1 PIYER 3:9 - Boy Lonana

⁹ Hoŋogi cora u ndaraɗ coraɗi, ŋgulla u ndaraɗ ŋgullaɗi lay. Paɗagi vunugi ki kay tagi ni paɗi na ɗow. Hu li ma Lona yagina ni vi vunum ana nam hin paɗ vunum ki kagiya.

1 PIYER 3:9 ပူးပေါင်းရင်းမြစ်များ

URA TIN AYRA 42:25

Yosef ɦal voɗta ana oyosi wana hu mbumbu masisina, cukusi gursu masira fun may. Ҥasi tlesuu ti ha irisi voɗna may. Asi li ko ndaɗta na may.

VUN ŊGOLNA 17:13

Sa ma varak dla cora ki balam jivirana, yoora ka hinim ziim kiɗi a fafaɗta.

VUN ŊGOLNA 20:22

Di ana, «An min hoŋ cora sana landa egenda ki may naɗi.» Tin huruŋŋi kay Yawe nam hin suɗuŋ kiyo.

VUN ŊGOLNA 28:10

Sa ma viɗ suu ɗegeena ki hu voɗta corana, hin ndi ni hu zul mamba nam vegeɗta tok. May suu ɗegeena hin fi jivira a joosina.

MATIYE 19:29

Suu ana asi hin ziisi kiyo, ɗowba gorsesina, busiya, susiya, goryosiya, sene masina kan anu ni, asi fi ŋgol suwa sem kis olo, hin fi iirira ka daɓ kiɗira hu jona lay.

MATIYE 25:34

Hu li namma mulna mba di suu kay bikim ma njufna ana, Mbaagi ay tani, agi suu Bun minigina, paɗ vunum ay ki kagina. Kalagi hu Mulla Bun minigira ay fok jew duliyara bay tin tuwa.

MATIYE 5:39

Anu, an dagi ana, Suu lagi cora egegina, sa sugulugi u asiɗi. Sa caŋ kiriŋiŋ ma njufna wa ni, aŋ pereɗ ma gulna, nam ci olo.

MATIYE 5:44

Anu, an dagi ana, Minigi suu babali magisina. Cen Lona kay suu lasagina.

MARK 10:17

Yesu gi tam voɗ sini, sana liŋ ay egemu, mba goɓ ga fokomu, joɓom ana, «Sa haɗ jivina, an li nana a fi iirira ka daɓ kiɗira ge?»

Boy Ma Ayra Ma LUK Ɓiirimma 10:25

Mul ma wi magaara gaɗta mba ganyam Yesu joɓom ana, «Mala Haɗta, an hin li ni nana a fi iirira ka daɓ kiɗira ge?»

Boy Ma Ayra Ma LUK Ɓiirimma 18:18

Mul ma vi suu Juifna dew mba eg Yesu joɓom ana, «Sa ma haɗ suuna jivina, an li nana a fi iirira ka daɓ kiɗira ge?»

ROMMA 12:14

Joɓ Lona nam paɗ vunum ki kay suu lasagina, joɓomu nam paɗ vunum ki kasiya. Ka ana baasi ki baaya na ɗowɗi.

ROMMA 12:17

Hoŋ cora maŋ sana u coraɗi, lagi jivira ni maŋ suuna halaŋ.

ROMMA 8:28

Aygi wi ana Lona li jivira halaŋŋi maŋ suu minimma, suu nam yasi ki u ŋgaɓ mambana.

ROMMA 8:30

Suu Lona manasi ay ki fok jewna nam yasiya, suu nam yasina nam mbuɗusi ki fokom ɗegee, suu nam mbuɗusi ki ɗegeena nam ŋgaasiya.

GALATENA 3:14

Dla ndaɗta li na ni kay paɗvunna vi Lona ma nam di ki fok jew maŋ Abrahamma mba li maŋ suu ka njaf suu ɦawana halaŋ u Yesu Kristu kay aygi mba fi Musuk Lonara nam di kaɗta.

EFESNA 4:32

Lagi jivira u minda eg tagiya tagiya, ɦeɓegi hurugi ki eg tagiya, ko Lona hinigi coogira ki hu Kristura na may.

1 TESALONIKŊA 5:15

Gologi tagi jiviya, hin sa hoŋ cora u ndaraɗ coraɗi. Halagi a li ni jivira duk tagi na ɗow, lagi jivira eg suuna halaŋ lay.

HEBRENA 12:17

Ko agi wagi ŋgoo dagan ni nam min hal paɗvun ma vi bumma, nam hin kini ɦawaa, nam fi voɗta ka kay a mbuɗ va ma nam lam kinaɗi. Nam halaɗ vam u tiina irim ŋgol lay.

HEBRENA 6:14

Nam di anaba, «An hin paɗ vunun ki kaŋu, an hin zuluŋ njafaŋ ŋgolo.»

1 PIYER 5:10

Ŋgoo dagan wihawra ew ndaɗta Lona ma oora yagi kay bibiŋil mamba ka daɓ kiɗira kay taɓagi u Kristu nam mbuɗugi pasiyak, soogi hurugiya ɦagi saɓakŋa ɓalagi ugi eŋe.

1 SAMUEL 26:11

Ko Yawe lan dla cora egenu lini an tin kon eg sa ma Yawe fuurumma. Tli saɓ mayra kaŋga u yamba u guura yona huruɗta, tuɗuy may ɗaŋ.»