ki egem lay.

SUNDA 7:38

Nammi sa ma duk suu Israelna ay toki ŋgoo bagina. Nammi sa ma ay ko tam u somoyoygi lay, ay ko tam u sa sunda huulona ɓakam kay ɦinira Sinayra lay. Nam fi boy ma iirina ay fun Lona ni maygi aygi a jokom kira may.

ROMMA 11:36

Tlena halaŋ mbay ni kom u tlesuu kana halaŋŋi kom namu asi ni mam lay. Geleɗta maŋ Lona a fafatɗa. Amin.

ROMMA 12:3

U ɦalla Lona ɦanda ki u jivi mamba an min di ha ni magi agi halaŋ. Vagi saara daŋ hurugi ŋgol su dlara agi ndaki kaɗtaɗi, ni na ɗow ana saa ni hoŋ yamba kaŋga u jivira gege dukugi ni lini hu vira Lona ɦambara.

ROMMA 16:27

Nera ni maŋ Lona ma bibiŋilna dew u Yesu Kristu a fafatɗa. Amin.

ROMMA 3:2

U ŋgara ŋgolla ay ni eg suu Juifna kay nam ɦasi boy mamma ay fok jewe.

1 KORINTNA 10:31

Lini agi ti lay ci lay li megelay ni lagi tlena halaŋ u geleɗta eg Lona.

1 KORINTNA 12:4

Ҥala vi Musuk Lonara ka zeɗ zeɗta ɓorowoɗ ni ndaɗ Musuk Lonara dew.

1 KORINTNA 3:10

U oora vi Lona ta nam ɦandara, an li sunda vi Lona ko sa ma yalna na, gi u zira. Ni sa ma daŋŋa hin min kamɗu. Gegelay ni gol jiviya kay va ma nam minim kayamma.

1 KORINTNA 6:20

Lona warak kagi a gusugira ni warakiya. Lagi tagi a ɦal ŋgolla maŋ Bu Suuna.

2 KORINTNA 2:17

Ami ka ko suu may suu li paara u Boy Lonana naɗi, ni na ɗow Lona sunumi a di gasira ki fokomu ko suu sunda vi Kristu na.

2 KORINTNA 9:13

Sun mayra agi laɗ ndaɗta tak ki kay tagira, suuna ŋgolo mba geleɗ Lona kay hum vun magina ma tak viigira u Boy ma Ayra vi Kristu, asi mba geleɗemu kay ɦiz magira agi ɓorow tlegeyegi ki u asira, u suu daŋŋa halaŋ lay.

EFESNA 1:19

Agi mba wi saɓak ma mbuɗ mbuɗta ma nam ɦam maygi aygi suu vinana. Saɓak namma Lona takam ki u eŋga ŋgolla

EFESNA 4:29

Hin boy ma dawi a kal ki funugiɗi, dagi boy ma gasi a njun u suu hiŋŋa a wulusi kolo hu viisira, li jivira maŋ asi suu ka humugina may.

EFESNA 5:20

Gagi deɓ Lona Buna hu lina halaŋ u sem Bu Suuna mayna Yesu Kristu.

EFESNA 6:10

Kay ndaɗta soogi tagi hu taɓ magira u Bu Suuna hu saɓak mamma ŋgolna.

FILIPINA 1:11

Iiri magira hin hoɓi u sunda ɗegeera ta Yesu Kristu laɗta, sun ndaɗta li u ŋgolla u geleɗta vi Lonara.

FILIPINA 2:11

Kay vun suuna halaŋ mba di ana, Yesu ni Bu Suuna, ŋgolla vi Lona Buna egemu.

KOLOSNA 4:6

Ko boy magina mba li tew tew jivi a sa fi va umu, wagi yal a hoŋ dira maŋ gegelay u jivira.

1 TESALONIKŊA 2:4

Lona tukumi ki tukgi hin ɦami Boy ma Ayra ni na tuwa, ami ɓakŋi ka a jiv tami ii suuna ɦawaɗi, ni ii Lona ma gol huna kurufuna.

1 TIMOTE 1:17

Mul ŋgol ma didinna ma miɗɗina, ma sa ka wam u irimbina ni Lona dew, geleɗta u ŋgolla ni mamba a fafatɗa Amin.

1 TIMOTE 6:16

Nam dew ni ma ka miɗɗina, nam kaki hu kiɗik mayra sa ka tuɗ ha huɗira, sa waɗ kaɗi lay, sa ndak a waɗɗi lay, geleɗta u saɓak ma ka daɓ kiɗina ni mam a fafatɗa. Amin.

TITTA 2:1

Aŋ may ni haɗ va ma ɗegee, ma tuɗ u haɗta gasira.

TITTA 2:15

Gola ni va ma aŋ haɗamma, col kam u saɓakŋa a haɗ suu ka humuŋ boy maŋŋana yalasiya. Hin sa dukusi a panaŋgi.

HEBRENA 13:7

Humugi maa ki kay suu ŋgolo suu fokogi suu dagi Boy Lonana ay jewnaɗi. Saaragi kay poy masira jivira u miɗ masina lay, vi u Lona ko asi lira na may.

HEBRENA 5:12

Lina jak ki ni ŋgolo a agi mbuɗ a suu haɗ suuna may, doli agi min ni Boy Lonana ma haɗam ay jewna olo. A ti fu ma eŋŋa, magira ni agi min ana ɦagi ni mbira a cira.

Magaara JAK Ɓiiriɗta 1:19

Gorsen suu an minigina saaragi kay boy ma wanna, gegelay ni hum zak, di zakgi, li ya zakgi lay.

Magaara JAK Ɓiiriɗta 1:26

Lini sana vi u va wa ka doo sinimba di boynaɗi ni nam ganyam tammi ganiya. Va nam vi umma ki ni ɦawaa.

1 PIYER 2:12

Poyogi ɗegee duk suu bay vina, lini asi kaagi boyna egegi ana agi ni suu cona lay ni, asi hin wi sun magira jivira hin geleɗ Lona hu buu ma nam hin mbayna.

1 PIYER 2:5

Ҥuɗugi tagi aya, agi may ni ko ɦini ma iirina na, hin a min zira kay Musuk Lonara ni u agiya. Agi hinni a suu teteɗ suu li ɓivunna maŋ Lona, ɓivun ma Lona minimma, nam irim jivira ni u Yesu Kristu.

1 PIYER 4:10

Gegelay li ko ɦala vi Lonara zeɗ zeɗta egemba na, njun u suu hiŋŋa u ɦala nam faɗ ko Lonara.

1 PIYER 4:16

Lini sana wihawra kay nam sa ma vinara ni li zoloɗi, gi deɓ maŋ Lona kay nam ndak a di ki kay sem Kristu.

1 PIYER 5:11

Saɓakŋa ni mamma lay gak gak. Amin.

Magaara JUD Ɓiiriɗta 1:25

Ni maŋ Lona hol Saay ma Suɗta, Bu Suuna Yesu Kristu, ŋgolla u ŋgolla, bibiŋilla u saɓakŋa u eŋga, gijaŋŋa ay jewra day cecemmi lay, ha fokka lay gak gak a fafatɗa, Amin.